QR BǴM muǵalimder jalaqysyn arttyrý baǵytyndaǵy jumystardy jalǵastyrady
QazAqparat - QR Bilim jáne ǵylym mınıstrligi muǵalimder eńbegin tóleý júıesin ózgertýdi jalǵastyrady. Bul týraly búgin Astanada Qazaqstan bilim salasy qyzmetkerleriniń respýblıkalyq tamyz keńesinde QR Bilim jáne ǵylym mınıstri Erlan Saǵadıev málim etti.
«Orta bilim salasynda bizdiń eń basty jetistikterimizdiń biri - ol 2016 jyldan muǵalimder jalaqysyn arttyrýǵa qatysty. Bul eń mańyzdy másele. Budan ári qaraı da ustazdar úshin eńbekti tóleý júıesin ózgertý máselesi boıynsha jumystardy jalǵastyramyz. Biz pedagogtyń jumysy ońaı emes ekenin túsinemiz, alaıda muǵalimniń sabaq berý sapasy da sáıkesinshe ósýi kerek. Osy baǵytta jumys isteıtin bolamyz», - dedi vedomstvo basshysy.
Osy rette ol kadrlardy qaıta daıarlaý baǵdarlamasy keńeıtilgenin aıta kele, bıyl jazda bastaýysh mekteptiń 73 myń muǵalimi oqý baǵdarlamasynyń jańartylǵan mazmuny boıynsha biliktilikti arttyrý kýrstarynan ótkenin jetkizdi.
«Olar bul mazmundy laıyqty deńgeıde baǵalap, onyń jumysta qolaıly ekenin aıtty. Sonymen qatar bıyl barsha deńgeıler úshin ázirlengen jańa memlekettik standarttar bekitildi. Osy baǵytta aýqymdy jumystar atqaryldy jáne olar úzdik álemdik standarttarǵa saı kelip otyr», - dedi ol.
You Might Also Like
-
Arterıalyk gıpertenzıa (AG) - arterıalyq qan qysymynyń merzimdik nemese turakty joǵarylaýy. Gıpertonıalyq aýrý - álemdegi eń keń taralǵan aýrýlardyń biri. Arterıalyq qysymnyń joǵarylaý sebebi...
-
Qazaqstanda mektep ustazdary qaǵazbastylyqtan arylady. Bul týraly búgin Qazaqstan bilim salasy qyzmetkerleriniń respýblıkalyq tamyz keńesinde QR Premer-Mınıstriniń orynbasary Darıǵa Nazarbaeva mál...
