InfoHub Logo

Qurmetti....! Sizdi jáne Siz basqaryp otyrǵan ujymdy tól merekelerińiz Qurylysshylar kúnimen quttyqtaımyz! Ekonomıkanyń jańa serpin alyp otyrǵan mańyzdy salasynyń ókili — qurylysshylardyń eren eńbeginiń arqasynda iri ınvestısıalyq jobalar júzege asyrylyp, nebir záýlim ǵımarattar boı kóterýde. Sizderdiń óz isterińizge degen adaldyqtaryńyzdyń, udaıy ózgerip otyratyn naryqqa beıimdele bilý qabiletterińizdiń nátıjesinde Qazaq elinde qurylys jandanyp, halyq jańa standarttar men zamanaýı dızaınǵa boı úıretýde. Elimizdiń ajaryn ashatyn, aıbaryn asqaqtatatyn kelisti kelbetiniń kórkeıýine qosqan úlesterińiz kóz súısinterlik. Aldaǵy ýaqytta da órkenıetti elimizdiń ósip, órkendeýi jolynda tolaǵaı tabystarǵa jete berýlerińizge tilektespiz. Boılaryńyzǵa sarqylmas kúsh-qýat, eńbekterińizge taýsylmas jetistik, otbasylaryńyzǵa ortaımas baq-yrys tileımiz!

*** *** *** ***
 
Nur-Sultan qurylysshylary men sáýletkerlerine
 
Búginde Arqa ósin aıqara qamtyǵan Esildiń eki qanaty — ertegidegi samuryqtyń kerege qanatyndaı kóshqulash.

Nur-Sultannyń aıbary da, qarymy da, qarqyny da qaıta oralyp at izin salǵansha Aıdy aspanǵa shyǵarǵandaı shuǵyl damyp jatyr. Elordada árbir jańalyq ár kúngi atqan tańmen birge jetetin jaqsy dástúr qalyptasty. Jyl on eki aı aınalyp úlgergen degen ne, bir kúnde bir aıǵa tatıtyn jaqsylyq ornaıdy. Osy kúni qyzý jumystyń en ortasyndaǵy sáýlet salasynyń ókilderine Elordanyń ajaryn ashatyn, aıbaryn asqaqtatatyn qurylystar men ǵımarattar kóbeıe bersin, talaptaryńa nur jaýsyn degimiz keledi.