InfoHub Logo

Rýhanı jańǵyrý - jastarǵa jarqyn jol!
Tuńǵysh elbasy N. Á. Nazarbaev "Bolashaqqa baǵdar. Rýhanı jańǵyrý" maqalasynda negizgi basymdyqtardy aıta kelip, "100 oqýlyq", "Álipbı aýystyrý", "Týǵan jer" qatarly erekshe baǵdarlamalardy alǵa tartqan bolatyn.
Elbasynyń bul baǵdarlamalyq maqalasy jastarǵa arnalǵan dep oılaımyn. Óıtkeni bolashaq jastardyń, ıaǵnı bizdiń qolymyzda.
Rýhanı jańǵyrý - bul adam sana seziminiń, senimi men sapasynyń, bilimi men ómir súrý tásiliniń kórsetkishi. Al, jastardyń rýhanı baılyǵy degende birinshi kezekte, olardyń bilimdiligi, ana tilin bilýi mádenı deńgeıi, dúnıetanymdyq oı - órisi turady. Maqalany oqı otyryp, onyń árbir sóıleminde búginimiz ben bolashaǵy jarqyn Qazaqstanǵa aparatyn naqty jospar, maqsat kórsetilgendigin túsindim. Bul maqaladaǵy rýhanı órleý, rýhanı jańǵyrý bizdiń damýymyzdyń eń basty tuǵyrlarynyń biri dep esepteımin.
Elbasynyń el eńsesin kótergen jobasy - qoǵamdyq jáne gýmanıtarlyq ǵylymdar boıynsha "Jańa gýmanıtarlyq bilim. Qazaq tilindegi 100 jańa oqýlyq" jobasy. Bul baǵdarlama aıasynda aldaǵy jyldarda gýmanıtarlyq bilimniń barlyq baǵyttary boıynsha álemdegi eń jaqsy 100 oqýlyqty qazaq tiline aýdaryp, jastarǵa dúnıejúzindegi tańdaýly úlgilerdiń negizinde bilim alýǵa múmkindik jasalady. Iaǵnı, qazaq tilinde álemdegi eń úzdik oqýlyqtar daıyndalady. Júz oqýlyq júzimizdi jaryq eter jarqyn bolashaqtyń alǵysharty bolary anyq. Bul aldymen qazaq tilindegi bilim alýdy bıikke kóteredi jáne memlekettik tilimizdiń berik nyǵaıa berýine bekem negiz jasaıdy. Bul baǵdarlama arqyly jańasha bilim alyp, jahandyq básekege beıimdelip shyǵamyz.
Elbasy 2012 jyly jeltoqsanda jarıalaǵan " Qazaqstan - 2050" Strategıasynda "2025 jyldan bastap latyn álipbıine kóshýge kirisýimiz kerek. Balalarymyzdyń bolashaǵy úshin osyndaı sheshim qabyldaýǵa tıispiz jáne bul álemmen birlese túsýimizge, balalarymyzdyń aǵylshyn tili men ınternet tilin jetik ıgerýine jaǵdaı týǵyzady" - dep málimdegen bolatyn.
Búgingi kezeń - bilimdiniki. Kóp til bilý - basqalardyń ozyq jetistikterin qabyldaý arqyly zerdeniń ashyqtyǵyn moıyndatý. Sondyqtan, kásibı baılanys tili bolyp sanalatyn aǵylshyn tilin úırený - ýaqyt talaby. Ózimizge qatysty dúnıeler shetelde qalaı júzege asyrylǵan, onyń tıimdisi qaısy, tıimsizi qaısy bajaılaı alamyz. Birjaqty oılaýdan qutylamyz. Tilmen birge kózqarasymyz da jetile túsedi. Ýaqyt aǵymyna qaraı saı jańadan keletin tehnologıalardy meńgerýge daıyn turatyn bolamyz.
Biz, stýdent jastarynyń ókilderi retinde, latyn álipbıine birizdi jáne júıeli kóshý bizdiń elimizdiń damýy men básekege qabilettiligin kóterý úshin qajet dep sanaımyz. Elbasymyz ózi erekshe úmit artqandaı jastardyń daýsy jarqyn shyǵyp, barlyǵy qoldaý kórsetýde. Latyn álipbıine ótý - túbi bir túrki aǵaıyndardyń rýhanı álemine qosylý. Elbasymyz Táýelsizdik alǵan soń elimizdiń shekarasyn qalaı berik bekemdeı alsa, endi Latyn álipbıine kóshý arqyly Rýhanı shekarasyn belgilep bermek! Ol álemniń aldyńǵy qatarly ozyq elderimen erkin qatynas jasaıtyn shekara!
