InfoHub Logo

Ábýbákir Kúlbabanyń zamanynda «Otyz eki baýly ózbek» atanǵan desedi. Ózbektiń úsh balasy bolǵan: Myń, Júz, Qyryq. «Adam Atadan bu zamanǵa sheıin pálenniń balasy pálen, túgenniń balasy túgen», — dep sóıleýshi ótirikshi, jalǵanshy bolsa kerek. ...Qaı tuqymnan, qaı násilden shyqqandyǵyn aıyryp, dálelimen aıtyp otyrsa, onyń ózi de — tolyq bilim.

Áýel basy «Toqsan eki baýly Qypshaq» atanǵan Edil, Jaıyq, Ertis, Syr — tórt ózenniń aralyǵynda, sondyqtan «Deshti Qypshaq» atanǵan, onan soń «Otyz eki baýly ózbek» atanǵan.

Ózbek zamanynda otyryqshy halyq bolǵan. Ózbektiń úsh balasy bolǵan. Zamanyndaǵy bir hanǵa bireýi myń dilda bergen, bireýi júz dilda bergen, bireýi qyryq dilda bergen. Sol sebepti: «Myń, Júz, Qyryq» atanǵan. Myńnan órbigender otyryqshy halyq bolǵan. Júzden órbigender kóshpeli halyq bolǵan. Sol júzdiń urpaǵynan Qazaq shyqqan.

«Júz» degen de atalarynyń aty bolǵan. «Qazaq» degen de atalarynyń aty bolǵan, «Alash» degen de atalarynyń aty bolǵan. Sonymen kelip Alash Alash bolǵanda, Alasha han bolǵan zamanda rýynyń atyn «Qazaq» qoıyp, uranynyń atyn «Alash!» qoıyp, «Uly júz», «Orta júz», «Kishi júz» dep úshke bólip, «Úsh júz» atanǵan.

 

---