InfoHub Logo

Pán ataýy: Qarjy jáne salyq quqyǵy
Toby: 7/14. 21
Sabaqtyń taqyryby: Salyq organdary, olardyń júıesi men qyzmeti
Sabaqtyń maqsaty:
1. Bilimdilik: Salyq organdary qurylymy men olardyń atqaratyn qyzmetteri jóninde, sondaı - aq salyq qyzmeti organdarynyń quqyqtary men mindetterin tereń uǵyndyryp, jetik meńgertý;
2. Tárbıelilik: Stýdentterdi quqyqtyq saýattylyqqa, toppen jumys isteı bilýge, óz pikirlerin ashyq aıta alýǵa, jaýaptylyqqa, shapshańdyqqa, alǵyrlyqqa, óz - ózderin baǵalaı bilýge tárbıeleý;
3. Damytýshylyq: QR Salyq kodeksi men salyq jáne salyq salý oqýlyǵyna súıene otyryp, stýdentterdiń oılaý qabilettilikteri men sóz shyǵarmashylyq júıesin damytý. Sondaı - aq QR Salyq kodeksimen jumys isteı bilý qabilettilikterin qalyptastyrý.
Sabaqtyń túri: jańa bilim men daǵdyny qalyptastyrý
Sabaqtyń ádis - tásilderi: baıandaý, túsindirý, suraq - jaýap almasý, talqylaý, stýdentterdi deńgeılep tekserý
Sabaqtyń kórnekiligi: QR Konstıtýsıasy, QR Salyq kodeksi, Salyq jáne salyq salý oqýlyǵy, slaıd, vıdeo, býklet, suraqtar jasyrylǵan kartochkalar, test tapsyrmalary, ártúrli oıyndar, ınteraktıvti taqta, kúndelikti sabaq barysynan kórinis kórsetilgen fotolar jabystyrylǵan plakat, baldyq júıemen bólingen plakat

Sabaqtyń júrý barysy:
I. Uıymdastyrý kezeńi:
Stýdenttermen sálemdesý jáne sabaqqa qatysyn túgendeý, bólmeniń tazalyǵyn tekserý, stýdentterdiń nazaryn sabaqqa aýdarý, sabaqty bastaý

II. Úı tapsyrmasyn tekserý kezeńi:
1. Topqa úı tapsyrmasy retinde berilgen vıdeorolık arqyly mindetti tólemder (salyq, alym, tólemaqy, memlekettik baj) uǵymyn túsindirý kezindegi stýdentterdiń ártúrli róldik negizge enýin qarap, pysyqtaý
2. Mysaldar keltirý negizinde ótken taqyrypty qorytyndylaý
1. Qorshaǵan ortany lastaǵany úshin tólenetin tólem? (tólemaqy)
2. Jer ústi kózderiniń sý resýrstaryn paıdalanǵany úshin tólenetin tólem? (tólemaqy)
3. Ormandy paıdalanǵany úshin tólenetin tólem? (tólemaqy)
4. Erekshe qorǵalatyn tabıǵı aýmaqtardy paıdalanǵany úshin tólenetin tólem? (tólemaqy)
5. Avtokólik quraldarynyń Qazaqstan Respýblıkasynyń aýmaǵymen júrgeni úshin tólenetin tólem? (alym)
6. Jekelengen qyzmet túrlerimen aınalysý quqyǵy úshin tólenetin tólem? (alym)
7. Notarıattyq is - áreketter jasaǵany úshin alynatyn tólem? (memlekettik baj)
8. Azamattyq hal aktilerin tirkegeni úshin alynatyn tólem? (memlekettik baj)
9. QR azamattyǵyn alý, qalpyna keltirý jáne toqtatý týraly alynatyn tólem? (memlekettik baj)
10. Jeke basty kýálandyratyn qujattardy bergeni úshin alynatyn tólem? (memlekettik baj)
3. Ótken taqyryptar boıynsha test tapsyrmalary arqyly deńgeılep tekserý

