InfoHub Logo

Aq shahardaǵy bet-bedeldi adamdardyń bári Juqany ǵulama dep esepteıdi eken. Sondyqtan olar qarjy qosyp bir mektep salady da, Juqany muǵalimdikke belgilep, balalaryn oqytypty.

Bir kúni balasy úıine qaıtyp kelgennen keıin bir oqymysty kitapty qolyna alyp balasynan emtıhan alǵan eken. Balasy qanaǵattanarlyqtaı jaýap beripti. Ákesi buǵan qatty rıza bolyp erteńinde bireý arqyly Juqaǵa bir tabaq shelpek jiberipti. Bul kezde Juqa bir dosynyń janazasyna barýǵa qamdanyp jatyr eken, ol keterinde, oqýshylaryna:

— Ana kitap súresiniń ústine bir tabaq shelpek qoıyldy. Qozǵaýshy bolmańdar. Maǵan shelpek jibergen adamnyń nıeti jaman edi, men onan kúmándanyp jatyrmyn, ishinde zahar bolýy múmkin, eger ony kimde-kimde jese, ýlanyp óledi de, men túrmege otyratyn bolamyn, — deıdi.

Sóıtip, oqýshylaryn ábden nandyrǵannan keıin alańsyz jolǵa túsedi. Juqanyń bir jıeni de osy mektepte oqıdy eken, onyń ústine synyp bastyǵy eken. Ol Juqanyń ózderin aldaǵandyǵyn bilip, naǵashy aǵasy ketisimen kitap súresindegi tabaqty alady da, sabaqtastaryn shelpek jeýge shaqyrady. Sabaqtastary oǵan:

— Muǵalim shelpektiń ishinde zahar bar degen edi ǵoı, jemeımiz, óz basymyzdy ólimge baılamaımyz, — deıdi.

— Juqa bizdi aldap otyr, sender jemeseńder qoıyńdar, ózim ony biraq jep alamyn, — deıdi Juqanyń jıeni.

— İshinde zahary bolmaǵan kúnniń ózinde muǵalimimiz qaıtyp kelgende ne demekpiz, — deıdi onyń sabaqtastary.

— Onda jumystaryń bolmasyn. Jaýabyn ózim berim, — deıdi Juqanyń jıeni.

Sonymen, oqýshylar daýyldasa otyryp shelpekti birdemde jep túgetedi. Shelpekti jep bolǵannan keıin Juqanyń jıeni naǵashysy nyń oryndyǵyna kelip otyrady, sondaı-aq naǵashysynyń ústelinde turǵan qaǵaz kesetin bákisi áteıi syndyryp tastaıdy. Dál osy sátte Juqa kelip qalady. Ol kitap sóresindegi shelpekterdiń joqtyǵyn, aıap ustap júretin bákisiniń synǵandyǵyn kórip bulqan-talqan bola:

— Myna bákimdi kim syndyrdy? — dep aqyrady. Oqýshylar synyp bastyqtaryn nusqaıdy.

— Myna bákini nege syndyrasyń? Baqaıshyǵyńdy shaǵaıyn ba? — dep suraıdy Juqa jıeninen. Juqanyń jıeni azan-qazan jylaǵan qalpynda:

— Qaryndashymdy ushtaıyn dep otyryp bákińizdi syndyryp aldym. Sonan naǵashym kelgende ne betimdi aıtarmyz, — dep qatty qoryqtym. Meni qatty urady-aý, baqaıshyǵymdy shaǵýy da ǵajap emes dep oıladym da, óıtip qorlyq kórgennen ólgenim jaqsy degen baılamǵa keldim. Sonymen, ózimdi qudyqqa da tastamaq boldym. Biraq mekteptiń qudyǵyn bylǵaǵym taǵy kelmedi. Aqyrynda ishinde zahary bar ana shelpekter oıyma keldi. Sóıtip, ishimnen ata-anammen qoshtasyp, kózimdi jumdym da shelpekti asap jiberdim. Sonan soń oryndyǵyńyzǵa kelip ólimdi tosyp otyrdym! — deıdi. Juqa jıeniniń sózin estip bolǵannan keıin:

— Iapyr-aı, aqyldy adamdardyń bári bizdiń otbasymyzda eken-aý, depti.

---