InfoHub Logo

Baıqońyr qalasy № 14 bastaýysh mekteptiń
bastaýysh synyp muǵalimi Baljanova Saltanat Ernazarovna

Sabaqtyń taqyryby: «Jaz. A.Qunanbaev, Shilde. M.Dýlatov»
Sabaqtyń maqsaty:
a) bilimdilik: oqýshylarǵa óleńdegi, mátindegi negizgi ıdeıany uǵyndyrý.
Avtorlar týraly túsinik berý. Jyl mezgiliniń erekshe qasıetin bilý arqyly úlkenderdiń qoǵamǵa paıdaly eńbektiń qandaı túrlerimen shuǵyldanatyny týraly túsinikti etip jetkizý;
b) damytýshylyq: alǵan bilimin is júzinde qoldana bilý arqyly oı-órisin damytyp, óz oıyn tolyq jetkize bilýge baýlý, sózdik qoryn molaıtý, shyǵarmashylyq qabiletterin shyńdaý;
v) tárbıelik: oqýshylardy tabıǵatty qorǵaýǵa, aıalaýǵa jeteleý, eńbek etýge tárbıeleý.

Sabaqtyń túri: dástúrli
Sabaqtyń tıpi: jańa bilimdi meńgertý
Sabaqtyń formasy: synyptaǵy júıeli sabaq
Sabaqtyń ádisteri: túsindirý, suraq - jaýap, oıyn, ınteraktıvti ádister, t.b.
Sabaqtyń kórnekiligi: oqýlyq, «sıqyrly qorapsha», oıyn quraldary, t.b.
TSO: mýltımedıalyq qural, úntaspa.

Sabaqtyń barysy:
I. Uıymdastyrý 2 mın.
II. Úı tapsyrmasyn tekserý 8 mın.
III. Jańa bilimdi úırenýge daıyndyq 2 mın.
IV. Jańa bilimdi túsindirý, qabyldaý 15 mın.
V. Jańa bilimdi túsingenin tekserý 10 mın.
VI. Jańa bilimdi bekitý, qorytý 5 mın.
VII. Oqýshylar bilimin baǵalaý 2 mın.
VIII. Úı tapsyrmasyn habarlaý, nusqaý aıtý 1 mın.

I. Uıymdastyrý.
a) Shattyq sheńberi: qane, bárimiz bir-birimizdiń qolymyzdan ustap shattyq sheńberin quraıyq. Sheńberimiz kóktegi jylý beretin Kún sıaqty dóńgelek. Bir-birimizge qarap, jaqsy kóńil-kúı syılap, jaqsy tilekter aıtaıyq (jaqsy, ádemi sózder aıtý).
á) Búgingi sabaqta ustazdyń sózin muqıat tyńdap, óz bilimińdi ortaǵa salý, ózińdi jáne ózgeni syılaý, jańa bilimdi meńgerýge qushtarlyq tanytý óte qajet.
b) Jáne de árbir durys tolyq jaýapqa bútin «Kún», tolyq emes jaýapqa «bultty Kún» alyp otyramyz, sabaq sońynda sol boıynsha baǵalaımyz.

II. Úı tapsyrmasyn tekserý.
a) «Kóktem» taqyrybyna óleń, esse jazý;
á) «Sarqylmas qazyna» taraýyn qaıtalap kelý.
«Sıqyrly qorapsha» oıyny.

Maqsaty: oqýshylardyń «Sarqylmas qazyna» taraýy boıynsha bilimderin tekserý.
Sharty: synyp oqýshylary sheńber boıymen otyrady. Áýenniń yrǵaǵymen «sıqyrly qorapsha» sheńber boıymen júredi. Áýen toqtaǵanda «sıqyrly qorapsha» kimniń aldyna kelse, sol qorapshadan óziniń qalaǵan zatyn (bul jerde suraq) alyp, tapsyrmany oryndaıdy.
Tapsyrma:
1. «Sarqylmas qazynaǵa» neler jatady?
2. Aıtys degenimiz ne?
3. Synyptastaryńmen «Birjan men qyz» aıtysyn sahnalap berińder.
4. Qandaı ańyzdarmen tanystyq?
5. «Áke men bala» ańyzy bizdi nege úıretedi?
6. Biletin jumbaǵyńdy jasyr.
7. Jattaǵan maqal-mátelińdi aıtyp, maǵynasyn túsindir.
8. «Sheshendik sózder» boıynsha qandaı taqyryptarmen tanystyq?
9. «ÁKİM» degenimiz ne?
10. Qobylandy batyr kimmen kúsh synasty?
11. «Altyn balta» ertegisindegi kedeıge minezdeme berip kór.
12. «Besik jyryn» kim jáne kimge aıtady?
Muǵalimniń qorytyndy sózi.

III. Jańa bilimdi úırenýge daıyndyq.
TSO arqyly sýret kórsetý: «Jaz» mezgili.
a) Toptyq jumys: «Jaz».
Maqsaty: oqýshylardyń jaz mezgili týraly oılaryn anyqtaý.
Sharty: oqýshylar 4-4-ten toptarǵa bólinedi. Ár topqa jaz mezgiline baılanysty túrli tapsyrmalar beriledi.
Tapsyrma:
1. Jaz aılary:
2. Jazda aýa raıy qandaı bolady?
3. Jazda balalar ne isteıdi?
4. Jazda adamdar qandaı eńbekpen shuǵyldanady?
5. Jazdaǵy janýarlardyń tirshiligi.

