InfoHub Logo

Sabaqtyń taqyryby: Shetki tigisterdi oryndaý.
Sabaqtyń maqsaty:
1. Bilimdiligi Shetki tigisterdi úıretý. Ótken taqyryptar boıynsha bilimderin qaıtalaý. Oqýshylardyń júıeli oılaý ári tigý daǵdylaryn qalyptastyrý.
2. Damytýshylyq Oqýshylardyń óz betimen jumys istep, tigý qabiletterin damytý. Mamandyqtary boıynsha quzyrettilikterin, ıkemdikterin damytý.
3. Tárbıelik Eńbek etýge, uqypty tigýge jáne teorıadan alǵan bilimderin praktıka júzinde kórsete otyryp, sabaqta belsendilikterin arttyrý.
Sabaqtyń túri: Aralas.
Negizdelgen tehnologıa: Interaktıvtik tehnologıa.
Kórnekilik quraldar: Úlgiler, mýltımedıalyq taqta, nusqaý kartalar,
oqýshylardyń jeke quraldary, sheberhana jabdyqtary.

Pánaralyq baılanys: Tehnologıa, Matataný, Jabdyq.
I. Uıymdastyrý bólimi 3 – 5 mın.
1. Oqýshylarmen sálemdesý.
2. Sabaqta joq oqýshylardy belgileý.
3. Oqýshylardyń sabaqqa daıyndyǵyn tekserý.

II. Kirispe bólim.
Ótken sabaqty qaıtalaý. Slaıd. Mýltımedıalyq taqtada qosatyn tigisterdiń sýretin kórsetip, jasyrylǵan tigis ataýlaryn tabý jáne qaıda qoldanylatynyn aıtý.

1. Syryp tigý aıyra útikteý.
2. Syryp tigý jatqyza útikteý.
3. Aıyra tigý ashyq túri.
4. Aıyra tigý jabyq túri.
5. Bastyra tigý ashyq túri.
6. Bastyra tigý jabyq túri.
7. Japsyra tigý ashyq túri.
8. Japsyra tigý jabyq túri.
9. Qosyp bastyryp eki ret tigý.
10. Túıistire tigý.

