InfoHub Logo

Qyzylorda oblysy, Áıteke bı kenti,
№7 "Baldyrǵan" balabaqshasy
Tárbıeshi: Erbozova Baqyt
Toby: eresek top

Mazmundy keıipkerli oıyn: "Emhana"
Maqsaty: Balalardyń dáriger eńbegine baqylaý jasaý arqyly olardyń is - áreketin rólderge bólip oınaýǵa úıretý. Aq halatty abzal jandardyń qamqorlyǵyn, meıirimdiligin, kishipeıildigin sezine bilýge daǵdylandyrý, oıyn arqyly balanyń bilim deńgeıin jandandyra otyryp, sózdik qoryn molaıtý, aýyzeki sóıleý mádenıetin qalyptastyrý. Jaýapkershilikke, adaldyqqa, ımandylyqqa tárbıeleý.
Ádis - tásilder: túsindirý, kórsetý, suraq - jaýap, jeke jumys, qorytyndylaý.
Kórnekilik: Árbir dárigerge arnalǵan arnaıy bólme, dári - dármekter, aq halat, bas kıimder, dárigerge qajetti qural jabdyqtar.
Aldyn ala jumys: Balabaqsha dárigeri Anar apaıdyń eńbegimen tanystyrý.
Qajetti quraldar: dári – dármekter, kitapshalar, halattar, bas kıimder, qural - jabdyqtar.

Balalar kelgen qonaqtarmen amandasaıyq.
Balalar amandasady.
Tárbıeshi:- Balalar esimizge túsireıikshi qandaı mamandyq túrlerin bilesińder?
Balalar: - Dáriger, ashana, qurylysshy, dúkenshi, shashtaraz
Tárbıeshi: - Jaraısyńdar, jaqynda biz qandaı mamandyq ıesimen tanystyq?
Balalar: - - Dáriger.
Tárbıeshi: -- Balalarymyzdyń dárigeri Anar apaıymyzdyń eńbegimen tanystyq.
- Bárekeldi, dáriger apaı bizge ne týraly aıtty?
Balalar: - - Dáriger quraldarymen tanystyrdy.
- Taza aýamen júrý kerektigin eskertti.
- Dárýmeni mol tamaqtardy kóp jeýimiz kerek.
- Sportpen shuǵyldaný kerek.
- Aýyryp qalsaq dárigerge kórinýimiz kerek.
Tárbıeshi: Jaraısyńdar, biz deni saý jaqsy azamat bolyp ósýimiz úshin árdaıym úlkenderdiń aıtqanyn tyńdap júrý, dárýmendi taǵamdar jeý, sportpen shuǵyldaný kerek ekenin túsindik, taza júrip, tamaqqa otyratyn kezde qolymyzdy jýýymyz kerek.
- Dáriger bolyp oınaǵylaryń keledi me?
- Dáriger mamandyǵy unaıdy ma senderge?
- Balalar endeshe búgin ózderiń kórip turǵandaı men tobymyzdy «Emhana»róline sáıkes daıyndadym. «Terapevt», « Bala dárigeri», « Qabyldaý bólmesi», «Egý bólmesi», «Dárihana», «Januıa». Oıynymyzdy bastamas buryn men sendermen sanamaq arqyly dárigerlerdi tańdap alamyn.
Árbir dárigerdiń ózine júktelgen mindeti bar.
Qabyldaý bólmesindegi dáriger kelgen naýqasty jyly qabyldap, kartochkasyn taýyp berip, kelgen dárigerdiń bólmesin kórsetip, emine shıpa bolýyna tilektes bildiredi.
Terapevt dárigeri - kelgen naýqasty jaqsy qarsy alyp, qaı jeri aýyrǵanyn surap, naýqasqa kómek kórsetýi kerek.

Bala dárigeri – kishkentaı balaǵa kómek kórsetip, ishetin dárisin, alatyn emin taǵaıyndaý.
Egý bólmesi – dáriger taǵaıyndaǵan emine sáıkes ákelgen dárini egip, em bolýyna tilek bildirý.

