InfoHub Logo

«Burymdy qyz» atty 8 - 10 synyptarynyń arasyndaǵy qyzdar baıqaýynyń júrý barysy.

Maqsaty: «Gúl ósse - jerdiń kórki Qyz ósse - eldiń kórki» - degendeı ejelden ata - babalarymyz qyzdardy árqashanda gúlge teńegen. Tabıǵatta eń sulý ósimdik gúl bolsa, álemniń sulýy - qyz. Qyzdarymyzǵa tán náziktik, sulýlyq, uıańdyq, ıbalylyq, sypaıylyq, ádemilik, iskerlik, sheberlik, rýhanı baılyq, aq nıet, súıispenshilik, namysy, qaırat jigeri, bárinen de ar tazalyǵy tán. Osyndaı qasıetterimen de qazaq qyzdary zor taǵylym ıesi! Qyz tárbıesi týraly kóp aıtýǵa bolady. «Qyzǵa qyryq úıden tyıym» - degen sóz qyzdy kemsitý úshin aıtylmaǵan, kerisinshe qyz balanyń tárbıesine zor jaýapkershilikpen qaraýdy meńzeıdi. Búgingi qyz - erteńgi ana. Sondyqtan, halqymyz áıel - barsha tirshiliktiń bastaýy, ómirdiń sáni dep qasıet tutyp, ardaqtap aıalaǵan.
Qyz sulý kórinedi qylyǵymen,
Jarysa tógilgen qos burymymen.
Bul kúnde sulýlyqtyń úlkeni osy,
Qyz sulý kórinedi bilimimen.
Qyz sulý kórinedi shashymenen,
Aı qabaq, qıǵash qara qasymenen.
Qyz sulý kórinedi tolǵan aıdaı,
On eki men on segiz jasymenen.- degendeı, halqymyz qyz sulýlyǵyna erekshe mán bergen. Qazaq qyzy dese, bet - júzinde uıańdyǵy bar, shashy uzyn, basqan izi bilinbeıtin jan elesteıdi. Sholpynyń syńǵyry qulaǵymyzǵa keledi...
Boıjetken qyzdardy ultymyzdyń salt - dástúrleri men ádet - ǵuryp, rýhanı qundylyqtardy qurmetteı bilýge, uıańdyq pen bıazylyqqa, ınabatty, bilimdi bolýǵa tárbıeleý.
Júrgizýshi: Armysyzdar, abzal analar, kóktem gúlindeı jaınaǵan apaılar, aıaýly arýlar. Sizderdi kógildir kóktemniń shýaqty kúnderimen birge keletin
8 - naýryz merekesi halyqaralyq áıelder kúnimen shyn júrekten quttyqtaımyz. Búgingi kún sizderge merekelik kóńil - kúı tileı otyryp,
halyqaralyq áıelder kúni merekesine arnalyp ótkeli otyrǵan «Burymdy qyz» atty baıqaýymyzdy tamashalaýǵa shaqyramyz.
Arýlar - aıaýlylar, ardaqtylar,
Ómirge jylý bolyp qalmaq bolar.
Arýlar – tirshilikke kúre tamyr,
Ómirdi bir - birine jalǵap turar.

Qurmetti qaýym, búgingi ótkeli otyrǵan «Burymdy qyz» atty 8 - 10 synyptarynyń arasyndaǵy qyzdar baıqaýyn bastaýǵa ruqsat etińizder.
Baıqaýdyń maqsaty: Qazaq halqynyń urpaqtan urpaqqa jalǵasyp kele jatqan danalyǵy men tereń sanalyǵyn boıyna darytqan qazaq qyzdarynyń tabıǵat bergen kórkemdilik - ádemiligimen, sulýlyǵyna táý etý.

Qos burymy ash beline tógilgen,
Kelbeti bar kermaraldaı kerilgen.
Qazaq qyzy – ınabatty arý qyz
Aq júzinen appaq sáýle tógilgen.
Til baılanyp qalatyndaı kórgende,
Sulýlyqty soǵan ǵana bergen be!
Kimde bolsa bas ıedi moıyndap,
Qarsy aldyna qazaq qyzy kelgende - deı kele búgingi baıqaýǵa qatysýshylarǵa sáttilik tileı otyryp qoshemetpen ortamyzǵa shaqyraıyq.
№ 1 arýymyz
№ 2 arýymyz
№ 3 arýymyz
№4 arýymyz
№5 arýymyz
№6 arýymyz

Ádildikpen baǵa berer arýǵa
Ádildikpen qara qyldy jarýǵa
Alqasyn qazylardyń biz saılaıyq
Aq arýdy taldap búgin alýǵa - dep búgingi saıysymyzǵa baǵa berer qazylar alqasymen tanys bolyńyzdar.
Qazylar alqasynyń músheleri:

Búgingi baıqaýda arýlarymyz myna bólim sharttary boıynsha synǵa túsedi:
İ - bólim: «Sálemdesý»- dep atalady. Baıqaýymyzdyń bul bóliminde arýlarymyz ózin - ózi tanystyrady. Bunda arýlarymyzdyń til kórkemdigi jáne syrt symbaty, júris turysy synǵa túsedi.
İİ - bólim: «Men qazaqtyń qyzymyn dara týǵan»- dep atalady. Bul bólimde arýlarymyz qazaq qyzynyń beınesin somdaıdy.
İİI - bólim: «Óz óneri» - dep atalady. Bul bólimde arýlarymyz óz ónerlerin kórsetedi. (Án aıtý, bı bıleý, dombyra tartý t. b ónerlerin kórsetýge ruqsat etiledi)
İV bólim: «Sán úlgisi»- dep atalady. Bul bólimde arýlar qazaq halqynyń sán úlgisin kórsetedi. Qatysýshylardyń sán úlgisine erekshe mán beriledi.
V bólim:. Bilimdi myńdy jyǵar (suraq - jaýap)
Baýrap alar bir aq aýyz sálemi
Qazaq qyzy - ádepti de ádemi
Qazaq qyzy - aqylyna kórki saı
Tunyp turǵan sulýlyqtyń álemi.- deı otyryp baıqaýymyzdyń birinshi bólimi
«Sálemdesýi» boıynsha arýlarymyzdy ózin - ózi tanystyrýyna ruqsat eteıik. Qarsy alyńyzdar.

İİ bólim «Men qazaq qyzymyn dara týǵan»
Bul bólimde arýlarymyzdyń daıyndaǵan qazaq qyzynyń beınesin tamashalaıyq. Qol soǵyp arýlarymyzdy ortaǵa shaqyramyz. Ár qatysýshy roman, poemadan úzindi kórsetedi.

İİI bólim: «Óz óneri»
Arýlarymyz óz ónerlerin kórsetedi
Óneri órge júzer talaptynyń
Talanty talmaı ushar qanattynyń
Áldı áýen álemi óner aty
Sharpyp ótsin lebimen qanatynyń - dep saıyskerlerdiń ónerin tamashalaýǵa shaqyramyz.

IV bólim «Sán úlgisi» Bul bólimde baıqaýǵa qatysýshy qazaq halqynyna saı sán kıim úlgisin kórsetedi. Qatysýshynyń shash úlgisine de erekshe mán beriledi.
Qazaq qyzy - tamsandyrǵan talaıdy,
Toǵjan bolyp ǵashyq qylǵan Abaıdy.
Qazaq qyzy kúlkisi kún, tili bal,
Aı sekildi asqaq arý araıly - dep sán úlgisin kórsetýge arýlarymyzdy ortaǵa shaqyramyz