InfoHub Logo

11 synyp

1. Taqyryby: Shulyq toqý
2. Maqsaty: Ulttyq qolónerimizdiń bir túri toqyma toqý túrlerimen tanysý. Shulyq toqyp úırený.
Bilimdilik: qolmen toqý ónerin jan - jaqty tanystyrý.
Damytýshylyq: toqymanyń turmysqa qajettiligi men qazirgi ómirde alatyn ornyn áńgimeleý. Oqýshylardyń oı - órisin damytý.
Tárbıelik: halqymyzdyń asyl murasyn baǵalaı bilýge, ásemdikke, uqyptylyqqa, óz betinshe jumys jasaýǵa tárbıeleý.
3. Sabaqtyń kórnekiligi, qural - jabdyqtar: kompúter, qaıshy, jip, ıne túrleri, sýretter.

4. Sabaqtyń barysy:
1. Uıymdastyrý ýaqyty
2. Ótken taqyrypty qaıtalaý.
3. Qaýipsizdik erejeleri.

4. Jańa sabaq
Balalarǵa arnalǵan shulyq.
Balalarǵa arnalǵan shulyq toqý úshin 70 - 80 gram jip, №5 sym qajet. Symǵa 40 shalý bastap alynady da, ony tórt symǵa tepe - teń bólip, alǵashqy oń shalýdy túıreýishpen belgilep qoıady. 4 - 5 sm rezınka ádisimen toqyǵan soń odan ári taǵy 5sm (tobyqqa deıin) shulyqsha ádisimen toqıdy.
Ókshe shyǵarý: toqymany ekige teń bólip odan ári úshinshi jáne tórtinshi symdaǵy shalýlar ǵana toqylady. Birinshi jáne ekinshi symdaǵy shalýlar bir symǵa ótkizilip toqylady. Toqymanyń shetindegi shalý sany 10 - ǵa jetkende (20 qatar) oń shalýlarmen aıaqtap, ókshe shyǵaryla bastaıdy. Ol úshin symdaǵy shalýlardy oısha 3 - ke bólip, ıaǵnı eki jaǵyna 6 shalýdan, ortasyna 8 shalý qaldyryp, shalý sanyn birte - birte kemite berý kerek.

1 - qatar (toqymanyń teris jaǵy): birinshi jaǵynan 6 shalý toqylady, sosyn ortadaǵy 8 shalýdyń
eń sońǵysynan basqasy toqylyp, sońǵy shalý ekinshi jaqtyń kórshiles shalýymen qosylyp teris toqylady. Qalǵan 5 shalýdy toqymaı, toqymany keri aınaldyrady.

2 - Qatar (toqymanyń oń jaǵy): shetki shalýdy symǵa tartyp iledi de, ortańǵy symdaǵy
shalýlardyń eń sońǵysynan basqasyn toqyp shyǵyp, sońǵy shalýdy birinshi jaǵynyń kórshiles shalýymen qosyp toqıdy. Toqymany keri aınaldyrady. Osylaısha 1 - 2 qatarlardy qaıtalap toqı berý kerek. Aqyr aıaǵynda symda tek ortańǵy bóliktiń shalýlary ǵana qalady.

Shulyqtyń basyn shyǵarý: bul bólik te №5 symmen, oń toqylady. Ortańǵy bóliktiń shalýlary tizilgen symmen óksheniń shetki shalýlarynan 10 shalý ilinip alynady. Sonan soń symmen 1 - shi symdaǵy 10 shalýdy, basqa symmen 2 - shi symdaǵy 10 shalýdy toqý kerek. Budan keıin aınaldyra toqı otyryp, 3 - 4 - shi symdaǵy artyq shalýlardy árbir 2 - shi qatarda kemite beredi. Olardyń árqaısysynda 10 shalýdan qalǵanda kemitý toqtatylyp, endi shulyqtyń basy shyǵaryla bastaıdy. Ol úshin ár qatar saıyn symnyń sońǵy eki shalýy biriktirilip, teris shalynady. Osylaısha ár symda bir - bir shalý qalǵansha kemitip, jip úziledi de, shalýlar qatty tartyp tigiledi. Jipti uzyn ilmekpen shulyqtyń ish jaǵyna ótkizip, jasyrý kerek.

6. Sabaqty qorytyndylaý, oqý bilimin baǵalaý.
7. Úıge tapsyrma: bastaǵan shulyqtaryn aıaqtap kelý jáne ilmek ınemen toqylǵan shulyqtaryn da bitirý.