InfoHub Logo

Sabaqtyń taqyryby: Nómirlengen jáne markerlengen tizim. Baǵan.
Sabaqtyń maqsaty:
• oqýshylarǵa tizim, baǵan degenniń ne ekenin uǵyndyrý
• mátindik redaktordaǵy tizimniń túrlerimen tanystyrý
• mátindik redaktorda tizimmen, baǵanmen jumys isteý joldaryn úıretý
Sabaqtyń tıpi: praktıkým elementteri bar túsindirmeli – kórnekilikti
Kórnekiligi: kompúter kesheni, prezentasıa «Word redaktorynyń pishimdeý batyrmalarynyń qyzmeti»
Bilim men biliktilik daǵdylaryna qoıylatyn talaptar:
oqýshy bilýi tıis:
• tizim, baǵan degenniń ne ekenin;
• tizim men baǵannyń túrlerin;
• tizim men baǵan qoıýdyń qarapaıym joldaryn;
• mátindi tizimge aınaldyrý;
• tizimdi pishimdeýdi;
• baǵan túrlerin ornatýdy;
oqýshy meńgerýi tıis:
• tizim men baǵan túrlerin;
• qarapaıym tizim túrlerin ornatýdy;
• baǵan qoıýdy;
• mátindi tizim men baǵanǵa ornatýdy;

Sabaqtyń barysy:
Uıymdastyrý
Balalar! Biz ótken sabaqtarda Microsoft Office – 2013 paketi quramyndaǵy Microsoft Word - mátindik redaktorymen tanysýdy bastap, ol qandaı programma, ne úshin arnalǵan, ony qalaı qosamyz, onyń terezesi qurylymymen, onda qujat qurý jáne ony saqtaý joldaryn úırendik.

Olaı bolsa, búgingi jańa sabaqqa kóshpes buryn sol ótilgen sabaqtardaǵy negizgi túsinikterge toqtalyp óteıik, qanshalyqty este qaldy eken.
Test oryndaý / prezentasıada oryndalady/
Prezentasıa arqyly ótilgen materıaldardy qaıtalap ótemiz.
Al, balalar, ótken sabaqtardaǵy úırengen bilimderimizdi praktıka júzinde qanshalyqty iske asyra alady ekenbiz, tekserip kórelik. Olaı bolsa kompútermen jumys jasaımyz:

Jumys ústelinen « ınformatıka - 6 kl» papkadan praktıka - 1

1. Aqparatty saqtap, taratqan,
Jurtty ózine qaratqan.

2. Batyrmasyn basasyń,
Qajet faıldy ashasyń.

3. Tetigin bassań alańsyz,
Jazady qaǵaz qalamsyz.

4. Ekrannyń betinde onyń turaǵy,
Qashan bolsyn jypylyqtap turady.

Berilgen jumbaqtardy myna úlgide pishimdep kórsetińder:
1 – jumbaq: Arial, 20,,,.
2 - jumbaq: Verdana, 18,,,
3 - jumbaq: Times New Roman, 26,,,
4 – jumbaq: Tahoma, 36,,,

Jaraısyńdar balalar! Word redaktorynda mátindi pishimdeýdi biraz úırenip qalypsyńdar!
Al, búgingi sabaqta bizder mátindi pishimdeýdi jalǵastyramyz.
Sonymen búgingi sabaqtyń taqyryby:
Nómirlengen jáne markerlengen tizimder. Baǵandar
Tizim degen qandaıda bir shamalardyń rettelgen jınaǵy. Tizim turmysta kóp áreketterde qoldanylady: oqýshylar tizimi, qoımaǵa kelip túsken taýardyń tizim, olımpıadaǵa irikteý synynan ótken sportsmender tizimi, kabınettegi tehnıka qaýipsizdigin saqtaý áreketteri, quramynda A vıtamıni kóp jemister tizimi...

Word redaktorynda tizimdi jazýdyń úsh túri bar: nómirlengen, markerlengen, kópdeńgeıli
Mysaly:
Nómirlegen tizim:
Kompútermen jumys barysynda qózdi sharshatpaý úshin myna talaptardy oryndaý kerek:
1. Monıtorǵa deıingi araqashyqtyq 55 – 65sm – den kem bolmaýy kerek.
2. Kompúter aldyndaǵy jumys 25 mınýttan aspaý kerek
3. Ekrannyń ortasyna týra qaraý kerek
4. Jıi – jıi kóz, moıyn, arqa úshin arnaıy belgilengen jattyǵýlar jasap otyrý kerek
5. Dáriger kózildirik kıýge keńes bergen oqýshylar mindetti túrde kózildirik kıip otyrý kerek
Synaqtan ótken oqýshylar:
--------------------------
Markerlengen tizim:

Beıneleý tásilderi boıynsha aqparat túrleri:
• Sandyq
• Mátindik
• Grafıkalyq
• Dybystyq
• Beıne