InfoHub Logo

Taqyryby: «Saıyn aǵany maqtan etemiz»

Balalar eki jaqta jarty sheńberge otyrady.
2 bala júrgizýshi ortaǵa shyǵady.
1 - bala: S. N. Shapaǵatov atyndaǵy bala baqshanyń ádebı oqý is - áreket sharasyna qosh keldińizder!
2 - bala: Ádebı sharanyń taqyryby: «Saıyn aǵany maqtan etemiz!».
Maqsatymyz: S. Shapaǵatov týraly bilý, úırený. Saıyn aǵa sıaqty ultjandy, patrıot bolý. Saıyn aǵany maqtan etý, bolashaqta uly tulǵaǵa uqsap baǵý.
1 - bala: QR - nyń Ánurany shyrqalsyn! «Ánuran» balalar birge aıtady.
2 - bala: Endi qurmetti qonaqtar, nazarlaryńyzdy taqtaǵa buryp, slaıd kórýge shaqyramyz.
Slaıd kórý.
1 - bala: Qazaq eli ǵasyrlar boıy erkindikti ańsap, talaı qıly - qıly zamandardy basynan ótkerdi. Halqymyz táýelsizdigimizge óz taǵdyryn, arman - tilekterin halyq múddesine arnaǵan arystardyń arqasynda ǵana qol jetkizdi. Mine, egemendi elimizdiń táýelsizdik alǵanyna 22 jyl toldy. Osy qazaq halqynyń jeri, bolashaǵy, úmiti úshin yzǵarly jeltoqsanda jas ómirin jalaý etken qazaqtyń ul - qyzdary: Qaırat Rysqulbekov, Lázzat Asanova, Erbol Spataev, Sabıra Muhamedjanqyzynyń attaryn aıtpaı ketýge bolmas.

2 - bala: Olardyń ańsaǵan armandary, tilekteri bul kúnde tolyq júzege asty. Halyq júreginde hat bolyp jattalyp, umytylmaı kele jatqan sondaı aıaýly esimderdiń biri Saıyn Shapaǵatov edi. Onyń esimimen bizdiń táýelsizdigimiz, derbestigimiz tikeleı baılanysty.

1 - bala: Al endi, Saıyn Shapaǵatov týraly balalar aýzynan estisek...
2 - bala: Nazarlaryńyzdy taǵyda taqtaǵa aýdarýlaryńyzdy suraımyz.
Balalar Shapaǵatov týraly áńgimeleıdi.
1 - bala: S. Shapaǵatov ómirbaıany.
2 - bala: Eńbek joly.
3 - bala: Táýelsizdik jolyndaǵy eńbegi.

1 - bala: Táýelsizdik týraly taqpaq oqıdy:
Qazaq degen qalyń jurt
Bárin keshti basynan.
Táýelsizdik týyńdy,
Bıik kóter jas ulan!
- Táýelsizdik alýymyzǵa úlken sebepker - osy Saıyn aǵamyz eken!
2 - bala: Balalar oryndaýynda táýelsizdikke arnalǵan án.
Án «Eltańba»
2 - bala: Saıyn týraly taqpaq oqıdy.
1 - bala: Slaıdqa nazar aýdaryńyzdar! «Aqtaý qalasy» týraly slaıd.
2 - bala: Mine, kórip otyrǵanyńyzdaı, ózimiz turyp jatqan osyndaı ásem qalanyń da Aqtaý atyn qaıtarýǵa kóp úles qosqan Saıyn aǵa eken.
1 - bala: Saıyn aǵa ol - aqyn.
2 - bala: Saıyn aǵamyz qoly bos kezinde óleń jazýmen de mashyqtanǵan.
Balalar bir qatarmen kelip 4 - 5 óleń oqıdy.

1 - bala: Saıyn aǵa sportty óte jaqsy kórgen. Ulttyq oıyndardyń oınalýyna, ulttyq mádenı sharalardyń uıymdastyrylýyna kóp úlesin qosqan.
2 - bala: Saıyn aǵa jaqsy kórgen «Qazaqsha kúres», «Sambo» oıyndaryn oınap jibereıik.
Ulttyq oıyn «Teńge alý».
Maqal - mátelder Er týraly:
Jomart bergenin aıtpas,
Er aıtqanynan qaıtpas.

Júrek - er, bas - kemeńger.

At óneri bilinbes,
Báıgege túsip jaryspaı.
Er óneri bilinbes,
Qoıan - qoltyq alyspaı.

Erdiń isi – eldiń moınynda,
Eldiń isi – erdiń moınynda

Er salmaǵyn el kóteredi,
El salmaǵyn jer kóteredi.

Júk aýyryn nar kóterer,
El aýyryn er kóterer.

Er qadirin bilmegen,
El qadirin bilmeıdi.
1 - bala: Mine, osy maqaldardyń barlyǵy Saıyn aǵaǵa arnap jazylǵandaı.
Án «Qazaqstan meniń»
Nazarbaev sýreti slaıdta kórsetiledi.
1 - bala: Nazarbaev Mańǵystaý oblysynyń qaıta qurý sharasynda sóılegen sózinde Shapaǵatovtyń qoǵamdyq jumystaryna kóp baǵa berip, oblys basshylaryn máselelerdi sheshýde «Parasat» qoǵamymen sanasa - aqyldasa otyryp sheshý kerek ekendigin aıtty.
2 - bala:
- Mine, bul jerde biz S. Shapaǵatovtyń qandaı Uly Tulǵa bolǵanyn kóremiz jáne munyń bárin maqtan etemiz!
Interaktıvti taqtada fotosýret kórsetiledi, balalar kezektesip aıtyp turady.
1. Aqtaý qalasynyń burynǵy atyn qaıtardy.
2. Qazaq tilinde mektep, bala baqsha ashty.
3. Mańǵystaý oblysyn qaıta qurýǵa at salysty.
4. Fabrıka, zaýyttarǵa, kásiporyndarǵa ulttyq mamandardy tartty.
5. Meshitter salýǵa usynys jasady.
6. Jer ataýlaryn qaıtardy.
7. Ulttyq tilimiz, mádenıet, ádet - ǵuryp, dástúrlerdi jandandyrýǵa úles qosty (Naýryz merekesin ómirge ákeldi).
1 - bala: Slaıdqa nazar aýdaryńyzdar.
2 - bala: Osy jyly Saıyn atamyzdyń 75 jyldyǵyna oraı oblysysymyzda merekelik is - sharalar ótkizilýde.
«Kók týdyń jelbiregeni» ánine ortada barlyq balalar jattyǵý jasaıdy.