Shyńyraý (Vİİİ nusqa)
Bir torǵaı óziniń eki jumyrtqasyna ıen dalada qalǵan bir jumyrtqany ákelip qosady. Úsh jumyrtqany birdeı basyp, ýaqyty jetkende úsh balapan shyǵarady. Álgi taýyp ákelgen jumyrtqadan súrepeti óz balapanynan bir basqa balapan shyǵady.
Torǵaı «Qyzylshaqa ǵoı, biraz eseısin baıqaıyq» dep aıaldaı-aıaldaı júrip, bir joly jem izdep ketip oralsa, bir balapanynyń aq úrpek júni doda bolyp jatqanyn kóredi. Baqsa, álgi bóten balapanynyń aýzy qan eken. Biraq buǵan taǵy senbeı, taǵy bir joly kelse, ekinshi balapanyn da dodasyn shyǵaryp jep alyp otyrǵan eken. Onymen tynbaı ózine tap beripti.
Sóıtse, ol qarshyǵanyń balapany eken. Sonda torǵaıdyń eki balapanynan aıyrylǵanyna, óziniń qas jaýyn, ózi baǵyp jetildirgenine ókinip opyq jep zarlaǵan «Shyńyraý» degen kúı bolǵan deıdi ańyzdardyń biri.
You Might Also Like
-
Aqordada Qazaqstan Respýblıkasynyń memlekettik hatshysy Qyrymbek Kósherbaevtyń tóraǵalyǵymen shetelde kadrlar daıarlaý jónindegi respýblıkalyq komısıanyń kezekti otyrysy ótti.
-
Ertede bir baı jylqyshylaryna ár jyly taban et, mańdaı teriń bir jabaǵy taı dep belgilengen eken.