Muǵalim: búgin biz jańa taraý bastaımyz. Ol taraýdyń aty «Jazdygún shilde bolǵanda» (TSO-dan taqyryby bar sýretti kórsetý).
á) «Tulǵany tany» oıyny (jeke jumys).
(TSO-dan sýretterdi kórsetý).

Maqsaty: oqýshylardyń qanshalyqty aqyn-jazýshylardy tanıtyndary anyqtalady.
Sharty: oqýshylarǵa túrli aqyn-jazýshylardyń sýretteri kórsetiledi. Sýrettegi tulǵany tanyp, aty-jónin jazyp berýi tıis.
Tapsyrma:
1. Abaı Qunanbaev
2. Ybyraı Altynsarın
3. Mirjaqyp Dýlatov
(TSO -dan esimderi jazylǵan sýretterdi kórsetý).
Osy sýretterde bir kisiniń artyqshylyǵy bar. Ol kim?
(TSO -da eki avtordyń sýreti qalady).
Abaı men Mirjaqyp týraly oqýshy oıy, muǵalimniń tolyqtyrýy.

IV. Jańa bilimdi túsindirý, qabyldaý.
a) Muǵalim: búgin biz Abaı Qunanbaevtyń «Jaz» óleńimen jáne Mirjaqyp Dýlatovtyń «Shilde» atty mátinimen tanysamyz.
á) Dápterimizdi ashyp búgingi kúnniń retin jáne taqyryptardy jazyp alamyz.
b) Muǵalimniń «Jaz» óleńin mánerlep oqýy.
v) Maǵynany ashý.
g) Sózdik jumysy:
kógoraı shalǵyn – kók shóp
kúrkirep – jańǵyra gúrsildep
shurqyrap – oqyryna kisinegen
jony - arqasy
ǵ) Oqýlyqpen jumys:
ishteı oqý, tizbektelip oqý, shýmaqtap oqý, tutas oqý, mánerlep oqý.
d) Óleńniń qurylysyn taldaý: shýmaq, tarmaq, býnaq, býyndy, uıqas.
e) Sergitý sáti: «Jaý, jaý, jańbyr!»
j) «Bulttar sóıleıdi» oıyny (juptyq jumys).

Maqsaty: oqýshylardyń oılaý qabiletterin damytý.
Sharty: oqýshylar juptasady. Taratylǵan úlestirmeli bulttardan maqaldy qurastyrýy shart.
Tapsyrma: «Egin ekseń tyńǵa ek, Tyńnan óner ónim kóp».
Egindi áli ıgerilmegen jerge ek. Sonda mol ónim alasyń deıdi. Kóp ónim alý úshin taǵy ne kerek? – Kúnniń jylýy (ystyǵy).
z) Mátinmen jumys: tizbektelip oqý, azat joldarmen oqý, tutas oqý.
ı) Sózdik jumysyn júrgizý:
jelidegi – qulyndy baılaıtyn jip
bozbala – 15-18 ul bala
bel oraq – shalǵy

V. Jańa bilimdi túsingenin tekserý.
Mátinnen san esimderdi taptyrý, túrin aıtqyzý.
200-150 aıyrmasy 50 sany neni bildiredi?
a) «Ǵaryshqa saıahat» oıyny.
Maqsaty: oqýshylardyń este saqtaý qabiletterin damytyp, sózdik qoryn molaıtý.
Sharty: oqýshylar sheńber boıymen mátinniń mazmunyn birizdilik saqtap, tolyq sóılemdermen baıandap shyǵýy tıis.
Tapsyrma: «Shilde» mátini.
á) «Bes joldy óleń» strategıasymen jumys jasaý: jaz, shilde.
b) «Domıno» oıyny.
Maqsaty: oqýshylardyń este saqtaý qabiletterin anyqtaý.
Sharty: oqýshylar 3-3-ten toptasady. Óleńdi birneshe qaıtalap oqyp alady. Oqýlyq jabylady. Domıno taratylady. Oqýshylar este saqtaǵan óleń qatarlaryn qurastyrady. Jaýap etalony arqyly tekseredi.
Tapsyrmasy: «Jaz» óleńi.

VI. Jańa bilimdi bekitý, qorytý.
a) «Syńaryn tap» oıyny.
Maqsaty: oqýshylardyń jańa taqyryp boıynsha túsingenderin anyqtaý.
Sharty: taqtaǵa túrli sózder ilinedi. Oqýshylar sózderdi juptastyryp, syńaryn tabýy tıis.

Tapsyrmasy: A.Qunanbaev, jaz, M.Dýlatov, shilde, jazdygún, shilde bolǵanda, bel, oraq, tas, qum, t.b.
á) Suraq – jaýap júrgizý:
1. Qandaı taraýdy bastadyq?
2. Kimniń óleńimen tanystyq?
3. Mirjaqyp Dýlatovtyń qandaı mátinin oqydyq?
4. Shilde degenimiz ne?
5. Jaz aılaryn ata, t.b.
b) Muǵalimniń qorytyndy sózi.

VII. Oqýshylar bilimin baǵalaý.
Kim qansha «Kún» jınady eken? Sol boıynsha baǵalaý, madaqtaý. Rızashylyq bildirý.

VIII. Úı tapsyrmasyn habarlaý.
Úıden A.Qunanbaevtyń «Jaz» óleńin mánerlep jattap, mazmuny boıynsha sýret salamyz. M.Dýlatovtyń «Shilde» mátinin túsinip oqyp, mazmundap kelemiz. Maqaldy jattap alamyz.