InfoHub Logo

«Syıynar em ana degen táńirge» atty keshtiń senarıi
Asylbek Eńsepovtyń «Detstvo» kúıi qosylyp turady. Sahnanyń syrtynan Muqaǵalı Maqataevtyń «Ana» atty óleńi oqylady
Ana
Sen baqyttysyń,
Jylamaǵyn!
Jaı túsip jatqanda da qulamadyń
Táńirińnen men edim ǵoı suraǵanyń
Sondyqtan jylamaǵyn, jylamaǵyn!
Barmyn ǵoı
Tirimin ǵoı,
Qasyńdamyn.
Ólmeımin, men ózińdeı asyldanmyn.
Taýsylyp, óz - ózińnen shashylmaǵyn,
Baıyrǵy berekeńdi qashyrmaǵyn.
Men seniń qanyqpyn ǵoı kóz jasyńa
Ózim kepil tot basyp, tozbasyma.
Eki jyr jazsam saǵan birin arnap
«Ana» dep jazdym ylǵı sóz basyna.
Táńirim keshe kórsin kesirimdi
Aspanǵa jazsam seniń esimińdi!!!
Ana,
Sen baqyttysyń, terbete ber
Quba taldan ıilgen besigimdi…
(Óleń aıaqtalyp bolǵan soń, birden kóńildi áýen qosylyp sahnaǵa eki júrgizýshi kelip turady).
1 - júrgizýshi: Armysyzdar, aıaýly analar, qurmetti ustazdar, gúldeı qulpyrǵan qyzdar! Barlyǵymyz asyǵa kútken kóktemniń alǵashqy kúnderimen birge 8 naýryz Halyqaralyq áıelder kúni de kelip jetti. Bul - bir qolymen besikti, ekinshi qolymen álemdi terbetken analar men názik jandy qyzdar qaýymynyń tól merekesi.
2 - júrgizýshi Qurmetti qonaqtar «Syıynar em ana degen táńirge» atty keshke qosh keldińizder!
Senen ósken balalar,
Batyrlar men danalar.
Quttyqtaımyz meırammen,
Qurmetti, jan analar!
Ortaǵa 5, 6, 7, 8, 9, 10 synyp oqýshylary shyǵyp quttyqtaý óleńderin oqıdy jáne hor án oryndaıdy.
1 - júrgizýshi: Qurmetti analar men mektebimizdiń ustazdary, qyzdary! Búgingi merekelerińiz qutty bolsyn! Sizderge sarqylmaıtyn densaýlyq, uzaq ǵumyr tileımiz. Osy kúni ózderińizge baǵyttalǵan tilekter perishteniń qulaǵyna shalynsyn. Árdaıym bizderdiń janymyzda júre berińizder.
Jan júregi eljireıdi ananyń,
Tek baqytyn tileıtuǵyn balanyń.
Meıirim men nuryn tókken analar
Tynyshtyǵyn qalaıdy da ǵalamnyń - deı otyryp, alǵashqy merekelik quttyqtaý sózdi mektep dırektory... (Nýrgalıeva M. D) beremiz.
2 - júrgizýshi: Bekarys sen qalaı oılaısyń osy keshtiń kóńildi ótýi kimge baılanysty?
1 - júrgizýshi: Árıne bizge, osy zalda otyrǵan kórermenderge jáne oqýshylarǵa
2 - júrgizýshi: Olaı bolsa keshimizdiń kóńildi bólimi saıysymyzdy bastamas buryn ádil qazylar alqasyn taǵaıyndap alaıyq.
1 - júrgizýshi: Aıpaqshy Madına qandaı saıys án bı ónersiz bolmaq?
2 - júrgizýshi: Durys aıtasyń qazaq halqy ónerlini qurmettegen. Sol óner juldyzdaryn tárbıelegen kimder?
1 - júrgizýshi: Álbette analary!
2 - júrgizýshi: Olaı bolsa ortaǵa bolashaq óner juldyzdaryn shaqyramyz «Bolmasańda uqsap baq» súıikti ánshilerine Parodıa jasaý
Bekerys: ortada 5, 6, 7, 8, 9, 10 synyp oqýshylary
1 - júrgizýshi: Qandaı tamasha! Qazylar alqasynan saıys barysynda aldaryńyzdaǵy paraqtaryńyzǵa
2 - júrgizýshi: Bekarys biz bilemiz ananyń balaǵa degen mahabbaty sheksiz ekenin, aǵattyq jasap jatsaq únemi keshirip qoldap júredi. Al balasy anasyna degen súıispenshiligin qalaı bildirmek
1 - júrgizýshi: Anasyn syılap aıtqan tilin alyp
2 - júrgizýshi: Ia kelisemin taǵyda?
