InfoHub Logo

Seısen muǵalimniń sabaq aıtyp turǵan balany onsha tyńdaı bermeıtinin baıqap qaldy. Endeshe, sabaqqa daıyndalyp kelmese de bolady.

Muǵalim búgin ony taqtaǵa shyǵardy. Seısen qýlyqqa kóshti. Aǵaıdyń aıtylǵan sabaqqa asa nazar aýdarmaıtynyn paıdalanyp: "Baıaǵyda pop bolypty, - dedi Seısen. - Poptyń ıti kóp bolypty".

Aǵaı bul kezde synyptyń art jaǵynda júr edi. Seısen osyny paıdalanyp, álgi sózdi qaıtalaı berdi:

"Baıaǵyda pop bolypty, poptyń ıti kóp bolypty".

Muǵalim Seısenge rıza boldy. "5"-tik baǵa qoıdy. Kezek Seısenniń partalasy Ánýarǵa keldi. Ánýar da Seısenniń qýlyǵyn qaıtalap kórmek boldy:

"Baıaǵyda pop bolypty. Poptyń ıti kóp bolypty".

Muǵalim bul kezde synyptyń aldyńǵy jaǵyna kelip qalǵan edi. Ánýardyń ne aıtyp turǵanyn estip qaldy. Jaqsylap sybaǵasyn berdi.

- Áńgime qandaı pop týraly?! - dedi muǵalim aıǵaıdy salyp. - Qaı jerden ıt kórip tursyń?!

Seısen qý bul kezde kitappen betin búrkep alǵan kúıi, Ánýardyń myna haline partanyń ústine jatyp alyp, búlkildep kúlip jatyr edi.

---