InfoHub Logo

Rámizderi elimniń netken áıbat, ádemi!
Bilimdilik maqsaty: Balalardyń Qazaqstan Respýblıkasy Memlekettik rámizderiniń maǵynalyq jáne kórkemdik – estetıkalyq bolmys, bitimi barysyndaǵy tanym - túsinikterin keńeıtý;
Damytýshylyq maqsaty: Balanyń aýyzeki sóıleý tilin damytyp, oı – órisin keńeıtý, óz betindik jumys jasaý daǵdysyn jetildirý;
Tárbıelik maqsaty: Óz eliniń tarıhyn qurmetteýge, patrıoty bolýǵa tárbıeleý. Týǵan jerge degen súıispenshiligin arttyrý.
Sabaqtyń túri: oıyn - saıahat sabaǵy.
Kórnekiligi: ınteraktıvti taqta, el rámizderi sýretteri, jalaýshalar, sharlar t. b.

Sabaqtyń barysy:
I. Uıymdastyrý bólimi.
Balalar dóńgelenip turady. Qoldan jasalǵan shańyraqtyń ýyqtaryn ustap, ár bala aty – jónin aıtyp, jaqsy tilekter tileıdi. Mysaly: Elimiz tynysh bolsyn, baqytty bolaıyq, aspanymyz ashyq bolsyn, bereke bolsyn, birlik bolsyn t. b.
Qazaqstan Respýblıkasynyń memlekettik ánurany oryndalady.
- Balalar, bizdiń búgingi sabaǵymyz saıahat sabaǵy.
Bizdiń elordamyz Astana qalasyna barǵymyz keledi. Qazaqstannyń árbir qalalarynan ótý úshin bizge túrli tapsyrmalar berilgen. Sol tapsyrmalardy oryndaý arqyly bir qaladan ekinshi qalaǵa ótý múmkindigimiz bar. Biz qazir Aqtaý qalasynda turmyz. Bul qaladan ótý úshin biz elektrondy taqtadaǵy uıashyqtardy tańdap berilgen suraqtarǵa jaýap berýimiz kerek.
(Interaktıvti taqtadan sandy uıashyqtar kórsetiledi)

10. Qazaqstan Respýblıkasynyń memlekettik rámizderi qalaı atalady?
20. Qazaqstan Respýblıkasy týraly ne bilesiń?
30. Qazaqstan Respýblıkasynyń Memlekettik Týy týraly ne bilesiń?
40. Qazaqstan Respýblıkasynyń Memlekettik Ánurany týraly ne bilesiń?
50. Býyn túrlerin ata?
60. Memlekettik til týraly óz oıyńda aıt.
70. Dybystar neshege bólinedi?
80. Týǵan jeriń týraly áńgimele.
90. Týǵan jer, Otan týraly qandaı maqaldar bilesiń?

Tyńdalym
(Interaktıvti taqtadan eltańbanyń sýreti kórsetiledi)
Qazaqstan Respýblıkasynyń eltańbasynda kógildir tús aıasynda shańyraq beınelengen. Shańyraqty aınala kún sáýlesindeı tarap ýyqtar shashylǵan. Ony ańyzdardaǵy qanatty pyraqtar kómkerip tur. Eltańbanyń tómengi jaǵynda «Qazaqstan» degen jazý bar.
Shańyraq – otbasynyń, búkil adamzat uıasynyń nyshany. Ol qazaq halqy úshin aıyryqsha qasterli uǵym.
Kıiz úı – kóshpendiler mádenıetiniń syıy.
Al múıizdi altyn qanatty qos pyraq – kıeli shańyraqty qos qaptalynan orap, pále – jala, qaýip – qaterden qyzǵyshtaı qoryp turǵandaı áser qaldyrady.
Juldyz – barlyq bes qurlyq memleketterimen, halyqtarymen ashyq qarym – qatynas jasaýǵa degen umtylystyń belgisi.

Tyńdalym, aıtylym, jazylym.
Balalar, biz Aqtóbe qalasyna kelip qalyppyz. Bul qaladan ótý úshin biz jańa sózderdi qaıtalap, dápterimizge jazyp, sóılemder quraýymyz kerek.
a) Jańa sózderdiń aıtylýyn meńgertý úshin tizbekteı jáne jekeleı oqytyp shyǵý. Qazaq tiliniń tól dybystarynyń aıtylýyna, ıntonasıasyna basa nazar aýdartý.
á) Jańa sózderdiń durys jazylýyn qadaǵalaı otyryp, dápterlerine kóshirtip jazdyrý.

Mátinmen jumys.
Balalar, biz Atyraý qalasyna jetip qalyppyz. Bul qaladan ótý úshin myna tapsyrmalardy oryndaýymyz qajet.
Mátindi oqý, suraqtarǵa jaýap berý. Tıisti jalǵaýlaryn durys aıtqyzý.
Q. R Memlekettik Týy (- nyń, - niń) ortasynda araıly kún, kúnniń tómengi jaǵynda qalyqtaǵan qyran qus beınelengen. Tý (- dyń,- diń) aǵash sabyna bekitilgen tusta qazaqtyń ulttyq oıýlarymen kestelengen tik jolaq órnektelgen. Tý (- dyń,- diń) eni uzyndyǵynyń jartysyna teń, túsi aspan tústes - kógildir. Q. R Memlekettik Týy (- nyń,- niń) avtory – sýretshi Sháken Nıazbekov.