1 - júrgizýshi: Kóptegen aqyn jazýshylarymyz analaryna óleń joldaryn, ánderin arnaǵan qazaq halqy aqyn jandy halyqpyz
2 - júrgizýshi: O, Ana asyl ana, ǵasyr ana
Pák janym saǵan qarap asyǵa ma
Aqyn bop jazǵanym joq men óleńdi
Balalyq mahabbattyń basy ǵana deı kele bolashaqta mektebimizdiń dańqyn asqaqtatar aqyn oqýshylarymyzǵa sóz beremiz. «Anaǵa arnaý»
Madına: ortada 5, 6, 7, 8, 9, 10 synyp oqýshylary
1 - júrgizýshi: oı birekeldi, bizdiń mektebimizde daryndy oqýshylardyń bary kóńilimizge qýanysh uıalatady.
2 - júrgizýshi: Ia mende maqtan tutamyn biraq jigitke jeti óner de az degen oqýshylarymyz zaman talabyna saı tapqyrlyqtary men jyldamdyqtaryn kórsetedi. Qazirgi tilmen aıtqanda «Laıfhak» arnaı berilgen zattardan analaryna syılyq jasaıdy. \10 mın ýaqyt beriledi\
1 - júrgizýshi: Saıyskerler buıymdaryn daıyndaǵansha kesh qonaqtarymen oıyn oınaıyq
Biz maqaldyń basyn aıtamyz, sizder tolyqtyrasyzdar.
Bekbarys: Áke kórgen oq jonar.........
Sheshe kórgen ton pisher
Madına: Aǵaıyn — altaý,......
Ana — bireý.
  Bekbarys: Ata - ananyń qaryzy,......
Urpaqtyń ómirlik paryzy.
Madına: Anasy bardyń panasy bar,.......
Anasy joqtyń kóz jasy bar.
  Bekbarys: Ata - ananyń qadirin.....
balaly bolǵanda bilersiń.
Madına: Anańa aýyr sóz aıtpa!
Atyńa aýyr júk artpa!
2 - júrgizýshi: Kelesi kezekte oqýshylarymyzdan quttyqtaýdy qabyl alyńyzdar!
Sabyr R - 7 «A»
Nurmuhamedqyzy N - 9 «A»
Bekbolat E - 11 «A»
Ámirbek J - 9 «A»
1 - júrgizýshi: saıyskerlerimiz daıyn bolsa jasaǵan buıymdaryńyzdy qazylar alqasyna kórsetińizder
2 - júrgizýshi: Maǵan búgingi kesh unap jatyr oqýshylarymyz ózderiniń túrli qyrlaryn kórsetýde.
1 - júrgizýshi: Madına myń buralǵan bıshi qyzdarymyz ben symbatty jigitterimizdiń bıin tamashalamaı bul keshtiń sáni bolama?
2 - júrgizýshi: Úkili kámshat, búrmeli kóılek.
Turǵandaı ózi, qımylsyz bılep,
Iyqtan shashyp, tógilip jerge,
Kúmisti shashbaý, jarasyp belge dep aqyn aǵalarymyz jyrlaǵandaı kelesi kezekti bıshilerge beremiz.
«Kóktem válsi» qabyl alyńyzdar! 5, 6, 7, 8, 9, 10 oqýshylary
1 - júrgizýshi:
Demeńiz biz ónerdi aıap qaldy,
Mezgil de biraz jerge taıap qaldy.
Qosh bolyp turyńyzdar kóriskenshe
Osymen konsertimiz aıaqtaldy.
1 - júrgizýshi: Endigi kezekte ádil qazylar alqasyna sóz beremiz. Qazylar sheshimin shyǵarǵansha oqýshylar ustazdaryńyzǵa quttyqtaý otkrytkalaryńyzdy berseńizder bolady
2 - júrgizýshi:
Ana árbir adamnyń jaryq dúnıedegi eń jaqyny, janashyry, qadirlisi, qamqorshysy, aq sútin emizip aıalaǵan, janyn da aıamaǵan ardaqtysy. Men ana degen sózdi qansha aıtsam da jalyqpaımyn. Óıtkeni ol dúnıedegi eń ardaqty jan. Endeshe, anamyzdy syılap, qurmetteıikshi! Kelesi kezdeskenshe aman - saý bolyńyzdar! 8 naýryz qutty bolsyn!