InfoHub Logo

Eger ata-analardyń ótinishteri bolsa, bastaýysh synyptar boıynsha ýaqytsha synyptardy ashyp berýge daıynbyz. Bul týraly Ortalyq komýnıkasıalar qyzmetinde ótken onlaın-brıfıngte QR Bilim jáne ǵylym mınıstri Ashat Aımaǵambetov aıtty.

«1 qyrkúıekten bastap elimizdegi barlyq mektep qashyqtan oqıdy. Osyǵan qatysty 1-2 kishigirim máseleni aıtyp óteıin. Birinshiden, qashyqtan oqytý formatyn engizemiz dep aıtqannyń ózinde bizde shalǵaıdaǵy aýyldarda shaǵyn jınaqty mektepter bar. Olarda 5, 10, 15 bala bar. Olar óz mektepterine jaıaý baryp júredi. Osyndaı qaýip joq óńirlerde ornalasqan mektepterde shtatty rejımde ári qaraı oqytýǵa, jumys isteýge múmkindik berip otyrmyz», — deıdi Bilim jáne ǵylym mınıstri Ashat Aımaǵambetov.

Onyń aıtýynsha, ekinshi másele bastaýysh synyp oqıtyn oqýshylarǵa qatysty.

«Eger ata-analardyń ótinishteri bolsa, naqty osy bastaýysh synyptar boıynsha ýaqytsha synyptardy ashyp berýge daıynbyz. Osyndaı synyptar ashqanda tıisti jaǵdaı jasaýymyz qajet. Sanıtarlyq talaptarǵa saı barlyq jumys júrgiziletin bolady. Bala tańerteń sabaqqa kelgende dene qyzýyn ólsheý, ony zalalsyzdandyrý máselesin qolǵa alý boıynsha, synyptardy birneshe aýysymǵa bólý máselesin qarastyratyn bolamyz. Synypta 10-15 bala ǵana bolyp, ıaǵnı synyptardy birneshege bólip oqytý máselesin qarastyramyz», — deıdi ol.

---