InfoHub Logo

Sabaqtyń taqyryby: «Denim saý bolsyn deseń»
Sabaqtyń maqsaty: Oqýshylardyń «densaýlyq» uǵymynyń qundylyǵy týraly túsinikterin keńeıtý; salaýatty ómir saltyn saqtaýdyń adam ómirindegi mańyzyn, oı tazalyǵy men taza nıetiniń áseri týraly túsinik berý; densaýlyqty kútýge, salaýatty ómir súrýge tárbıeleý.
Kórnekilikteri: túrli tústi qaryndashtar, tústi qaǵazdar, qorapsha, medısınalyq qural - jabdyqtar jáne t. b.
Barysy
Shattyq sheńberi:
Oqýshylardyń barlyǵy sheńberge turyp, qoldaryna berilgen sýretterge qatysty adam aǵzasyna paıdasyn ataýy tıis.
Balalar men sizderge jumbaq jasyramyn, egerde sol jumbaqtyń sheshýin tapsańdar, búgingi sabaǵymyzdyń taqyryby shyǵady.

Ony kútken adamdar.
Uzaq ómir súredi.
Qadirin bilgen jarandar:
Baılyq – osy desedi:
Sheshýi: densaýlyq.

Oıyn:
Sıqyrly qorap dep atalady. Bul oıynda kýbızm ádisin qoldanamyz.
Qoraptyń ishinde qandaı zat bar? Jińishke me? Jýan ba? Qatty ma? Jumsaq pa?
Oqýshylar ustap, qozǵap kóredi. Árbir oqýshy óz oılaryn jáne qoraptyń ishinde ne bar ekenin aıtady. Ustap kórgennen keıin qoraptyń ishin ashamyz. Qoraptyń ishinde shprıs bar. Onyń paıdasy, jáne qandaı zıandy áreketteri bar? Oqýshylardyń pikirin tyńdap bolǵannan keıin, onyń paıdaly jaǵy dári egýge, aýrýdyń aldyn alýǵa, emdelýge arnalǵan. Al zıandy áreketteri: esirtki zattardy adam denesine jiberý.

Densaýlyq jóninde oqýshylardyń bilimderin esterine túsirip, pikirlesý úshin arnaıy suraqtar beriledi.
- Birinshi baılyq - densaýlyq dep nelikten aıtylǵan?
- «Deńi saýdyń – jany saý» degendi qalaı túsinesińder?
- Densaýlyq saqtaýdyń qandaı joldary bar?

Mátinmen jumys.
«Densaýlyqtyń – on qupıasy» atty mátinmen jumys isteý barysynda oqýshylardyń densaýlyqtyń mańyzdylyǵy týraly túsinikterin keńeıtip, olardyń qyzyǵýshylyqtaryn arttyrady.
Densaýlyqtyń birinshi qupıasy - densaýlyq pen syrqattyń negizi aqyl – oıymyzda.
Densaýlyqtyń ekinshi qupıasy – bizdiń tynys alýymyzda bolyp tabylady.
Densaýlyqtyń úshinshi qupıasy - shynyǵý áreketteri kúsh ákeledi.
Densaýlyqtyń tórtinshi qupıasy – durys tamaqtaný.
Densaýlyqtyń besinshi qupıasy - kúlki. Kúlki máńgilik emshi.
Densaýlyqtyń altynshy qupıasy - demalý kúshi dep atalady.
Densaýlyqtyń jetinshi qupıasy - tulǵany taza ustaı bilý kúshi.
Densaýlyqtyń segizinshi qupıasy – taza qorshaǵan ortasyz shynaıy densaýlyqtyń bolýy múmkin emes.
Densaýlyqtyń toǵyzynshy qupıasy – senim kúshi.
Densaýlyqtyń onynshy qupıasy – súıispenshilik kúshi.

Postermen jumys
« Densaýlyq» - uǵymynyń maǵynasyn ashý.

Jańa aqparat.
Densaýlyq – adam balasynyń eń qundy ıgiliginiń biri. Densaýlyqty saqtaý úshin eń birinshi kezekte oıyń, nıetin taza bolýy kerek. Adamnyń jan tazalyǵy densaýlyǵyna áser etedi.
Adam tabıǵattyń ózińe syılaǵan múmkindikterin oryndy paıdalanyp, gıgıenalyq tártipti saqtap, densaýlyqqa zıan keltirmeı júrse, uzaq ta baqytty ómir súredi. Densaýlyqty saqtaý ár adamnyń óz qolynda.
Sabyr men senim, meıirimdilik pen súıispenshilik adam densaýlyǵyn jaqsartýǵa yqpal etedi. Densaýlyǵyn jaqsy bolsa, kóńil kúıde kóterińki bolady.
Denniń saýlyǵy adamnyń ózine jáne ózgege adal bolýynan, kóńil kúıin basqara bilýine baılanysty. Ózine jáne ózgelerge degen adal sezim, aqyl - oı salaýattylyqtyń negizi.

Jaǵdaıattardy taldaý.
1 - jaǵdaıat.
Shákeń erteń bolatyn emtıhandy oılap, ábden mazasy ketti. Barlyq suraqtarǵa tyńǵylyqty daıyndalǵan boldy. Biraq kóńiline senimsizdik uıalap, mazasyz oılar birinen soń biri tizbektelip kele berdi. Mazasyzdyqtan aryla almaǵan Sháken ózin jaısyz sezindi.
- Shákenge qandaı keńes berer edińder?

2 - jaǵdaıat.
Aınash pen Kúlásh bir synypta oqıdy. Aınash aqkóńil, qurbylarymen tez til tabysady. Kúlásh ta ashyq jarqyn, biraq Aınash bolǵan jerde kóńili kúrt ózgerip sala beredi. Nege ekeni belgisiz Aınashtyń jetistikteri Kúláshqa túrpideı tıedi. Berekesi ketip boıyn mazasyzdyq bıleıdi.

Júrekten júrekke.
Oqýshylar júrekshelerge tilek jazyp, bir - birine usynady.