Sabaqtyń maqsaty men taqyrybyn habarlaý. Oqýshylar ótken sabaqty esimizge túsirsek, tigisterdiń úsh túrge bólinetini aıtyldy. Qosatyn tigister, shetki tigister jáne bezendirgish tigister. Qosatyn tigisterdi ótken sabaqta óttik jáne de búgin qaıtaladyq. Kelesi búgingi ótetin jańa sabaǵymyzdyń taqyryby: Shetki tigister.
Búgin bizder shetki tigisterdiń túrlerimen tanysamyz. Qaıda qoldanatynyn bilemiz jáne óńdeý tehnologıasyn úırenemiz.
Qaıyryp tigýdiń eki túri bar: ashyq túri jáne jabyq túri.
1. Qaıyryp tigýdiń ashyq túri (vıdıorolık) buıym
etekterinde, jeń aýyzdarynda, shalbar balaqtarynda óńdeýde kezdesedi. Bul tigis kóbinese qalyń matalarda óńdeledi.
Óńdeý joly: Matanyń (oń jaǵynan) shetinen qaıyrý syzyǵyn belgileıdi 0, 5 - 4, 0sm. Matanyń teris jaǵyna búgip, kókteý. Ústinen bastyryp tigiledi, tigis eni 0, 5 - 3, 0 sm.
2. Qaıyryp tigý jabyq túri (vıdıorolık) de qaıyryp
tigý ashyq túri sıaqty buıymnyń etekterinde, jeń aýzynda, shalbar balaqtarynda jáne kez kelgen zattyń shetin óńdeýde kezdesedi, biraqta juqa matalarda óńdeledi.
Óńdeý joly: Matanyń (oń jaǵynan) shetinen eki ret qaıyrý syzyǵyn belgileıdi. 0, 5 sm den 4 sm ge deıin qaıyrýǵa bolady. Teris jaǵynan eki ret búgip kókteý. Ústinen bastyryp tigý, tigis eni 0, 1 – 0, 2 sm.
3. Jórmep tigý shettik shyǵarý. (vıdıorolık) Barlyq buıymdarda da jórmep tigý
kóp kezdesedi: óńirdi óńir astymen qosyp óńdegende, qattamany óńdegende. qaqpaqshany astar matasymen óńdegende, ádipti moıyn oıyndysyna jáne qoltyq oıyndysyna qosyp óńdegende t. b.
Óńdeý joly: eki bólshektiń oń jaqtaryn bettestirip, qıyqtaryn teńestirip 0, 5 – 0, 7 sm. aınaldyra kókteý. Jórmep tigý 0, 5 -, 07 sm. (mataǵa baılanysty, eger mata juqa, setinegish bolyp kelse onda 0, 7 sm jórmep tigiledi, al eger mata setinemeıtin bolsa onda 0, 5 sm jórmep tigiledi). Kókteý jibin sýyrady. Oń jaǵyna aýdaryp, 0, 1 – 0, 2 sm shettik shyǵarylady, basa útikteledi.
Jıekteý. Jıekteýdiń de eki túri bar: jıekteýdiń ashyq túri jáne jıekteýdiń jabyq túri.
4. Jıekteýdiń ashyq túrin (vıdıorolık) buıymnyń shetki
qıyqtarynda qoldanylady, buıym etekterinde, jeń aýzynda, moıyn oıyndysynda, qoltyq oıyndysynda, jelbirshek shetinde t. b.
Óńdeý joly: jıek qıǵash 45˚ baǵytta pishiledi jáne eni 2 sm bolý kerek. Jıek pen bólshektiń oń jaqtaryn bettestirip, qıyqtaryn teńestirip 0, 5 sm syryp tigiledi, jıektiń ekinshi jaq qıyǵyn bólshektiń teris jaǵyna qaraı aınaldyryp kókteý, Tigisten 0, 1 sm bastyra tigiledi, basa útikteledi.
5. Jıekteýdiń jabyq túrinde (vıdıorolık) jıekteýdiń ashyq
túri sıaqty buıymnyń shetki qıyqtarynda qoldanady, buıym etekterinde, jeń aýzynda, moıyn jáne qoltyq oıyndysynda, jaǵa, qaqpaqsha, qattama shetterin bezendirý retinde qoldanylady.
Óńdeý joly: 45˚ baǵytta pishiledi jáne eni 2, 5 - 3, 5 sm bolý kerek. Jıek pen bólshektiń oń jaqtaryn bettestirip, qıyqtaryn teńestirip 0, 5 sm syryp tigiledi, jıektiń ekinshi jaq qıyǵyn 0, 5 sm búgip, bólshektiń teris jaǵyna qaraı aınaldyryp kótep, 0, 1 sm bastyryp tigiledi.
Qaýipsizdik erejesin qaıtalaý.
1. Tigin mashınasynyń qaýipti jerlerin ata.
2. Pishýshiniń jumys kıimin sıpattap ber.
3. Útik temperatýrasyn ózgertedi, qandaı jaǵdaıda?
4. Dıelektrıkalyq kilemsheni ne úshin jáne qaı jerge tóseıdi?
5. Mehanık pen elektrıktiń atqaratyn jumystary.
6. Pishýshiniń qajetti quraldaryn ata?
7. Mashınanyń ınesi synǵan kezde ne isteý kerek?
8. Útiktiń qaýipti jerlerin ata
9. Inemen jumys jasaǵan kezde ne isteýge bolmaıdy?
Inemen kózdiń araqashyqtyǵy.
10. Zardap shekkenderge qandaı alǵashqy kómek kórsetesiń?
11. Útiktiń qyzǵanyn qalaı tekseresiń?
12. Órt shyǵýdyń negizgi sebepterin ata.

III Aǵymdy nusqaý.
Oqýshylar óz betterimen jumystaryn oryndaıdy.
Jumys ornyn qarap ótkende:
- Jumys ornyn uıymdastyrýyn tekserý.
- Eńbek tásilderi men operasıalardyń durys oryndalýyn baqylaý.
- Tehnologıalyq prosesin oryndalýyn baqylaý.
- Jumys barysynda qaýipsizdik erejesin saqtalýyn baqylaý.
- Oqýshylardyń ózin jáne ózara baqylaýlaryn qadaǵalaý.

IY Qorytyndy nusqaý.
1. Oqýshylardyń jaqsy jumystaryn aıtyp kórsetý.
2. Qatelerdi sıpattap, olardyń oryn alý sebebine toqtalyp ótý.
3. Baǵalaryn jarıalaý.
4. Sheberhanany jınastyrý.

BQO. Oral qalasy. MKQK «Tehnologıalyq kolej»
M. B. Imangalıeva óndiristik oqytý sheberi