InfoHub Logo

Álem elderine saıahat jasaý — búginde árbir zamanaýı adamnyń armanyna aınaldy desek, artyq aıtqandyq emes. Árıne, el kórý, jer aralaýdyń, adam tanýdyń paıdasy da joq emes. Saıahat barysynda jańa dúnıelerdi kórip, tanymyńdy keńeıtýge, jańa kózqarastarǵa ıe bolýǵa múmkindik bar. Qaýipsiz ári qolaıly el tańdasańyz qyzyqty kúnderińiz tipten keremet óteri sózsiz.  Jalǵyz saıahattaýǵa eń qaýipsiz TOP-3 el:

Danıa

Danıa astanasy Kopengagen Eýropadaǵy eń qaýipsiz ári tynysh qalalardyń biri. Mundaǵy qaýipsizdik deńgeıi teńerteń — 5, keshke — 4 baldy quraıdy. 

Kopengagende urlyq, kemsitý, úı jáne múlik tonaý mınımal deńgeıde. Atalmysh qaýipsizdik kórsetkishi ózge qalalarda da saqtalǵan.

Kıpr

Týrızm salasy jaqsy jetilip, týrıster kóptep aǵylatyn eldiń biri — Kıpr. Kishkene ǵana aral memlekette kóptegen týrıstik oryndar salynyp, saıahatshylarǵa joǵary deńgeıde demalýǵa barlyq múmkindik jasalǵan. Sonymen qatar, kelýshilerdiń qaýipsizdigin qamtamasyz etip, jaıly demalý úshin baryn jasaıdy. Eger jıhankezdik saparǵa jalǵyz shyǵar bolsańyz — Kıpr oıyńyzda bolsyn.

Sıngapýr

Sıngapýr — qala-memleket. Iaǵnı, aýmaǵy bir ǵana qaladan turady.

Sıngapýrda zań birinshi orynda. Jergilikti halyqqa da, kelýshilerge de zań birdeı júredi. Demek, sizdiń quqyqtaryńyz taptalmaıdy, barlyq aryz-shaǵymdaryńyzdy emin-erkin jetkize alasyz.

---