Dárihana bólimi - halyqqa qyzmet etip dáriler bosatady.
Balalar óz rólderińdi túsindińder me?
Endeshe oryndaryńa jaıǵasa qoıyńdar.
(ár balaǵa óz ornyn kórsetedi)
1 - shi úlken kisi kiredi.
Qabyldaý bólmesi: Sálemetsiz be, Qosh keldińiz!
- Kóp jasa balam.
- Qaı jerińiz aýyryp keldińiz ata?
- Basym aýyrady.
- Qazir kartochkańyzdy taýyp bereıin, aty jónińizdi aıtyńyz. Kósheńizdiń nómiri, úı telefonyn aıtyńyz jazyp qoıaıyn.
- Mine, kartochkańyz qazir tirkep alaıyn. Siz terapevt dárigerine barasyz. Esik syrtynda bir sany belgilengen bólmede terapevt dárigeri otyrady, bara berýińizge bolady. Saý bolyńyz!
Terapevt: Sálemetsiz be?
- Órkeniń óssin balam.
- Qaı jerińiz aýryp mazalaıdy?
- Dáriger balam 2 - 3 kún boldy basym aýyra beredi.
- Qane, qan qysymyńyzdy ólsheıin. Ata sizdiń qan qysymyńyz kóterilip tur eken, qazir egý bólmesine jibereıin, sol jerde sizdiń qan qysymyńyzdy túsiretin dári egedi, sosyn basyńyz aýyrǵany qoıady. Ata sizge analızge qaǵaz jazyp beremin, sizge ári qaraı em taǵaıyndaımyn. Dárihanadan myna dárini ala baryńyz jaraıdy ma ata?! Ýaıymdamańyz bári jaqsy bolady. Erteń tańerteń qan tapsyryńyz.
Zere ataǵa analızge, qanǵa qaǵaz jazyp bershi. (meıirbıke qaǵaz jazyp beredi)
Dárihana:
- Sálemetsiz be ata! Qandaı kómegim qajet?
- Amansyń ba balam! Myna dárilerdi jazyp berip edi.
- Iá ata myna dáriler bar, qazir bereıin. 2000 teńge bolady.
- Rahmet balam.
- Em bolsyn ata!

Egý bólmesi:
- Sálemetsiz be ata!
- Órkeniń óssin balam. Myna dárilerdi dáriger balam jazyp berip edi.
- Qaǵazyńdy berińiz, tirkep alaıyn. Buryn osy ýkoldy saldyryp kórdińiz be?
- Iá balam, ýaıymdama aldyryp júrmin.
- Ata onda kelińiz oryndyqqa jaıǵasyńyz.(ýkol salady ). Em bolsyn. Eki mezgil kelip alyp turasyz.
- Jaraıdy balam.
- Ýaqytyly kelip, em qabyldap turamyn. Úlken azamat bol balam!
- Saý bolyńyz!

Qabyldaý bólmesi:
- Sálemetsiz be apaı!
- Sálemetsiz be!
- Qaı jerińiz aýyryp keldińiz?
- Myna kishkentaıymdy ekpe prıpıvkasyna alyp kelgen edim.
- Kartochkańyzdy taýyp bereıin, aty - jóni, qaı kóshede turasyzdar? Aıy, kúni, jyly.
- Ahmetova Shahnaz. S. Muhanov №5 úı. 05. 01. 2010.
- Mine, kartochkańyz, №2 bala dárigerine barasyz.
- Saý bolyńyz!

Bala dárigeri:
- Sálemetsiz be!
- Amansyz ba! Myna balamnyń bir jolǵy ekpe prıpıvkasyna alyp keldim.
Dáriger: Kele ǵoı balaqaı, kórip jibereıin. Atyń kim?
- Shahnaz.
(gradýsnık qoıady).
- Aýzyńdy asha ǵoı. (Tekserip kóredi.)
Keýdeńdegi toqymańdy kóter, bir teksereıin, artqa qaraı ǵoı, taǵy bir tekserip jibereıin.
Dáriger: Balaqaı qys mezgilinde jyly kıinip júrýimiz kerek, sýyq sý ishýge bolmaıdy, anańnyń aıtqanyn tyńda, tumaý tıip qalmasyn.
Bala: Jaraıdy, anamnyń aıtqanyn oryndaımyn.
Dáriger: Apa qazir egý bólmesine baryp bir jolǵy ekpe prıpıvkasyn alyńyzdar, 3kúnge deıin shomylmaımyz, keshke qyzýy kóterilse osy ishte jaqyn jerde dárihana bar sol jerden parasetamol dárisin alyp alyńyz, qyzýy kóterilse berińiz. Jaraı ma?
Anasy: jaraıdy saý bolyńyz.
Dáriger: saý bolyńyz, em bolsyn!

Egý bólmesi:- Sálemetsiz be.
- Sálemetsiz be, bir jolǵy ekpe prıpıvkasyna keldik.
Qane kele ǵoı balaqaı, kartochkańyzdy berińiz tirkep alaıyn. Apa 3 kúnge deıin sýǵa túsirmeımiz, keshke qyzýy kóterilse parasetamoldan bir túıir ishkizińiz. Jaraı ma?
- Jaraıdy.
- Saý bolyńyz!
- Rahmet sizge.
- Em bolsyn!
Dárihana:
- Sálemetsiz be! Qandaı kómegim qajet?
- Sálemetsiz be? Sizde parasetamol dárisi barma.
- Minekı dárińiz, 50 teńge turady.

