InfoHub Logo

Qýyr, qýyr, qýyrmash
Qýyr, qýyr qýyrmash,
Balapanǵa bıdaı shash.
Bas barmaq, Balań úırek, Ortan terek, Shyldyr shúmek, Kishkentaı bóbek...osylaı bastalatyn sanamaq bárimizdiń esimizde shyǵar. «Myna jerde maı bar, myna jerde shaı bar....myna jerde qytyq bar» dep sábıdi kúldiredi. Bir jasqa tolatyn balamdy osylaı kúldirip otyryp, babalarymyzdyń bul sanamaqty beker shyǵarmaǵanyn túsindim. Sóıtsem, bul tunyp turǵan tárbıe eken ǵoı. Eń áýeli, densaýlyqqa paıdaly. Adamnyń saýsaqtarynda jáne alaqanynda ishki aǵzalardyń núkteleri ornalasqanyn bilemiz. Saýsaǵymyzben sábı alaqanyna jeńil massaj jasap, saýsaqtaryn kezekpen búgip-ashyp jattyqtyramyz. Tek, jattyqtyryp qana qoımaı, oǵan saýsaq ataýlaryn, tórt túlikti, kúndelikti ómirde qoldanylatyn taǵam, zat ataýlaryn qulaǵyna sińirip, eń sońynda máz qylyp kúldiremiz. Bala negizi oınap otyryp úırense, esinde jaqsy saqtalady. Árıne, bul meniń ashqan bir jańalyǵym emes. Bárimiz de biletin nárse. Tek, sony utymdy paıdalana bileıik. Al mynaý sizderge usynǵan jańa «Qýyrmashtar».

Qýyr, qýyr, qýyrmash,
Qane, balam, kóńil ash.
Bas barmaǵyńatań,
Qurmette ony, botam.
Balańúırekapań,
Erkelegin, botam.
Ortanterekákeń,
Ákeńdeı bol bekem.
Shyldyrshúmekanań,
Syıla ony, balam.
Kishkentaı bóbek óziń,
Qýanatyn kózim.
Myna jerde atasy bar,
Myna jerde apasy bar,
Myna jerde ákesi bar,
Myna jerde anasy bar,
Myna jerde ózi bar,
Myna jerde kúlkiniń kózi bar.
***
Qýyr, qýyr, qýyrmash,
Dastarhanda dámdi as.
Bas barmaǵyń sý eken,
Sýy bar jer ný eken.
Balań úırek nan eken,
Dastarhannyń sáni eken.
Ortan terek sút eken,
Sút bar jerde qut meken.
Shyldyr shúmek et eken
Paıdasy onyń kóp eken.
Kishkene bóbek bal eken,
Baldaı tátti bala eken.
Myna jerde sý bar,
Myna jerde nan bar,
Myna jerde sút bar,
Myna jerde et bar,
Myna jerde bal bar,
Myna jerde kúletin án bar. Balapandarymyz aman bolsyn!

---