InfoHub Logo

Qorqyt dananyń qabiri qaı jerde ekenin tap basyp aıtý múmkin emes. Onyń kesenesi týraly kónekóz adamdardyń árqaısysy ár túrli aıtady. Neǵurlym anyǵy hám ataqtysy — Syrdarıanyń tómengi aǵysyndaǵy Qarmaqshy qystaǵynyń mańyndaǵy kesene. Osy kesene uzynnan sozylǵan segiz qyrly úlgide, tóbesi kúmbezdelip salynǵan. Buryshtary oıýlarmen órnektelgen. Kesenege jalaýy bar uzyn syrǵaýyl qoıylǵan. Ókinishke qaraı, Syrdarıanyń aǵyndy sýy bul kúmbez ben qabir basyndaǵy belgini baıaǵyda shaıyp jibergen. Qazir sol jerge jańa kesene salynǵan.

Qorqyt ata kesenesinen árkez qobyz kúıi estilip turǵan desedi. Onyń jańa kesenesi tórt qobyz bir-birine súıenip turǵandaı etip bıikke salynǵan, odan qobyzdyń syrly áýezi shyǵyp jatqandaı bolady.

Halyq arasynda Qorqyt qobyz ben kúıdiń atasy sanalady. Ol ózi oılap tapqan qobyzben kúı tartyp, ajaldy jolatpaǵan eken. Qorqytty el shejiresinde máńgilik ómir jyrshysy, baqsylardyń atasy, uly sazger retinde qasterleıdi.

Oqýǵa keńes beremiz:

Qorqyt týraly ańyz

Jelmaıa (İ nusqa)

Áýppaı (İ nusqa)

---