Saltyńdy saqta – dinińdi saqta
Táýelsizdiktiń arqasynda jańarǵan zaman, ózgergen ólke, túlegen el Islam dininiń keńinen qanat jaıýýyna jańasha sıpat berip, onyń qyry men syryn burynǵydan da jarqyratyp asha tústi. Jahandaný prosesi arqyly shyǵys pen batys mádenıeti bite qaınasyp bara jatqan tusta, keshe men búgindi, erteń men bolashaqty jarqyn etip, ár eldi daralap turar: Ahańsha aıtar bolsaq - «tili, dini hám salt-dástúri men ádet-ǵurypy» bolmaq. Ásili adam ómiri, atar tań men batar kúndik beldikke baǵynǵan ýaqyt tekshesi keshe, búgin, erteń dep erekshelenip tutas tarıhty quraıdy. Iakı, ár adam óz tarıhyn ózi tańbalaýda...
Jaqynda, Jambyl ólkesindegi «Báıdibek baba» meshitiniń bas ımamy Serik Joldasbekuly men «Jambyl orta mektebi» KMM-niń dırektory Janna Nurbekqyzy qoldaýymen «Saltyńdy saqta – dinińdi saqta» taqyrybynda mektep oqýshylary arasynda súbeli kezdesý bolyp ótti. Atalmysh jıynǵa QMDB niń Jambyl aýdany ortalyq «Shynasyl» meshitiniń bas ımamy Qaljan Áribjanuly men bas ımam kómekshisi Azat Tohtaqululy arnaıy qatysty. Jıynnyń negizgi maqsaty: Zaıyrly eldiń erteńgi bolashaǵy óskeleń urpaqtyń sanasyna tilin dilin salt dástúri men ádet ǵurypyn qadirleýge tárbıeleý.
Keshti bilikti oqý ornynyń tarıh pániniń muǵalimi Sáýle Saǵyndyqqyzy júrgizip, «Islam» diniń shyǵý tarıhyna keńinen toqtalyp ótti. Tálimger men tálim alýshylardyń arasyndaǵy ádeptilik izgilik haqynda oı tolǵanyp, eldi eleń etkizgen ózge din ókilderiniń shyrmaýyna shyrmalyp qalmaý úshin dinı saýattylyq qajettiligi jaıynda basa aıtyldy. Kesh sońynda oqýshylar óz kókeıinde júrgen saýaldaryn qoıyp tushymdy jaýap aldy.
Moldaǵalıev Erhan Bolatuly
Almaty, oblysy, Jambyl aýdany
«Shynasyl» meshitiniń aqparat basshysy
You Might Also Like
