Sanaýly meniń saǵatym,
Sanaýly meniń kún, aıym.
Asyǵam qalmaı taǵatym,
Asyqpaı qaıtip shydaıyn.
Shaý tarta janym bastady-aý,
Aılardy qýyp jyldarym,
Aıtylmaı qalsa masqara-aý,
Ashylmaı júrgen syrlarym.
Kúni erteń ólip keterdeı,
Jastyqqa qorqa bas qoıdym.
Ómirim bosqa keter me eı,
Órýin tappaı taspa oıdyń?!
Kúnder-aý, kúnder, kóktemder,
Qasymnan meniń ketpeńder?!
Áýelde nege jarattyń,
Kópsinseń meni kók pen jer?!

---