Shaǵyn jınaqtalǵan mektep pedagogterine eńbekaqy tóleý júıesi ózgertiledi
Shaǵyn jınaqtalǵan mektep pedagogterine eńbekaqy tóleý júıesi ózgertiledi. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty.
«Taǵy bir mańyzdy másele — qalalyq jáne aýyldyq mektep arasyndaǵy bilim sapasyndaǵy alshaqtyqty azaıtý. PISA derekteri boıynsha qazirgi ýaqytta alshaqtyq 1,5 jyldy quraıdy. Bul alshaqtyqty qysqartý úshin keshendi sharalar qabyldandy. Eń bastysy bilikti pedagogtermen qamtamasyz etý úshin shaǵyn jınaqtalǵan mektep pedagogterine eńbekaqy tóleý júıesi ózgertiledi jáne aýyldyq mektepterdi oqý materıaldarymen, kompúterlik jabdyqtarmen jáne sıfrlyq tehnıkamen, sıfrlyq resýrstarmen tolyǵymen qamtıtyn bolamyz. Bul maqsatta respýblıkalyq búdjetten 150 mlrd teńge arnaıy qarastyrylyp otyr», — dedi 2025 jylǵa deıin Qazaqstanda bilim men ǵylymdy damytýdyń memlekettik baǵdarlamasyn tanystyrǵan Ashat Aımaǵambetov.
Mınıstrdiń aıtýynsha, álemdik tájirıbege sáıkes bilim sapasyn arttyrýda baqylaýdyń orny erekshe. Endi syrtqy baqylaý tek qana kemshilikti tabý emes, onyń aldyn alý jáne joıý úshin ádistemelik kómek berýge baǵyttalatyn bolady.
«Osy tusta baqylaýdyń jańartylǵan jańa júıesin engizemiz. Ýnıversıteterge, kolejderge qoıylatyn talaptardy kúsheıtemiz dep tıisti normatıvtik-quqyqtyq qujattardy qabyldaımyz», — dedi ol.
You Might Also Like
-
Aıaz Atanyń haıýanattar baǵynan úsh maımyly qashyp ketkenge uqsaıdy: bireýin qazir ǵana jańa jyldyq shyrshanyń astynan taýyp alypty, ekinshisi tabylmaı jatyr, úshinshi maımyl osy quttyqtaýdy oqyp kúli...
-
Bilim granty ortasha alǵanda 340-420 myńnan 900 myń teńgege deıin ósiriledi. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty.
