InfoHub Logo

Sabaqtyń taqyryby: «Sálem - sózdiń anasy»

Sabaqtyń maqsaty:
- Oqýshylardy izettilikke, sypaıylyqqa, ádeptilikke, dostyqqa tárbıeleý.
- Oqýshylardyń syılastyq qarym - qatynas daǵdylaryn damyý.
- Oqýshylardy úlkendermen amandasýǵa, bir - birimen sálemdesýge, bir - birine izet, syı - qurmet kórsete bilýge úıretý
Sabaqtyń kórnekiligi: ınteraktıvti taqta, slaıdtar, júreksheler, sharlar, kóńil - kúı toptamasy
Sabaqtyń ádisteri: baıandaý, toptaý, jaǵdaıattardy taldaý, suraq - jaýap.
Sabaqtyń barysy
I. Uıymdastyrý kezeńi
Muǵalimniń sózi. Paıǵambarymyz Muhammedtiń hadıs sharıfterinde: «Bir - birińmen sálemdesip júrińder, sonda ǵana aralaryńda meıirim - mahabbat oıanady», «ózińe kezikken jasy úlkenderge sálem berip, amandas. Ony taný - tanymaýyń shart emes. Ol dostyqty arttyrady ári adamdyǵyńdy anyqtaıdy», «Sálem – Allanyń jerdegi esimderiniń biri» deıdi. Eki topqa bólý
II. 1) Oı qozǵaý suraqtary.(1 - topqa )
1. Óziń qalaı amandasasyń?
2. Kishige birinshi bolyp amandasasyń ba?
3. Ustaz bolsań eń aldymen neden bastar ediń?
4. Dosyń sálem bermeı qalsa ókpeleısiń be?
5. Ózińe birinshi sálem berýdi qalaısyń ba?
6. Muǵalimderge qalaı amandasasyń?
7. Jyly shyraımen amandasýǵa qalaısyń?
8. Tyrjıyp, estir - estimes mińgirlep, ernin jybyrlata salyp amandasý týraly ne oılaısyń?

2 - topqa
Ustaz bolý – júrektiń batyrlyǵy,
Ustaz bolý – sezimniń aqyndyǵy.
Ustaz bolý - minezdiń kún shýaǵy
Azbaıtuǵyn adamnyń altyndyǵy - deıdi
1. Ustaz aldynda shákirt qalaı bolýy kerek?
2. Atamyz oqyǵan kezde oqýshylar qandaı bolǵan?
3. Qazirgi oqýshylar ata - anasyn, ustazdaryn syılaı ma?
4. Sizdi oqýshylardyń qandaı máselesi alańdatady?
5. Ar, namys, uıat uǵymdary týraly ne aıtasyz?

III. Nazar aýdaraıyq Oqýshylar Abaıdyń «otyz toǵyzynshy sózinen» alynǵan úzindini úntaspadan tyńdap óz áserlerin aıtý.

IV. Doda
Oqýshylar men Muǵalimder arasyndaǵy qarym - qatynas qandaı?
Suraqty qoıý arqyly oqýshylardyń oıyn tyńdaý.
V. Jaǵdaıaattardy taldaý
- Oqýshy synypqa kire bergen muǵalimdi kórip, oǵan bylaı dedi:»Sizdiń qatty sharshaǵanyńyz kórinip tur»
Muny muǵalim qalaı qabyldaý kerek?

- Muǵalimniń jasaǵan eskertýine oqýshy bylaı dedi: “Bul pán bolashaqta maǵan eshqandaı qatysy joq” muǵalim qalaı jaýap berýi qajet?

- Oqýshy muǵalimge bylaı dedi “Men taǵy da dápterimdi ákelýdi umytyp kettim” Muny muǵalim qalaı qabyldaýy kerek?

VI. Qortyndy jasaý
«Sálem túzelmeı,
Álem túzelmeıdi» degen naqyl sózben túıindi oı aıtý.
«Sózdiń salasyn tabý qıyn emes, Anasyn tabý qıyn» degen eken jyr alyby Jambyl atamyz. Olaı bolsa, sóz anasy da osy – sálemdesý bolsa kerek.
Qamshynyń sabyndaı qysqa ǵumyrda «siz - bizderińiz» buzylmaı, sálemderińiz túzý bolsyn.