İ NUSQA
1. Aqsha aınalymy uǵymyn kórsetińiz:
A) aqshanyń aınalymdaǵy qozǵalysy, ıaǵnı aınalym jáne tólem quraly retinde qyzmet etýi
B) memlekettiń halyqaralyq esep aıyrysý mámileleri
V) valútalyq qundylyqtarmen baılanysty mámile
G) normatıvtik - quqyqtyq negizi bar, maqsatty, salystyrmaly áreket etetin qarjy resýrstary
2. Valútalyq retteý túsinigin anyqtańyz:
A) normatıvtik - quqyqtyq negizi bar, maqsatty, salystyrmaly áreket etetin qarjy resýrstary
B) memlekettiń halyqaralyq esep aıyrysý jáne valútalyq qundylyqtarmen baılanysty mámile jasasý tártibin retteýge baǵyttalǵan qyzmet
V) aqshanyń aınalymdaǵy qozǵalysy, ıaǵnı aınalym jáne tólem quraly retinde qyzmet etýi
G) durys jaýap kózdelmegen
3. Búdjetti ázirleý, josparlaý, bekitý, qaraý, atqarý, naqtylaý, baqylaý jónindegi búdjet zańdylyǵymen reglamenttelingen qyzmet degenimiz:
A) búdjettik kelisim
B) búdjettik júıe
V) búdjettik proses
G) búdjettik qurylym
4. Kiris degenimiz:
A) ortalyqtandyrylǵan resýrstardy jalpy memlekettik qajettilikterge sáıkes bólý
B) memleketti qajetti aqsha qarajattarymen qamtamasyz etý
V) memleket pen qoǵamdyq óndiristiń basqa qatysýshylary arasynda paıda bolatyn ekonomıkalyq qatynas
G) búdjet elementteri men quqyqtarynyń jıyntyǵy
5. Venchýrlyq kásiporyn degenimiz:
A) ǵylymı - zertteýlermen, jańalyqtar ashýmen jáne engizýimen shart negizinde aınalysatyn shaǵyn kásiporyn
B) zańdy tulǵa quqyǵy bar, biraq jarǵylyq qory basqa kásiporynnyń qolynda bolatyn kásiporyn
V) menshik nysandary alýan túrli kásiporyn
G) jeke jáne zańdy tulǵalarǵa negizgi qyzmet túri retinde kólik qyzmetin kórsetetin zańdy tulǵa
6. Ekonomıkalyq - matematıkalyq ádis degenimiz:
A) qarjylyq kórsetkishterdi, olardyń ósý jáne tómendeý dınamıkasyn belgileý
B) josparlyq qarjylyq kórsetkishter bekitilgen normalar men normatıvter negizinde júzege asyrylady
V) uzaq perıodqa boljaýlar jasaý úshin ártúrli esepteý varıanttary qoldanylady
G) shyǵyndardy jabý úshin qoldanylatyn ádis
7. Normatıvtik ádis – bul:
A) qarjylyq kórsetkishterdi, olardyń ósý jáne tómendeý dınamıkasyn belgileý
B) josparlyq qarjylyq kórsetkishter bekitilgen normalar men normatıvter negizinde júzege asyrylady
V) uzaq perıodqa boljaýlar jasaý úshin ártúrli esepteý varıanttary qoldanylady
G) shyǵyndardy jabý úshin qoldanylatyn ádis
8. Qarjy mınıstrligi qurylymy boıynsha departament jáne komıtet sanyn kórsetińiz:
A) 19 departament, 6 komıtet
B) 6 departament, 10 komıtet
V) 10 departament, 5 komıtet
G) 11 komıtet, 6 departament

Salyq organdary, olardyń júıesi men qyzmeti. júkteý
Salyq organdary, olardyń júıesi men qyzmeti. slaıdty júkteý