InfoHub Logo

Taqyryby: «Daraboz» sporttyq saıys
Maqsaty: Salaýatty ómir súrýge qyzyǵýshylyǵyn arttyrý. Sportpen aınalysýdaǵy ártúrli dene shynyqtyrý jattyǵýlarynyń ádisterin úırený, olardy qoldaný.
Balalardyń sportqa degen qyzyǵýshylyǵyn arttyrý.
Eptilikke, shapshańdyqqa, salaýatty ómir saltyna, tazalyqqa tárbıeleý.

Oıynǵa qatysýshylar: Mektep aldy daıarlyq toby jáne №5 «Aıgólek»
balabaqshasynyń «Balapan» toby.
Kórnekilikteri: Saıys taqyryby, jar qaǵazdary, emblema.
Kerekti quraldar: kıglıler, qapshyq, sheńberler, boýlıń doptary, doptar.
Ótiletin oryny: Sport zaly

Barysy
Júrgizýshi: Qurmetti, qonaqtar, ustazdar, búldirshinder! Búgingi mektep aldy daıarlyq toby men №5 «Aıgólek» balabaqshasynyń «Daraboz» sporttyq saıysyna qosh keldińizder!

Ár tańdy baqytpen atyramyz
Ónerdi oı kóginde baqylańyz.
Saıysqa qatysýǵa endi ortaǵa:
«Tulpar», «Qyran» toptaryn shaqyramyz.

Ortaǵa saıysqa qatysatyn toptardy shaqyraıyq.
Saıysymyzdy bastamas buryn, saıysymyzdyń ádilqazylar alqasymen tanys bolaıyq.
*
*
*
Saıys sharttarymen tanys bolyńyzdar:
1. Toptarmen tanysý
2. Kim jyldam?
3. Boýlıń
4. Kedergelerden ótý
5. Qappen sekirý
6. Sheńberden sheńberge
7. Kim shapshań?

Qurmetti saıyskerler, saıysymyzdy bastaımyz! Sizderge sáttilik tileımin!
1 - kezeń toptarmen tanysý
«Qyran» toby
Urany: Qyrandaı kúshti qanatty,
Biz órender talapty.

«Tulpar» toby
Urany: Jelmen birge jarysqan,
Tulpar qalmas jarystan.

2 - kezeń «Kim jyldam?»
Sharty: Balalar belgilengen jerge deıin júgirip, qaıtady.

3 - kezeń «Boýlıń»
Sharty: Balalar qatar qoıylǵan kıglılerdi dopty laqtyrý arqyly qulatýy qajet.

4 - kezeń «Kedergilerden ótý»
Sharty: Balalar ornatylǵan kedergiler arasymen shataspaı júgirip qaıtýy kerek.

5 - kezeń «Qappen sekirý»
Sharty: Balalar qappen sekirip belgilengen jerge deıin baryp qaıtady.

6 - kezeń «Sheńberden sheńberge»
Sharty: Balalarǵa eki sheńber beriledi.
Bir sheńberdi aldyna qoıyp attaý
arqyly belgilengen orynǵa
baryp qaıtady.

7 - kezeń «Kim shapshań?»
Sharty: Balalar joǵarydan bir - birine dop berý arqyly jarysady.

Júrgizýshi:
Bireý ozsa jarysta,
Bireý artta qalady.
Jeńilgender renjimeı
Tarasa bizge jarady, - demekshi, saıysymyzdyń sharttary boıynsha qorytyndy shyǵaryp, jeńimpazdardy anyqtap, marapattalady. Sóz kezegi ádilqazylarǵa beriledi.
Saıyskerler marapattalady.

Qurmetti qonaqtar, kelgenderińizge kóp - kóp rahmet!
Kelesi kezdeskenshe saý - salamatta bolyńyzdar!