InfoHub Logo

Jalpy bilim beretin pánder boıynsha Respýblıkalyq olımpıadanyń İİ kezeńi aýdandyq olımpıadanyń ashylý saltanaty
Júrgizýshi: Qaıyrly kesh, qymbatty ustazdar, 2011-2012 oqý jylynyń pándik bilim dodasyna qatysýshy oqýshylar!
Kúni keshe baıtaq elimiz úshin teńdesi joq tarıhı kún - Uly mereke El Táýelsizdiginiń 20 jyldyǵy toılanǵan edi. Osynaý dúbirli mereke, ulan-asyr toıǵa jalǵas ótkeli otyrǵan bilim saıysy sizderge tyń serpin beredi dep senemiz. Tuǵyry bıik elimizdiń erteńi búgingisinen de jarqyn bolýy – rýhy asqaq, óresi bıik, bilimdi de talantty urpaq qolynda.

Olaı bolsa, ǵylym men bilimdi eń basty qazynam, baılyǵym dep eseptep, bilimniń eń bıik shyńdaryn baǵyndyrýǵa jasaǵan alǵashqy qadamdaryńnyń biri – búgingi jalpy bilim beretin pánder boıynsha Respýblıkalyq olımpıadanyń İİ kezeńi – aýdandyq olımpıadanyń ashylý saltanatyna qosh keldińizder!

Ashylýy: Búgingi M.Áýezov atyndaǵy orta mektep bazasynda ótkeli otyrǵan aýdandyq olımpıadany ashyq dep jarıalaımyz.
Ánuran
Sóz berý:
1. «Jeke daryn jetilmeıdi, daryndar saıysa júrip, birin-biri jeteleıdi» degendeı, oqýshylardyń bilim-bilik daǵdylaryn is júzinde sarapqa salatyn jaýapty kún – aýdandyq bilim saıysynyń ashylý saltanatynyń alǵashqy sózi aýdandyq bilim, dene shynyqtyrý jáne sport bóliminiń bastyǵy Mýsaǵalı Baǵytjan Ádilulyna beriledi.

Búgingi saltanatty jıynǵa oblystyq bilim berý basqarmasynyń ókili Maeva Gúlsara Jadenqyzy, mektep dırektorlary men muǵalimder qatysyp otyr.

2. Jasampaz eldiń jastaryna árkez senimmen qaraıtyn Elbasy: «Jastary jalyn júrekti, órshil namysty, bıik rýhty bolsa, ol eldiń eńsesi bıik bolady», - degen edi. Onyń «Ómir boıy bilim alý» qaǵıdaty ár urpaqtyń uranyna aınalýy tıis. Óıtkeni adam únemi izdeniste bolady, bilimdilikke talpynady, danalyqqa jol ashady. Osyndaı talapty shákirtterimizge aq tilegin arnaý úshin sóz Atyraý oblystyq bilim berý basqarmasynyń ókili Maeva Gúlsara Jadenqyzyna beriledi.

3. «Teginde adam balasy adam balasynan aqyl, bilim, ar, minez degen qasıetterimen ozady», - degen uly aqyn Abaı sózi barlyq ýaqytta da óz mánin joıǵan emes. Aýdanymyzda órkenıetti qoǵam damýyna, ózgerýine óz úlesin qosar degen ustazdar úmitin arqalaǵan, bilimdi, qabiletti jáne de tárbıeli oqýshylarymyz az emes. Solardyń biri – «Úzdik atestatqa» úmitker, aýdandyq olımpıadanyń júldegeri, Q.Abaqanuly atyndaǵy orta mekteptiń 11- synyp oqýshysy Qabdrasheva Bóbekke sóz beriledi.

Búgingi saltanattyń eń mańyzdy sáti – olımpıada týyn kóterý mártebesi
«Altyn belgi» belgisine úmitker, M.Áýezov atyndaǵy orta mekteptiń 11-synyp oqýshysy Orynbasaruly Sábıt jáne oblystyq olımpıadanyń júldegeri, Bódene orta mektebiniń 11-synyp oqýshysy Taıyrova Aqnurǵa usynylady.

