Sabyr, sabyr, áı, dostym, ashýlanba,
Tórt tentegiń «qutyńdy qashyrǵanǵa»!
Bul ómirde baladan asyl bar ma,
Sabyr, sabyr, áı, dostym, ashýlanba!
Shektelmesin ashýmen bar amalyń,
Jarylmasyn, sabyr et, qaǵanaǵyń.
Molshylyq qoı ázirshe, zaman tynysh,
Oryndaı sal balańnyń qalaǵanyn.
Beldigindi nesine sheship aldyń?
Tasta ári, balalardyń esin aldyń.
Qara borbaı shaǵyńdy umyttyń ba?
Qyryqynshy jyldardy esińe alǵyn.
Jutatuǵyn jalmaýyz juttan da ári,
Esińde me surapyl suqtanǵany?
Bolsa tapqan, bolmasa bir ýys dán,
Bir shyny sút, al basqa túk qalmady.
Sháı ornyna qaınaq sý soraptadyq,
Sonda da biz jamandyq jolatpadyq.
Barǵa máz, balapandaı toıattadyq,
Sonda da biz ómirdi joǵaltpadyq.
Nandy berip maıdanǵa, etti berip,
Jubandyq ózimizdeı kepti kórip.
Otarly jan otyryp qorek etken,
Kók sıyrǵa ómir ber dep tiledik.
Jazda aptap, qysta aıaz qaryp alyp,
Arydyq ta, ashyqtyń jarymadyq.
Sonda da biz osyndaı sotqar edik,
Balalyqtan basqany tanymadyq.
Tiri qaldyq, ólmedik sonda da biz,
Osharly jan, bir úıde on balamyz.
Uzaq kúnge daladan sharshap kelip,
Ólimsirep qaraıtyn sonda Anamyz,
Ómir súre bergemiz sonda da biz.
Sabyr, sabyr, áı, dostym, ashýlanba!

---