InfoHub Logo

Syrym taǵy da Jaıyq berishi Aldarmen kezdesedi.

«Nuraly handy shabamyn degeniń durys. Ol halyqtyń qas dushpany ekeni ras. Ony shabýyń úshin taıyń qunan shyqsyn, qunanyń dónen shyqsyn», — depti Aldar. Onysy kúreske bir-eki jyl ázirleý kerek degeni eken. «Kúsh jınap handy shabý úshin rýbasy adamdardyń attaryn ataıdy. Solar arqyly qol, qarý-jaraq jınap attanǵaısyń», — deıdi qart. Atalǵan rý-basylardyń ishinde berishtiń Janbaı seben Sarjala bar eken.

Ony ataǵanda Syrym Sarjalamen kóńilderi qońyrqaı bolyp júrgenin aıtypty. Onyń mánisi bylaı bolsa kerek. Syrym batyr ákesi Dat qaıtys bolǵan soń, onyń súıegin berishtiń bir ataqty qorymyna qoıady. Basyna bıik etip belgi soǵady. Dattyń belgisi alystan kórinedi, qorym Dattyń atymen atala bastaıdy. Muny estigen berishtiń bıi Sarjala qyryq adammen baryp, Dattyń molasyn qulatyp, tasyn usatyp aınala shashady da, Berishtiń molasyn sylap-sıpap qalpyna keltirip qaıtady. Syrym batyr Sarjalanyń bul isine narazy bolyp júredi eken. Sony aıtqanda, Aldar: «Sarjala ekeýińniń aralaryńda bolǵan kóńildiń qońyrqaılyǵy halyqtyń qas dushpany Nuralyny shabýǵa kesiri joq. Óıtkeni maqsat — jaýyz handy qurtý ǵoı. Al ony qurtý úshin kúsh biriktirý kerek, Sarjalaǵa baryp qaıtý kerek. Ol elden qol jınasyp kómektesedi», — deıdi. «Aqyrynda qartaıyp otyr dep hanǵa qarsy attanarda, shalyńdy umytyp ketpe, men de kúresińe óz úlesimdi qosamyn», — deıdi Aldar.

Elden qol jınap bolyp, Syrym batyr Aldar bıge kelse, qarý-jaraǵymen, at-azyǵymen júz jigit ázirlep qoıypty. Jınaǵan qalyń qolmen baryp Syrym batyr Nuraly handy shabady. Ulyn rumǵa, qyzyn Qyrymǵa jiberedi. Hannyń qatyn-balasynyń ishinen tek bir hanymdy el Syrymnan surap alyp qalady. Onyń aty el «Jumsaq hanym» deıtin oryn báıbishe (hanym shesheı) bolsa kerek. Al Nuraly han qashyp, Jaıyq boıyndaǵy kazak-orys baılaryna baryp panalaıdy.

Oqýǵa keńes beremiz:

Syrym batyrdyń sheshendik sózderi

Syrymǵa anasynyń aıtqany (I nusqa)

Baıbaqty Syrym batyrdyń ákesiniń atyn Dat dep qoıýdyń syry?

---