InfoHub Logo

Qashyqtan bilim berý boıynsha vıdeo-sabaqtardy túsirý, sıfrlyq bilim berý resýrstaryn daıyndaý jumystary júrgizilýde. Bul týraly Ortalyq komýnıkasıalar qyzmetinde onlaın ótken brıfıńte QR Bilim jáne ǵylym mınıstri Ashat Aımaǵambetov aıtty.

«Internet platforma týraly da másele bar. Internet platformany jetildirý týraly pedagogtardy, ata-analardyń usynystaryn tyńdadyq. Qazirgi ýaqytta İT- kompanıalarmen kelissóz júrgizilip, olar ınternet platformany jańǵyrtý boıynsha jumystar júrgizip jatyr», — deıdi Bilim jáne ǵylym mınıstri Ashat Aımaǵambetov.

Onyń aıtýynsha, jańa oqý jylynyń birinshi, ekinshi toqsany boıynsha oqý materıaldary ınternet platformaǵa engizilip qoıdy. Endi osy sabaqtar erekshe qajettiligi bar oqýshylar úshin qoljetimdi bolýy úshin jumystar atqarylyp jatyr.

«Biz qosymsha sýrdo-aýdarmamen qamtamasyz etý, shrıft kólemin ulǵaıtý týraly aıttyq. Bul máseleler bizdiń tarapymyzdan eskerildi. Vıdeo-sabaqtardy túsirý, sıfrlyq bilim berý resýrstaryn daıyndaý jumystary júrgizilýde», — deıdi ol.

---