Elbasynyń "Bolashaqqa baǵdar: rýhanı jańǵyrý" maqalasynda belgilengen belesterdiń biri - "Týǵan jer" baǵdarlamasy. Ol týǵan ólkeni qurmetteý arqyly jas urpaqty otansúıgishtikke baýlýdy kózdeıdi. Barsha jastar altyn besik qazaq dalasy týraly tolyq bilip, qasıetin baǵalap óskenderin qalaıdy. Týǵan jer baǵdarlamasy arqyly Qazaqstan jeriniń qasıetti dalasyna degen jas urpaqtyń mahabbatyn arttyryp qana qoımaı, ony álemge tanytýǵa da zor múmkindik týady.
Búgingi baıandamamdy qoryta kele Elbasymyzdyń "Bolashaqqa baǵdar: rýhanı jańǵyrý" rýhanı jańǵyrý" maqalasy El jastarynyń aldynda turǵan josparlaryn durys iske asyrýǵa arnalǵan naqty baǵdarlama, sondyqtan maqalanyń orny erekshe. Jastar boıyndaǵy rýhanı jańǵyrý jáne otanshyldyq qasıetterin kóterýdiń birden - bir kilti – jastarǵa durys bilim berip, ǵylymǵa tartý.
Búgingi tańda Qazaqstannyń aldynda turǵan álemniń barynsha damyǵan 30 eli qataryna kirý maqsatyna jetý úshin qazaqstandyq árbir azamat básekege qabilettilik, pragmatızm sekildi qasıetterge ıe bolýy tıis, sonymen qatar óziniń ulttyq biregeıligin saqtaı otyryp, batystyq órkenıettiń tek jaǵymdy jaqtaryn ǵana sińirýi qajet. Qazaq Eliniń jastary bilimdi, kózi ashyq, kókiregi oıaý bolýǵa umtylýlary kerek. Sebebi, jańa dáýirde tek básekege qabiletti, asa bilimdi, saýatty adamdar ǵana tabysqa jetedi.
Qazaq Eliniń jastary bilimdi, kózi ashyq, kókiregi oıaý bolýǵa umtylýlary kerek. Sebebi, jańa dáýirde tek básekege qabiletti, asa bilimdi, saýatty adamdar ǵana tabysqa jetedi. El jastarynda osyndaı qasıetter bolsa, kez - kelgen memlekettiń bolashaǵy jarqyn bolary anyq. Kez - kelgen eldiń bolashaǵy qashan da – ósip kele jatqan urpaǵyna baılanysty Sol sebepti de, Qazaqstan básekege laıyqty, bilikti jastardy daıyndaýǵa basa nazar aýdardy. Máselen, toqsanynshy jyldardyń basynda «Bolashaq» baǵdarlamasy qolǵa alynyp, búginge deıin oń myńdaǵan el jastary álemniń mańdaıaldy oqý oryndarynda bilim aldy, tájirıbe jınaqtady. El aýmaǵynda joǵary deńgeıdegi ýnıversıtetter ashylyp, zıatkerlik mektepter qalyptasty. Zaman jańarǵan saıyn, bilim berý salasyn da jetilip keledi.
Bilim – tabysty bolýdyń basty faktory. Ol el jastaryna bolashaǵyna ǵana emes, bútindeı memlekettiń damýyna áser etedi. Sondyqtan, oǵan árdaıym erekshe basymdyq beriletini – túsinikti de. Qazir ekonomıka, ónerkásip, óndiris salalary kóz ilespes jyldamdyqpen alǵa jyljýda. Iaǵnı, tehnologıalyq revolúsıa. Endi bir on jyldan keıin qazirgi kásipterdiń keıbiri joıylyp, jańa túrleri paıda bolýy múmkin. Al, olardy ıgerip kete alatyn jastar Qazaq Elinde de bolýy kerek. Básekege qabilettilik degenimizdiń bir parasy – osyda. Endeshe el jastarynyń jarqyn bolashaǵy jastar qolynda!