InfoHub Logo

Matematıka 1 synyp

Jańa sabaq: Qosý amalynyń komponentteri.
Bilimdiligi: Ótken sabaqty qaıtalaý, óz oılaryn baıandaýǵa birlesip eńbektene bilýge esepterdi shyǵarý barysynda qalyptastyrý. Qosý amalynyń ataýlarymen tanystyrý.
Tárbıeligi: Ulttyń tilimen mádenıetin súıýge eńbek etýge, eńbek adamdarynyń eńbegin baǵalaı bilýge tárbıeleý.
Kórnekilik: Kıiz úı jabdyqtary. Sandyq kıiz, tósegish, jastyq, besik, ydys-aıaqtar beınelengen kartochkalar qarlyǵash sýreti.
Sabaqtyń túri: Jańa sabaq.
Ádis: Oıyn sabaq.

Sabaqtyń mazmuny: İ. Úırený.
İİ. Úı tapsyrmasyn tekserý.
Dápterlerin jınaý arqyly tekseremin.

İİİ. Jańa sabaq:
Jańa sabaqty sýret arqyly túsindirý. Qosý amalynyń aty bolady. Qosý amalyna berilgen mysaldarǵa 3 qatysady deı kelip qarlyǵashtar beınesin beınelengen sýretter arqyly esep qurastyryp, qosýdyń attarymen tanystyrdym. Sonda 3 qarlyǵash otyr edi, oǵan 2 qarlyǵash kelip qosylady. Sonda barlyǵy neshe qarlyǵash boldy?
Sheshýi: 3+2=5. Jaýaby: 5 qarlyǵash.
3 - 1 - shi qosylǵysh.
2 - 2 - shi qosylǵysh.
5 – qosyndy dep atalady.
Anany qarańdar balalar!
Bizge qaraı aýzynda tistegen haty bar bir qarlyǵash ushyp kele jatyr dep, qarlyǵashtyń ákelgen hatyn oqımyn. Onda bylaı depti. Qurmetti 2 - synyp oqýshylary sizderge qonaqqa barǵaly jatyrmyz. Kútip alyńdar. Sálemmen kórshi mektep oqýshylary. Al balalar kútip alýǵa daıyndalaıyq deımin. Oqýshylar ústi - basyn túzep, synyp ishin jınastyrdy. Sol ýaqytta basqa synyptyń 2 oqýshysy kelip kiredi. Balalar amandasady. Er balalar assalaýmaǵalıkým, qyz balalar sálemetsiz be? deıdi. Balalar endi qonaqtarymyzǵa dastarhan jasaıyq. Dastarhanǵa nan qoıylady.
Nan qıqymyn shashpańdar!
Jerde jatsa baspańdar!
Terip alyp qasterlep,
Torǵaılarǵa tastańdar.
- dep óleńmen túsindirip dastarhanǵa nan ákelý úshin úı ıesine kómektesip №1 tapsyrmany oryndadyq
9+6=15
9+5=14
Osy mysaldardaǵy qosylǵyshtar men qosyndyny atap kórsetti. Mine balalar tapsyrmany durys oryndadyńdar dep nandy dastarhanǵa qoıdyq. Endi qurt ákelip qoıý. №3 tapsyrmany oryndadyq.
Sheshýi: 10+8=18
Jaýaby: Barlyǵy 18 hat.
Tapsyrmany durys oryndadyq dep dastarhanǵa qurt qoıdyq.

İV. Serigý sáti.
«Aıgólek» óleńi arqyly ár túrli qımylmen jattyǵýlar jasaldy. Endi dastarhanǵa qaımaq ákelip qoıaıyq dep kelesi tapsyrmany oryndattym №4.
Sheshýi: 3+1=4.
Jaýaby: 2 - shi semá 4 gazet jazdyryp aldy.
Qaımaqtyń neden alynatynyn aıtý. Endi dastarhanǵa shubat, sháı ákelýimiz kerek dep túıe jáne sháınek kórinisi beınelengen kartochkamen jumys júrgizdim. Er balalar kóbine ákelerimen birge júrip, mal jaqta qoradaǵy sharýashylyqtarymen aınalysatynyn aıtyp, túıe kórinisi beınelengen kartochkany er balalarǵa berdim.
Mysaly: 8+7=15.
9+5=15.
7+4=11.
Al qyz balalar kóbine qonaq kelgende analarynyń qasynda júrip dastarhan jasaýǵa kómektesetinin aıtyp, sháınek kórinisi beınelengen kartochkany qyz balalarǵa berdim.
Mysaly: 6+5=11.
9+3=12.
8 - 6=2.
Kartochkadaǵy mysaldardy oqytyp, jaqsy ashyq daýyspen oqyǵan jáne sabaqtan qalys qalmaı aralasyp otyrǵan oqýshylardy madaqtadym.

V. Baǵalaý. 12 Oqýshy.
VI. Úıge tapsyrma №2 mysal.

VII. Qorytyndylaý.
Sabaǵymyzdy Q. Myrzaǵalıevtiń óleńimen jáne «Dastarhan» óleńin aıtý arqyly osyndaı jomart qazaq topyraǵy. Ol qashan dastarhansyz otyrady. Qonaqqa baryn berip otyrady,- dep qazaq halqynyń qonaqjaılyǵyn aıtyp aıaqtadyq. Bul sabaqtarymda sátti shyqqan oıyndardyń az ǵana túrin alyp otyrmyn. Budan basqada mynadaı kóptegen oıyndardy paıdalanyp otyrdym.
Olar: «Kim shapshań», «Óz ornyńdy tap», «Han talapaı» t. b. Jalpy tómengi synyp oqýshylary shyǵarmashylyqqa óte belsendilik kórsetkenmen, ony tek oıyn retinde ǵana qabyldaıdy.