InfoHub Logo

Sabaqtyń taqyryby: Ana - bizdiń gúlimiz
Sabaqtyń maqsaty:
1. Balalardyń anaǵa degen qurmetin oıatý. Balalyq sezimderin sóz arqyly jetkize bilýdi damytý;
2. Sóıleý mádenıetin qalyptastyrý, shyǵarmashylyq qabiletterin damytý;
3. Anany qurmetteýge, ana eńbegin qadirleýge tárbıeleý.
Sabaqtyń kórnekiligi: Interaktıvti taqta, slaıdty sýretter.

Sabaqtyń barysy:
I. Uıymdastyrý bólimi:
a) sabaqqa beıimdeý

II. Ótken sabaqty pysyqtaý:
Kıiz úı jabdyqtaryn eske túsireıik? (Shańyraq, ýyq, kerege, syqyrlaýyq, baýlar t. b.)

III. Jańa sabaq:
a) Taqyryppen tanystyrý
Balalar, jyl mezgilderin ataıyqshy?
- Qys, kóktem, jaz, kúz.
- Qazir qaı mezgil?
- Kóktem mezgili.
- Kóktemgi tabıǵatta qandaı ózgerister bolady?
- Kún jylynady, aǵashtar kógerip, gúldeı bastaıdy, tabıǵatta kóptegen ózgerister bolady.
- Kóktem aılaryn bilemiz be?
- Naýryz, sáýir, mamyr aılary.
- Qazir qaı aı?
- Kóktemniń alǵashqy aıy - Naýryz aıy.
Naýryz aıynda kóp merekeler bar. Kóktemniń alǵashqy merekesi – analar merekesi. Olaı bolsa, búgingi sabaǵymyz ardaqty analarǵa arnalmaq.

á) Sýretpen jumys.
Sýret boıynsha áńgime qura. (Sýret ınteraktıvti taqtadan kórsetiledi)
Áje týraly taqpaq bilemiz be? Birge aıtaıyq.
Ájem keldi aýyldan,
Alaqaı – aý, alaqaı.
Áje bary jaqsy ǵoı,
Qýanyshty balaqaı.

b) Álippe – dáptermen jumys.
Anamyzǵa arnap quttyqtaý hat daıyndaý. (Úlgi ınteraktıvti taqtada kórsetiledi)

v) Sergitý sáti.
Ornymyzdan turaıyq,
Qarlyǵash bolyp ushaıyq.
Ushyp – ushyp alaıyq,
Ornymyzǵa qonaıyq.
g) Biz bilimdi balamyz. (Suraq – jaýap)
* Aıaýly jan? (ana)
* Baǵdarshamnyń kózderi nesheý? (3)
* Bir aptada neshe kún bar? (7 kún)
* Daýysty dybys qandaı túspen belgilenedi? (qyzyl)
* Elimizdiń bas qalasy? (Astana)
* Elimizdiń prezıdenti? (N. Nazarbaev)
* Kóktemgi japyraqtyń túsi? (jasyl)
* Úshburyshta neshe burysh bar? (3)
* «Ana» sózinde neshe býyn bar? (2)
* «Bala» sózinde neshe býyn bar? (2)

d) Óleńdi birge jattaıyq.
Úlkenmin ǵoı men endi,
Jýdym búgin edendi.
Analarǵa arnalǵan,
Jattap aldym óleńdi.
S. Ospanov.

e) Toptyq jumys.
Toptasyp kóktemge, analarǵa baılanysty sýret salamyz.
Balalar neniń sýretin beınelegenin áńgimelep, túsindiredi.

IV. Qorytyndylaý
Madaqtaý.