Oqýshylar úshin 36 myńnan astam kompúter satyp alyndy — Ashat Aımaǵambetov
1 qyrkúıekke deıin aımaq ákimdikteri qosymsha kompúter satyp alady. Bul týraly Ortalyq komýnıkasıalar qyzmetinde ótken onlaın brıfıńte QR Bilim jáne ǵylym mınıstri Ashat Aımaǵambetov aıtty.
«Jańa oqý jylynyń birinshi toqsany aıaqtalǵanda dástúrli oqý formatyna qaıta kóshý-kóshpeý jaǵy belgili bolady. Bul jumys epıdemıologıalyq jaǵdaıǵa baılanysty kezeń-kezeńimen júrgiziledi. Qashyqtan oqýǵa daıyndyq jumystary qalaı júrip jatqany óte mańyzdy. Ótken oqý jylynyń tórtinshi toqsanynda kóptegen máselege tap boldyq. Ol kezde jiberilgen qatelikterdi osy joly eskeremiz», — deıdi Bilim jáne ǵylym mınıstri Ashat Aımaǵambetov.
Onyń aıtýynsha, qazirgi ýaqytta kompúterge qatysty aýqymdy jumys atqarylyp jatyr.
«Bizde eskirgen kompúter kóp. Qajet etetin oqýshylarǵa ýaqytsha bere turýǵa bolatyn kompúter az. Sondyqtan qazirgi ýaqytta 36 myńnan astam kompúter satyp alyndy. 1 qyrkúıekke deıin aımaq ákimdikteri qosymsha kompúter satyp alady. Búgin Úkimet otyrysynda osyndaı tapsyrma berildi», — dedi ol.
You Might Also Like
-
Sıfrlyq damý, ınovasıalar jáne aeroǵarysh ónerkásibi mınıstri Asqar Jumaǵalıev muǵalimder men oqýshylarǵa arnaıy tarıftik jospar shyǵarý máselesi pysyqtalyp jatqanyn málim etti.
-
1 qyrkúıekten bastap 1-11 synyp aralyǵyndaǵy oqýshylar qashyqtan oqıdy. Bul týraly Ortalyq komýnıkasıalar qyzmetinde onlaın ótken brıfıńte QR Bilim jáne ǵylym mınıstri Ashat Aımaǵambetov aıtty.
