InfoHub Logo

Baımaǵambet han qasynda Syrymnyń balasy Qazı bı bar, taǵy da ertken birneshe nókerleri bar úgitpen patshanyń úkimine kóndiremin dep júrip, Adaıdyń elin aralaıdy. Adaıdyń elin aralap júrse, aldynan alty-jeti salt atty kórinedi. Qazı bı Baımaǵambet hanǵa: «Adaıdyń Ataqozysy kele jatyr», — deıdi. Sonymen qarsy kelip, aman-saý surasyp, «myna kisiniń tym aryǵyn-aı!» — depti Baımaǵambet han Ataqozyǵa. Ataqozy:

— Onyń durys taqsyr han,
Óleńdi jerde ógiz semiredi,
Ólimdi jerde molda semiredi.
Qaralysynda qatyn semiredi,
Qaıǵysyz han semiredi degen — ras sóz.
Endi maǵan kelsek:
Bult tur malyńdy alamyn dep,
Ázireıil tur janyńdy alamyn dep,
Kápir tur dinińdi alamyn dep.

Bir túnde toǵyz oıanamyn, toqsan oılaımyn, osy kúıde qalaı semiremin, — depti de, jónine júrip ketipti. Uıalǵan Baımaǵambet han Qazy bıge:

— Ataqozynyń bulaı ekenin nege ańǵartpadyń», — depti.

— Eger de mundaı sózdi aıta almasa, adaıdyń Ataqozysy kele jatyr, — dep edim degen eken Qazy bı Baımaǵambet hanǵa.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---