InfoHub Logo

Hİİ ǵasyrdyń basy shamasynda Aıýsha degen qalmaqtyń hanynyń balasy bolypty. Tatar-mońǵol degen han ólgen soń áıeli bek kórkem kisi eken. Bir kúnderde qasynan sáýle sekildi bir zat qalmaıdy. Bara-bara bir jaqta bolady. Aqyrynda sol áıel júkti bolyp, týǵan balanyń atyn Shyńǵys qoıady. Ekinshi maǵlumatta týǵanda Shyńǵys dep dybystap týdy deıdi. Eki alaqany, eki tabany qap-qara qan boldy deıdi. Sonan baqsylarǵa bal ashtyryp: «Bul qalaı bolady?» degende, baqsylar: «Bul eki aıaǵymen júrip jerdiń júzin qan etedi. Eki qolymen kóp qan tógedi», — degen eken. Sonan Shyńǵys erjetken soń han bolady. Bir kúni eki aǵasyna aıtady: «Úsheýimiz birigip mynaý kórshi handardy jaýlap alalyq», — deıdi. Eki aǵasy da eki jerge han eken. Sonan úsheýi birigip, kórshi handardyń elin ala bastaıdy. Shyńǵys artynda júrip, júrgen jerine Shyńǵys atyn tastaı beredi. Aqyrynda Shyńǵys eki aǵasyn da óltirgen. Sonan myna jaǵy Qazanǵa sheıin, myna ońtústik-batys jaǵy Qıýa, Buqaradan Ashtarhanǵa deıin, onan Edil jaǵalap baryp Qyrymdy alǵan deıdi.

 

---