InfoHub Logo

Syrym jańa atqa mingen jastaý kezinde Nuraly handy kórgeli hannyń ordasyna barady, «kimsiń» degen hanǵa «Syrymmyn» dep jaýap beredi. Sonda han:

— Syrym-Syrym degen atyń jer jarady. Óziń kishkentaı ǵana aryq bala ekensiń ǵoı, — deıdi. Sonda Syrym:

— Iá, men aryqpyn. Sebebi, patsha men sıaqty qazaqty qonysynan aıyryp, qumǵa ıirdi, jaqsy sýdyń boıyn kazak-orystarǵa áperdi. Qazaqtyń qonysyn qalaı qaıtaryp alamyn dep bir túnde toǵyz oılanyp, toqsan tolǵanyp aryp boldym. Burynǵynyń aıtqany bar emes pe:

«óleńdi jerde ógiz semiz,
ólimdi jerde molda semiz.
Qaralysynda qatyn semiz,
Qaıǵysyzynda han semiz», — dep.
— Sen — qaıǵysyz hansyń,
Men — jaraly ańmyn,
Men aryq bolmaı kim aryq bolady? —

depti Syrym batyr.

Oqýǵa keńes beremiz:

Jylqynyń torysy kóp pe, tóbeli kóp pe? (İ nusqa)

Syrymnyń Nuraly handy shabýy (İİ nusqa)

Baımaǵambet sultan men Syrym batyr

---