InfoHub Logo

«Sońǵy qońyraý» merekesi
Muǵalim: Qurmetti qonaqtar, ustazdar, ata-analar jáne oqýshylar. Qıyndyǵy men qyzyǵy mol taǵy bir oqý jyly artta qaldy. Alda jaıdary, jarqyn jaz, kóńildi demalys, tynymsyz eńbek toqsany. Barshańyzdy oqý jylynyń aıaqtalýymen, «Sońǵy qońyraý» merekesimen quttyqtaımyz!
Aqyl, bilim jastarda,
Sóz beremiz jastarǵa!
Nuraı: Qurmetti ata - analar, kelgen qonaqtar!
Mektepten bastalady bilim - bulaq,
Búgingi saltanatty merekeni,
bastaımyz jarıalap.

Nursultan: Bıylǵy bastaýysh mektep túlekteri «4a», «4á» synyp oqýshylary men synyp jetekshilerin ortaǵa shaqyramyz.
(Barlyǵy qol soǵyp turady, «4a», «4á» synyp oqýshylary men synyp jetekshileri oryndaryna kelip turady)

Nuraı: Qurmetti bastaýysh mektep túlekteri, ózderińe arnalǵan «Sońǵy qońyraý» merekesin ashyq dep jarıalaımyz.
Nursultan: Qazaqstan respýblıkasynyń Memlekettik Týy saltanatty túrde ákelinsin.
Memlekettik ánuran oryndalady.
Nursultan: Qymbatty bastaýysh mektep túlekteri, bastaýysh mektepte ótkizgen 4 - jylda qońyraý únin qanshama ret estidińder. Alǵash mektep tabaldyryǵyn attaǵanda estigeniń esińde me?

Nuraı: Al, búgingi qońyraýdyń úni múlde erekshe. Ol saǵan bastaýysh mekteptiń soǵatyn eń sońǵy qońyraýy. Balalyq shaqtyń kelesi bir belesine aparatyn qońyraý.
Nursultan: Búgin mine alǵashqy ustazdaryńmen qoshtasar ýaqyt jetti. Búgin bastaýysh mektebimizdiń 44 túlegi bastaýysh mektepti bitirip otyr.
Nuraı: Joldaıdy mektep múdiri, túlekterge aq tilek.
Ómir degen úlken jolda.
Aq jol tilep, baq tilep
Ómirde óshpeıtin is balaǵa
Bergen bilimin meıirimin, qamqor peıiliń dep
Alǵashqy sózdi mektep dırektory Sataeva Aıgýl Ýásilqyzyna beriledi.
Nursultan: Mektep buıryǵymen tanystyryp, oqý ozattaryn marapattaý úshin oqý isi jónindegi orynbasary Idrısov Ahat Nesiphanulyna beriledi.

Gramota beriledi:
1) Oqý ozattaryn marapattaý
2) Synyp jáne mektep ómirine belsene qatysqany úshin oqýshylardy marapattaý.
3) Ata - analardy marapattaý.

Nursultan: Oqý ozattaryna mýzykalyq sálem. Oryndaıtyn 3 «a» synyp oqýshysy Tursyntaeva Aıym. «Jasa Qazaqstan!» ánimen.
Nuraı: Keleshek qoı osylar barǵa shúkir,
Aldaryńda aq qanat arman tur.
Júrekteri lúpildep, tebirenip,
Jetekshisin eljirep qımastaı bir.

Nursultan: Kóńilderi qobaljyp, qımastaı kúı keship turǵan «4a», «4á» synyp jetekshileri Quralaı Jánibekqyzy, Sanıa Saleshanqyzyna sóz beriledi.
Nuraı: Án «Mektebim» 4 á synyp oqýshysy Nıazbekova Balaýsa
Nursultan: Jas bastaýysh mektep túlegi endigi sózdi senderge beremiz. «4a», «4á» synyp oqýshylary sóz beriledi.
4 - synyp oqýshylary: Bilimniń myna ómirde jeńgeni kóp,
Bilim qalar halqymnyń sengeni kóp.
Sondyqtanda bilim kiltin
Aq nıetpen senderge tapsyramyz (bilim kiltin MAD synybyna tapsyrady)
Nuraı: Bizdiń mektep tabaldyryǵyn attaǵaly otyrǵan jas bóbekter ıaǵnı bolashaq 1 - synyp oqýshylaryna sóz beremiz.
1-bala: Júrem be oınap men tekke,
Baram bıyl mektepke
Qolǵa qalam alamyn,
Sýretti de salamyn.

2-bala: Dápterimdi taza qyp,
Jazýdy da jazamyn.
Kitapty da oqımyn,
Kóńilge oı toqımyn.

3-bala: Ándi de salamyn,
Sportqa da baramyn.
Bilim alyp jan - jaqty,
Jigit bolam jan jaqty.

4-bala: Tárbıeli tálimdi,
Qýantatyn bárińdi.
Bilim nárin toqýshy,
Meniń atym oqýshy.
Nuraı: Ata - ana tárbıelep balapanyn
Áldılep aıalaǵan alaqanyn.
Bolashaqta baq tilep turasyńdar,
Oılaýmenen aldaǵy bala qamyn.
Ata - analar atynan tilek sóz beriledi.--------

Nursultan: Birinshi synypqa baratyn oqýshylarǵa mýzykalyq sálem.
Bı «Jańa zaman bıi»
Nursultan: Ónerpazdar ortamyzda áli bar.
Bıshilerdiń bılep berer sáni bar.
Qoshemettep, qol soǵyp qarsy alaıyq
Váls bıin bılep berer ul qyz bar.

«3 á» synyp atynan bastaýysh mektep túlekterine váls bıi.
Nuraı: Byıylǵy oqý jylynyń sońǵy qońyraýyna qulaq salaıyq. Qońyraý soǵylady.
Muǵalim: Qúrmetti oqýshylar! Sizderdi kóńildi demalys, jaıdary, jarqyn jaz qarsy alady. Al endi túlekterdi qurmetpenen shyǵaryp salaıyq.
Eki júrgizýshi birge: Úlken ómirge attanǵan qadamdaryńa nur jaýsyn, talaptaryń oń bolsyn!
Muǵalim: Sonymen «Sońǵy qońyraý» merekesin jabyq dep jarıalaımyn!