Samal esti, daladan, saı jaqtan ba?!
Appaq ińir taýlardy oılantqan ba?
Aspanǵa sút áldekim qaınatqan ba?!
Kilegeı tur meımildep qaımaqtanǵan.
Jaılaý edi,
Jaıly bir ińir edi,
Juldyz tamyp keterdeı, kidiredi.
Ózenine asyqqan órim-bulaq,
Tómen qaraı tóskeıden júgiredi.
...Qaı tusta edi, qudaı-aý, qaı mańda edi?!
Maǵan kushaq sol jannyń jaıǵan jeri?
Alǵash bizder aq gúlin taptap ketken,
Qaı mańda edi, jastyqtyń saıran-beli?!
Taýlar da tur, baıaǵy bulaq ta bar,
Óziń joqsyń, biraq ta syr aqtarar.
İzdemeı-aq qoıaıyn sol oryndy,
Attanam ǵoı aqyry, jylap qalar...

---