InfoHub Logo

Shveısarıalyq mektepter bilim sapasy boıynsha fınlándıalyq mektepterden esh kem túspeıdi. Mundaǵy bilim berý júıesi – ózindik erekshelikterge toly. Balalardyń bilim alýyna barlyq jaǵdaı jasaıtyn shveısarıalyq mektepterde qoldanylatyn erekshe ádister kimdi de bolsyn tań qaldyryp, qyzyqtyratyny anyq.

1. Sabaq bir jarym saǵattyq bloktar boıynsha ótedi. Olardyń arasynda 20 mınýtqa sozylatyn úzilis bar. Bul ýaqytta balalar mindetti túrde dalaǵa shyǵyp, asyr sala oınaıdy. Shveısarıalyq mektepterdegi ár synyptyń aldynda óz terasasy bar. Balalar úzilis ýaqytynda terasaǵa shyǵady. Meıli jańbyr jaýsyn, meıli kún salqyndasyn, mindetti túrde úzilis ýaqytyn sol jerde ótkizedi. Aýa raıy ashyq kúnderi muǵalimder men oqýshylar birge fýtbol, basketbol, pıng-pong oınaıdy. Al oıyn oınaýǵa zaýqy soqpaǵan balalardy dáriger baqylaýyna alady.

2. Saǵat 11:30-nan túski 13:30-ǵa deıin túski úzilis. Bul ýaqytta oqýshynyń mektepte qalýyna ne úıge qaıtýyna bolady. Sondyqtan balalar múldem sharshamaıdy. Tańerteń sabaq 8:15-te bastalyp, 16:00-ǵa deıin jalǵasady. Al sársenbi kúni oqý ýaqyty qysqartylǵan. Iaǵnı sabaq 11:30-ǵa deıin ǵana jalǵasady.

3. Balalar jazbasha túrde oıyn bildirýden qoryqpas úshin, mektepte «ustaz – oqýshy» atalatyn poshta qarastyrylǵan. Ár oqýshynyń óz poshta jáshigi bolady. Onda hatyn qaldyrǵan oqýshyǵa muǵalim mindetti túrde jaýap beredi. Bul ádis óte sátti uıymdastyrylǵan – tańerteń barlyq oqýshy óz hatyn alýǵa asyǵady.

4. Sózdik dıktant sýret astyna jazylady. Iaǵnı oqýshy qandaı da bir sózdi bildiretin sýret astyna sol sózdi durys jazýy qajet. Osylaısha bala sózdiń durys jazylýyn sýretpen baılanystyrý arqyly este saqtaıdy. Bul ádistiń tıimdiligi – óte joǵary.

5. Oqýshylar baıandama jasaǵan kezde balanyń qalaǵan áýeni qosylady. Baıandama jasaıtyn oqýshydan kostúm jáne baıandamaǵa qajetti zattar, rekvızıtter talap etiledi. Iaǵnı bala baıandamasyn qysqasha spektákl túrinde jetkizedi. Baıandama jasaý úshin Power Point prezentasıasynyń qajeti joq. Shveısarıalyq muǵalimderdiń pikirinshe, bastaýysh mektep balalary ózdiginen prezentasıa jasaı almaıdy.

6. Matematıka sabaǵynda muǵalim eseptiń shyǵarylý jolyn túsindirmeıdi. Bala jıǵan biliminiń negizinde esepti qalaı ońaı shyǵarýǵa bolatynyn oılap tabýy tıis. Mysaly, 48 ben 53-tiń qosyndysy neshe bolatynyn taqta aldyna shyǵyp, túsindiredi. Esepti shyǵarýdyń durys ádisi joq. Ár oqýshy esepti ózine yńǵaıly ádis boıynsha shyǵarady. Iaǵnı óz ádisimen.

7. Oqýshylar zattardyń barlyǵyn qolmen ustap kóredi. Iaǵnı qorshaǵan orta qolmen ustap, baıqap kórýge arnalǵan. Oqýshylar sabaqta bıdaı, qarabıdaı, sulynyń dámin tatyp kórip, artynan dánderdi úgý úshin dıirmenge jol tartty. Ondaǵy qyzmetkerler balalr ákelgen dánnen un jasap, taıaý arada ol unnan toqash pisirip, mektepke ákelip berýge ýáde etti. Al geografıa qandaı jergilikti aımaq sóz bolsa, muǵalim oqýshylardy aıtylǵan jerge alyp barady. «Óz qolymyzben jasaımyz» sabaǵyna bólingen ýaqyt dene shynyqtyrý sabaǵymen birdeı. Mektep bul eki pán apta ishindegi saǵat sany boıynsha kósh bastap tur.

8. Shveısarıalyq muǵalimderdiń pikirine sáıkes, qatelik – jetistikke bastar jol. Mundaǵy balalarǵa qatelesýdiń durys ekendigin jáne ol úshin ýaıymdaýǵa bolmaıtynyn túsindiredi. Sebebi qatelik jiberý arqyly kreatıvti oılaýǵa úırenip, baıqap kórýden qoryqpaısyń.

9. Eger oqýshy 2 aptadan uzaq ýaqyt sabaqtan qalsa ǵana dárigerden anyqtama talap etiledi. Biraq mundaı jaǵdaıda bala berilgen tapsyrmanyń barlyǵyn úıde jasaýy tıis.

10. Bastaýysh mektep – mýnısıpaldyq jáne múldem tegin. Oqý qarqyny baıaý, alaıda oqý baǵdarlamasynyń reseılik baǵdarlamadan aıtarlyqtaı aıyrmashylyǵy joq.

---