InfoHub Logo

Jambyl oblysy Rysqulov aýdany Qulan aýylynyń mańynda ortaǵasyrlyq Qulan qalasynyń orny saqtalǵan. Qulan qalasy týraly VII ǵasyrdaǵy qytaı, arab jazba derekterinde aıtylady. Qulan qalasynda kóptegen tarıhı oqıǵalar ótken. Mysaly, 740 jyly túrgesh begi Qursul Batys Túrik qaǵandyǵynyń eń sońǵy basqaǵy Ashına Sýıszyny osy qalada óltirgen. 840 jyly arab áskerleri Qulanǵa deıin jetken. Tarazdan jáne Merkeden Qulanǵa deıingi araqashyqtyq kórsetilgen jol baǵdarlary jazylyp saqtalǵan.

Qalanyń ornynan shahrıstan, ishki qamal jáne shyǵys jaǵynda bekinissiz rabat bolǵandyǵyn baıqaýǵa bolady. İshki qamal – bıiktigi 7-8 metrge jýyq, tórtburyshty, 40x40 m2 alańy bar tóbe. Shahrıstany tórtburyshty tóbe pishindes. Ol uzyndyǵy 320 m, bıiktigi 4-5 metrge jýyq qabyrǵamen, syrtynan tereńdigi 1 m, eni 15 m ormen qorshalǵan. Qazba jumystarynyń nátıjesinde ǵımarattardyń ornynan kóptegen ydystar – quman, qazan, qumyra, qaqpaq, saptyaıaq, shyraǵdan, t.b. alynǵan.

Qulan orta ǵasyrlarda Uly Jibek jolyndaǵy iri mádenı-saýda ortalyqtardyń biri bolǵan.

Oqýǵa keńes beremiz:

Sýıab

Saýran

Saıram

Saraıshyq

Uly Jibek joly

Uly Jibek jolynyń 5 iri qalasy

Uly Jibek joly: Shóldegi qudyqtarda qalaısha árdaıym sý bolǵan?

 

---