InfoHub Logo

Qustar týraly jumbaqtar

Qońyr mamyq shapany,
Juqa jarǵaq tabany.
Ór keýdesi qaıqańdap,
Júretin kim baıpańdap?
(Qaz)
Úlpildegen júni bar,
Boıaýdyń myń túri bar,
Qaýyrsyny qubylar.
Qara doǵal eńkıgen,
Tumsyǵy bar dóńkıgen.
Qara myna ǵajapqa,
Ózi sheber mazaqqa.
Tańdandyryp ózińdi,
Qaıtalar kim sózińdi?
(Toty)
Sıraǵy uqsas qamysqa,
Moıyny ımek soraıǵan,
Qaýqıǵan kim alysta
Qaraqshydaı qaraıǵan?
(Tyrna)
Aıdynnan shalqyǵan
Telpek kórdim qalqyǵan.
(Úırek)
Baq ta, baý da, orman da,
Estirtip únin bar mańǵa,
Jurt tyńdaıtyn tamsanyp,
San qubyltyp án salyp,
Jatatuǵyn bir tynbaı,
Qusty atashy qurtymdaı?
(Bulbul)
Qanat qaǵyp sharyqtap,
Muhıt asyp qalyqtap,
Sharlap búkil álemdi,
Shattandyryp ár eldi
Beıbit kúnge sán bolǵan,
Bul qandaı qus án bolǵan?
(Kógershin)
Qanaty japyraq,
Kózderi badyraq,
Úrgen ishek beınesi,

Torsyldaq keýdesi,
Ushpaıtyn uzaqqa,
Oıynshyq ushaqqa
Uqsaıtyn pishini,
Bul kimniń músini?
(Inelik)
Gúldi alańnyń qonaǵy,
Ózi qalap qonady.
Túri, túsi dóp kelip,
Gúlge uqsap qalady.
Gúldiń tátti shyrynyn
Qumartyp kim sorady?
(Kóbelek)
Sýyldatyp qanatyn,
Jemin kórse quldılap,
Keýdesimen soǵatyn,
Tuıaǵymen iletin,
Kim bar káne, balalar,
Ushqyr qusty biletin?
(Lashyn)
Tyrnaǵy úshkir dińgekteı,
Tumsyǵy ımek ilgekteı,
Qanatyn jaıyp shúıilse,
Ań - qus qalar búlk etpeı.
(Búrkit)
Qus kórdim tyrna sıaqty,
Sıdıǵan uzyn sıraqty.
Shalshyqtan baqa ustaýǵa
Qımyly eren, shıraqty.
(Láılek)
Tumsyǵymen qashaıdy,
Dimkes dińdi tesedi.
Zıankesti asaıdy,
Aǵash taza ósedi.
(Toqyldaq)
Shekesinde aıdary
Bolǵanmen, joq aıbary.
Balapanmen, joq aıbary.
Balapanyn baqpaıdy
Úı - jaıynda jatpaıdy.
Óziniń aty tek aıtary qaıtalap,
Muny kim, káne aıta alady?
(Kókek)
Taýsylmaıtyn jylýy,
Kóldiń erke sulýy.
(Aqqý)

It qýsa da arsańdap,
Aıaǵyn basar alshańdap.
(Qaz)
Keshinde de
Kerek emes jaryq bir,
Nege deseń,
Eki kózi jaınap tur.
(Úki)
Oraq quıryq, taraq bas,
Kóp uıqyny jaratpas.
(Átesh)
Shatyrsyz úıge qushtar kóp,
Qonaqtar ár tustan kep.
(Qustar uıasy)
Sıraǵy uzyn, múıizi qysqa
Bul ózi ań ba, qus pa?
(Jıraf)
Tal basynda aǵash úı,
Terezesiz tamasha úı.
Sony meken etedi,
Qysta alysqa ketedi.
(Qaratorǵaı)
Aıdalada aq otaý,
Aýzy - murny joq otaý.
(Jumyrtqa)
Sóılese – sózdi,
Aıtsa – aýyzdy.
Tynysy basqa,
Mańdaıy qasqa.
(Totyqus)
Kók júzinde jyljyp jaı,
Kerýen qurǵan túzilip,
İlgek - ilgek shynjyrdaı,
Qalmaıdy olar úzilip.
(Tyrna)
Saıraıdy bir talmaıdy,
Ánshi qus bal tańdaıly.
(Bulbul)
Eki aıyr quıryǵy,
Qıaq murt qanaty,
Ushqyrlardyń júırigi.
(Qarlyǵash)
Kóktemde kelip, kúzde ketedi,
Jazdaı baýda ándetedi.
(Jyl qustary)
Taldyń basynda,
Jemi bar qasynda.
Tam tur saıaly,
Dostarǵa aıaly.
(Qus uıasy)
Qyzyl, bujyr aıdary bar,
Qoqılanǵan aıbary bar.
Asyq - asyq azan salyp,
Óńesh kergen aıqaıy bar.
(Qoraz)
Keýdesi qaıqańdap,
Júredi balpańdap.
(Qaz)
Eki aıyr quıryǵy,
Qıaq murt qanaty,
Ushqyrlardyń júırigi.
(Qarlyǵash)
Ádemi bir yrǵaq
aspannan shalqyp tur.
(Boztorǵaı)
Shýǵa bólep jaǵany,
Qanattaryn qaǵady,
Aıdyn sýdyń túlegi,
Shabaq ilip júredi.
(Shaǵala)
Qalqan qulaq,
Qanaty bar shatyrdaı.
Jardan jyraq,
Túnde ushady batyrdaı.
(Jarqanat)
Mańdaıy aq qasqa,
Aq jeri joq basqa.
(Qasqaldaq)
Sazdy jer mekeni,
Qurt – qumyrsqa qoregi.
Keremetteı óneri,
Qanattan ún beredi.
(Taýqudiret)

Bes gram salmaǵy,
Tumsyǵy qarmaq.
Qyrannan qalmaıdy,
Bıikke ushsa samǵap.
(Korolek)
Aıdary shaǵyn,
Qarakúreń saýyry
Appaq qardaı baýyry.
(Qyzǵysh)
Boıaýy san túrli,
Túri uqsas taýyqqa.
(Buldyryq)
Qaýyrsyny kógildir,
Kishkene qus.
Betkeıde órip júr.
(Kekilik)
Shashy joq,
Taraǵy bar.
Egini joq,
Oraǵy bar.
(Qoraz)
Sekektep bir turmaıdy,
Óreden qurt urlaıdy.
(Saýysqan)
Qara tústi qarqyldaq,
Ushyp – qonyp jalpyldap.
Qoqystardy shoqıdy,
Jem izdeıdi tam – tumdap.
(Qarǵa)
Ártúrli jumbaqtar qaraý