Olımpıadanyń júrý tártibi jáne erejeleri jóninde habarlama jasaý
úshin sóz aýdandyq bilim, dene shynyqtyrý jáne sport bóliminiń bas mamany
Qymbat Haırollaqyzyna beriledi.

2011-2012 oqý jylynyń Respýblıkalyq olımpıadasynyń İİ kezeńine qatysýshy barlyq shákirtterge sáttilik pen shalqar shabyt tileımiz!

Jalpy bilim beretin pánder boıynsha Respýblıkalyq olımpıadanyń İİ kezeńi aýdandyq olımpıadanyń jabylý saltanaty

Júrgizýshi: Qurmetti oqýshylar, ustazdar! Búgin mine, ǵylymı bilimderdi nasıhattaý jáne oqýshylardyń ǵylymı iske qyzyǵýshylyǵyn damytý, daryndy balalardy anyqtaý maqsatynda ótken Respýblıkalyq olımpıadanyń İİ kezeńi óz máresine jetti.
Elbasy Nursultan Ábishuly Nazarbaev «Eńseli eldiń erteńi – kemel bilim men kenen ǵylymda»,- dep atap kórsetkendeı, búgingi qoǵam sizderden bilim men ǵylymdy ıgerý jolynda úzdiksiz izdenýdi talap etip otyr. Búgingi bilim saıysynda árbir oqýshynyń bilim deńgeıleri tarazylanyp, «júzden júırik, myńnan tulpar shyǵady» degendeı, olımpıada júldegerleri anyqtaldy.

Marapattaý:
1. Bilim saıysynda mektebi men ustazdarynyń artqan senim bıiginen kórine bilgen Respýblıkalyq olımpıadanyń İİ kezeńinde barlyq pán boıynsha İ oryn alǵan júldegerlerdi marapattaý úshin sóz aýdandyq bilim, dene shynyqtyrý jáne sport bóliminiń bastyǵy Mýsaǵalı Baǵytjan Ádilulyna beriledi.

2. Jastyǵyńdy izdenýge arnańyz,
Bilimdarlyq tanytyńyz, talmańyz.
Asýlaryn bilimniń baǵyndyryp,
Órleı ber, órkendeı ber samǵańyz!
İİ oryn alǵan júldegerlerdi marapattaý úshin sóz
3. Tereń bilim – jyldar jemisi,
Oqýshy men muǵalimniń jemisi – deı kelip, İİİ oryn alǵan júldegerlerdi marapattaý úshin sóz
4. Yntalandyrý dıplomyna ıe bolǵan oqýshylardy marapattaý úshin sóz
5. Nur júzinen jyly shýaq tógilgen,
Shákirtterin súıgen taza kóńilden.
Taǵylym berip, jas urpaqqa qashanda.
Óz soqpaǵyn tapqan myna ómirden, - degen óleń joldarymen marapatqa ıe bolǵan ustazdardy quttyqtaý úshin sóz
6. Olımpıada qorytyndysymen mektepterdi marapattaý úshin sóz
7. Saltanatty jıynnyń qorytyndy sáti olımpıada týyn túsirý qurmeti beriledi.

Parasatty júregiń nur tógedi,
Boldyń mine, abyroıly, mártebeli.
Qyran qonǵan bıikten kórine ber,
Asqar taý, týǵan eldiń nar túlegi, - marapattaryńyz qutty bolsyn, qurmetti oqýshylar – jasampaz eldiń jas qyrandary!
Ánuran

Jalpy bilim beretin pánder boıynsha Respýblıkalyq olımpıadanyń
İİ kezeńi aýdandyq olımpıadany qorytyndylaýǵa arnalǵan saltanatty jıyndy jabyq dep jarıalaımyz.