2017 jyldan orys tilinde oqytatyn mektepterde qazaq tilin meńgerý kemshilikteri joıylady
Aldaǵy jyldan bastap orys tilinde oqytatyn mektepterde qazaq tilin meńgerýdiń jańa ádistemesi engiziledi. Bul týraly búgin Astanada Qazaqstan bilim salasy qyzmetkerleriniń respýblıkalyq tamyz keńesinde QR Bilim jáne ǵylym mınıstri Erlan Saǵadıev málim etti.
«Memlekettik tildi odan ári qaraı damytý jáne jańa ádistemeni engizýge toqtalatyn bolsaq, bizde jyl saıyn qazaq tilinde oqıtyn oqýshylar sany ósýde. Búginde jetpis paıyz mektep oqýshylary qazaqsha bilim alýda. Bıyl balalardyń 72 paıyzy qazaq tilinde UBT tapsyrdy. 2016 jyly joǵary oqý oryndaryna bólingen granttardyń 80 paıyzy memlekettik tildegi mamandyqtar. Biraq, áli de sheshilmegen mańyzdy máseleni aıtatyn bolsaq, orys mektepterinde qazaq tili oqytylsa da, olar memlekettik tildi kúndelikti ómirde qoldanbaıdy. Sol mektepterde jańa ádisteme kerek bolyp tur jáne ony barlyǵymyz túsinemiz», - dedi mınıstr.
Osy rette E. Saǵadıev jańa ádistemeni birlesip daıyndaýǵa otandyq ǵalymdar men ádiskerler jumyldyrylǵanyn aıta kele: «Ádistemeniń negizgi jobasy daıyn jáne ol keshegi sesıada tanystyrylyp, talqylandy. 2017 jylǵy oqý jylynan bastap orys tilinde oqıtyn balalarǵa qazaq tilin úıretetin sol jańa kommýnıkatıvtik tehnologıalardy engize bastaımyz. Darıǵa Nursultanqyzy (Premer-Mınıstrdiń orynbasary), Sizdiń bergen tapsyrmańyzǵa sáıkes, ádisteme ári qaraı oqýshylarmen birge eresek adamdarǵa da usynylady», - dedi.
You Might Also Like
-
QR Bilim jáne ǵylym mınıstrligi joǵary oqý oryndarynda memlekettik bilim granttaryn ala almaı qalǵan 45 «Altyn belgi» ıegerin tegin oqytý múmkindikterin talqylady.
-
2017 jyly Ulttyq biryńǵaı testileý ózgeredi. Bul týraly búgin Qazaqstan bilim salasy qyzmetkerleriniń respýblıkalyq tamyz keńesinde QR Premer-Mınıstriniń orynbasary Darıǵa Nazarbaeva málim etti.
