InfoHub Logo

Qupıa agentiniń shytyrmandary
Sabaqtyń tıpi: 8 - synyptyń hımıa kýrsy boıynsha bilimdi jalpylaý jáne júıeleý
Maqsaty: 8 - synyptyń hımıa kýrsy boıynsha jalpylaý
Mindeti:
1. Bilimdilik: kýrstyń negizgi taqyryptary boıynsha qaıtalaý jáne bekitý, alǵan bilim dárejesin tekserý
2. Damytýshylyq: pánge degen qyzyǵýshylyǵyn damytý, erýdısıasyn, oılaý qabiletin, analız jasaýǵa, qorytyndy jasap anyq jetkize bilýge úıretý
3. Tárbıelilik: jeke tulǵa retinde qalyptastyrý, toppen birge jumys jasaýǵa úıretý. Baıqaǵyshtyqqa, top arasynda jumys istegen kezde sypaıylylyqqa jáne ózgeniń jaýabyn tyńdaýǵa úıretý.
Kórneki quraldar men materıaldar: Uran jazylǵan sóz, úlestirmeler, nomirlengen alfavıt, tapsyrmalar, jaýap paraǵy, telegramma, qupıa agentteri úshin kod nomeri men attary bar kýálik.
Uran: “Jeńý úshin - bilim kerek, isteı bilý kerek, oılaı bilý kerek.”

Sabaqtyń jospary:
1. Uıymdastyrýshylyq bólim
2. Topty tanystyrý
3. Daıyndyq bólimi
4. Tapqyrlyqqa tapsyrma
5. Shapshańdyq pen eptilikke tapsyrma
6. Shıfrdyń jetkizilý ýaqytyn anyqtaý
7. Telefon nomerin anyqtaý
8. Paróldi anyqtaý
9. Shıfrdy sheship kór
10. Qorytyndylaý

Sabaq barysy
Muǵalim oqýshylardy eki topqa bólip, olarǵa rettik sanmen nómir taǵaıyndalady. 001, 002, 003 jáne t. b. (toptyń bóliný sanyna qaraı.) Ár top óziniń jetekshisin tańdaıdy. Sabaqty baǵalap qorytý úshin sarapshy tańdalyp, baǵalaý paraǵy beriledi. Baǵalaýǵa joǵary synyp oqýshysyn nemese ata - anadan shaqyrtyp qoıýǵa bolady.

Muǵalim: Balalar, siz bárińizde teledıdardan detektıvti fılm kórýdi unatasyńdar. Sizderge jaqsy tanys tyńshy batyrlardy atańdarshy? / Djeıms Bond, Sherlok Holms, Nıro Výld, Erkúl Pýaro jáne t. b / Al sizder ózderiń tyńshy bolǵylaryn kele me, olaı bolsa bir sabaqqa tyńshy bolyp kóreıikshi? Meniń oıymsha bolady. Búgin bizder qupıa agenti bolamyz, ıaǵnı qupıa uıymnyń qıyn da shyrmalań tizbektiń aralyq zvenosy bolyp, qundy aqparatty alyp, jáne ony jiberýimiz kerek. Aldymen sabaǵymyzdyń taqyrybyn anyqtap alaıyq. Myna kartochkada bir jazý bar. Osyǵan muqıat qarap, úsh sózden turatyn taqyrybyn taýap oqyńyzdar.

Kartochka: QUSHYAPIA GENTYRTİMANDANİŃ RY
Óte durys, bul sabaǵymyzdyń taqyryby: Qupıa agentiniń shytyrmandary.
Olaı bolsa shytyrman bastalady. Qupıa agenti bolý úshin sizder oqytý kýrsynan ótip, túrli sáıkes suraqtarǵa jaýap berýlerińiz kerek. Sizder qupıa agenti bola alasyzdar ma eken, qazir tekseremiz.
Kez kelgen qupıa agenti bolý úshin, sizder óz jumystaryńyzdy jaqsy oryndaýda qandaı qasıet kerek dep oılaısyńyzdar? (Oqýshy jaýaptary batyrlyq, eptilik, aqyldylyq tapqyrlyq, shydamdylyq, shapshańdyq jáne t. b.) Árıne óte durys, endi men sizderdiń tapqyrlyqtaryńyzdy teksergim keledi. Birinshi baıqaýdy bastaımyz.

1 - týr: Tapqyrlyqqa tapsyrma.
2 top hımıalyq suraqtarǵa jaýap berý kerek. Ár durys jaýapqa 1 upaı alady. Eger de top durys jaýap bere almasa, onda qarsy top jaýap berip, 1 upaı tabýyna bolady.
1. Shynynyń balqýy qandaı qubylysqa jatady?
2. Atom molekýlalyq ilimdi jasaǵan ǵalym?
3. Atom quramyndaǵy beıtarap bólshek?
4. Skandınavıa aralynyń qurmetine atalǵan element?
5. Súttiń ashýy qandaı qubylys?
6. Qandaı sý dem shyǵarýdan laılanady?
7. Qaı element jetispeýinen tis aýrýyna ushyratady?
8. Quramynda kiretin zattyń bólshekterin jaı kózben kórýge bolatyn qospa qandaı qospa dep atalady?
9. Bir ǵana hımıalyq element birneshe jaı zat túze alatyn qubylys?
10. Qyshqyldar men siltilerde óziniń túsin ózgertetin zattar?
Balalar, sizder birinshi baıqaýdan jaqsy óttińder. Meniń oıymsha qupıa agenti tapqyr bolyp qana qoımaı, tez jáne epti bolý kerek. Olaı bolsa, ekinshi baıqaýdy bastaıyq.

Qupıa agentiniń shytyrmandary. júkteý