Em bolsyn, aýyrmańyz!
- Rahmet peıilińizge, saý bolyńyz!
Qabyldaý bólmesi: (Telefonmen sóılesedi.)
- Sálemetsiz be? Alo emhana, qabyldaý bólmesi.
- Sálemetsiz be? Balamnyń qyzýy túspeı qatty aýyryp tur.
- Aty jóni?
- Týǵan jyly, aıy, kúni?
- Qaı kóshede turasyzdar?
- Aıtýǵan Álmansur.
- 03. 01. 2010jyl.
- Birjan sal №110
- Qazir men dárigerin úıińizge jiberemin.(bala dárigerine kartochkasyn shyǵaryp beredi)

Bala dárigeri:
- Sálemetsiz be?
- Sálemetsiz be? Sizge Birjan sal №110 úıden shaqyrtý túsip tur.
- Jaraıdy qazir shyǵamyz.
- Mashına daıyn tur.
- Qane jınalaıyq.
Mashınamen shaqyrtýǵa barady.
- Assalaýmaǵaleıkúm.
- Assalaýmaǵaleıkúm, sizderdi kósheni taba almas dep syrtta kútip tur edim.
- Anasy: amansyz ba, balamnyń qyzýy kóterilip, aýyryp tur.
- Kele ǵoı balaqaı kórip jibereıin, gradýsnıkti qoıady. Apa balańyzdyń angınasy kóterilip tur, qyzýy sondyqtan shyǵar.
Anasy: Keshe balam dalaǵa jeńil kıinip shyǵyp ketipti.
Dáriger: Balaqaı qys mezgilinde jyly kıinip júrý kerek, sýyq sý ishpeımiz, anańnyń aıtqanyn tyńdaýymyz kerek jaraı ma?
Bala: jaraıdy anamnyń aıtqanyn oryndaımyn.
- Apa dáriler jazyp bereıin, medbıke qazir dári egedi, kúnine eki ret emin alyp turyńyz. Aýzyn shaıýdy umytpańyz. Dáriler arasyna jazyp qoıdym.
- Jaraıdy ýaqytyly salyp turamyz.
- Balaqaı tez jazylyp ketýińe tilektespin. Saý bolyńyzdar. Ýaqytyly em alyp bolǵasyn bir kórinip ketińder emhanaǵa.
- Jaraıdy saý bolyńyz!
- Papasy: men senderdi shyǵaryp salaıyn esik aldyna deıin. Saý bolyńyz.
Balalar oıyn senderge unady ma? Maǵan búgin bárińniń oıyndaryń, is - áreketteriń unady, jaraısyńdar, ásirese Raıana Merýert, Damır, Rınat. Búgin senderdiń is - áreketterińdi baqylaý úshin, kúndelikti densaýlyǵymyzdy tekserip turatyn dáriger apaıymyz Anar apaıymyz kelip otyr. Anar apaıǵa sóz bereıik. Anar apaı meni balalarymnyń oıyny sizge unady ma?
- Balalar oıyndaǵy is - áreketteriń óte unady, men rızalyǵymdy bildirip senderge búgin mynandaı dárýmender ala keldim, senderge kóp kúsh beredi.
- Ramet Anar apaı.
Balalar endeshe Anar apaıymyzǵa, barlyq dárigerlerdiń eńbegine tabys tilep, biletin taqpaqtarymyzdy aıtaıyqshy.
Raıana: Nár alyp jyly sózińnen,
Jaqsaryp kelem jalyndaı.
Shıpaly sóziń, emińmen,
Kóktemgi jasyl jaılaýdaı.
Merýert: Adaldyq aq jol senimmen
Alǵysyn kóptiń ala ber.
Aqjarqyn adal kóńilmen
Syrqattyń jaıyn taba ber.
Kúsh – qýat alyp ómirden,
Qartaıma, laýlap jana ber.
Osymen oıynymyzdy aıaqtap, kúnniń ekinshi jartysynda taǵy da oınaıtyn bolamyz.

Kútiletin nátıje:
Jańǵyrtady: aýrýhana týraly balalar biletin túsinikterin eske túsiredi;
Túsinedi: dárigerlerdiń túrli salaǵa bólinip, qyzmet etetindikterin túsinedi;
Qoldanady: rólderge bólinip oınaý arqyly dáriger eńbegin baǵalap, úırenedi, olardyń qıyn jumystaryna qurmetpen qaraıdy.