InfoHub Logo

Balabaqsha tárbıeshisi: Sveta Ataýova

Tehnologıalyq karta
Bilim berý salasy: «Tanym»
Oqý is áreketi: Sensorlyq tárbıe
Taqyryby: Qýyrshaqtar bizde qonaqta.
Maqsaty: Qýyrshaqtyń kıimderiniń tústeri týraly túsinik berý, túster týraly bilimderin keńeıtý, zeıindilikti, qol motorıkasy men qımyl úılesimdiligin damytý. Zattardy toptastyrý jáne salystyrýǵa úıretý. Uqyptylyqqa tárbıeleý.
Sózdik jumys: qyzyl, sary, kók, jasyl.
Kórnekilikter: qýyrshaqtar, kýbıkter, qorapsha, gúlder.

Motıvasıalyq - qozǵaýshylyq
Shattyq sheńberi
Sálem deımin kúnge men!
Sálem deımin saǵan men!
Sálem deımin apaıǵa!
Qonaqtarǵa barshaǵa!
Sálem! Sálem! Sálem!

Uıymdastyrýshylyq - izdeýshilik
- Balalar, qazir jyldyń qaı mezgili?
- Búgin aptanyń qaı kúni?
Men senderge jumbaq oqyp bereıin, sender sheshýin taýyp berińder.
Qysta jerdiń betin basady, Jazda saı - salaǵa qashady. Ol ne?
Mine, balalar qarańdarshy bizge qýyrshaqtar qonaqqa kelipti. Olar ádemi kóılekterin kıip kelgen eken.
Qýyrshaqtarǵa at qoıyp alaıyq.
- Qýyrshaqtarymyzdyń kóılekteriniń túsin qandaı?

Balalar bizge Nurgúl esimdi qýyrshaq ta, qonaqqa kelipti, kóıleginiń túsine qarańdarshy, bul ádemi jasyl tús.
Mine, búgin jasyl túspen tanysamyz.
Balalar, sender bilesińder me, shóptiń, japyraqtyń tústeri de jasyl bolyp keledi. Birge qaıtalaý.
- Balalar, tyńdańdarshy esik qaǵady, kim eken?
- Balalar aıýmen amandasaıyq.
- Aıý;«Balalar men ormannan keldim, sender tústerdi jaqsy ajyrata bilesińder, maǵan tús aıyryp berýge kómektesesińder me? Jolda kele jatyp kýbıkter taýyp aldym, osy kýbıkterdi
birdeı tústes qorapshalarǵa bólip beresińder me?»
Balalar, aıýdyń kýbıkterin qorapshalarǵa tústerine sáıkestirip salyp beremiz be?
Ár túrli qorapshalarǵa tústerine sáıkes kýbıkterdi salý.,
Qorapshalarǵa jınaqtaý.
- Balalar, boıymyzdy sergitip alaıyq.

Sergitý sáti:
«Ormandaǵy aıýdyń qulpynaıy kóp eken,
Terip, terip alamyz, qaltamyzǵa salamyz».

Revleksıvtik – túzetýshilik
- Jaqsy ornymyzǵa otyraıyq.
Aıýmen qoshtasý.
- Aıý; «saý bolyńdar balalar tústi ajyratýǵa kómekteskenderińe rahmet!»
Dıdaktıkalyq oıyn;
«Qýyrshaqtarǵa gúl syılaý»
Maqsaty; Uqsas tústerdi ajyrata bilýge úıretý.
Sary, qyzyl, kók, jasyl tústi gúlderdi, qonaqqa kelgen qýyrshaqtardyń kıip kelgen kóılekterimen tústes gúlderdi syıǵa tartý.

- Balalar, búgingi oqý is – áreketi unady ma?
Ne úırendińder?

Tolyq nusqasyn júkteý