InfoHub Logo

Sońǵy qońyraýǵa arnalǵan senarı

Egin jınap,​ kelgende sary altyn kúz,
Qolymyzǵa gúl shoǵyn alatynbyz.
Júrekterdi bir názik sezim bılep,
Qol ustasyp mektepke baratynbyz!

«Mektebim,​ aıaýly mektebim!»​ ániniń bir shýmaǵy oryndalady.

Án aıaqtala salysymen ortaǵa bir jigit atyp shyǵyp,​ ándete:
Dostar,​ dostar,​ ketsek te biz eseıip,
Bar qyzyǵyn ómirdiń bir kesheıik?
Bir qalada oqıyq,​ alys ketpeı,
Almatyǵa oqýǵa bir júreıik?

2-jigit:
Almaty — arý qala, arman qala,
Ol jaqta oqımyn - dep armandama.

3-qyz:
Nesi bar, Almatyǵa túse almasaq,
Túsermiz bir oqýǵa Astanada!

4-jigit:
Men ózim Anglıaǵa ketsem deımin,
Áıteýir Eýropaǵa jetsem deımin.
Qalǵym joq,​ myna elde,​ myna jerde,
Qysylyp zorǵa júrmin ókpem meniń!

5-jigit:
Men de ketem, buıyrtsa muhıt asyp,
Oqý oqyp, jumysqa ornalasyp.
Jaǵdaıymdy tezirek jóndemekpin,
Kóshede ómir súrsem de,​ aqsha taýyp!

6-jigit:
Toqtańdar, dostar!​ Onsyz da bizdiń bar bilimdi jastar shet elde júr! Al tepse temir úzetin jigitter Koreıa,​ Amerıka,​ Eýropada qara jumys istep júr.​ Eger barlyǵymyz baqytty alystan izdep, úmit kútip otyrǵan elden kete bersek, kim ıe bolady myna jurtqa?!

7-qyz:
Dosym-aý,​ áli patrıottyǵyńdy qoımapsyń-aý?!​ Jaraıdy elde qaldyq delik?​ Ne isteımiz?!​ Qaıda oqımyz?!​ Qandaı maman bolamyz?​ Bir jylda qanshama oqý orny jabylyp qaldy?!

8-qyz:​
Altyn belgi alý da qıyndap ketti...?!

9-jigit:
Kóptegen mamandyq túrleri ózgerip nemese jabylyp qaldy!

10-qyz:
Eger oqýǵa túse almaı qalsaq,​ qaıda baryp oqımyz?! Ne isteımiz?!

Barlyǵy shýyldap:​
Ia, rasymen de?! Ne jumys isteımiz?! Qaıda baramyz? Qalaı ómir súremiz..?!

1-jigit:
Tynysh! Tynyshtalyńdar!
Ne boldy sonsha ýaıymdap?!​ Esterińde bolsyn!​ Biz — jaspyz,​ sulýmyz,​ energıamyz kóp!​ Sondyqtan bizge jumys tabylady,​ bilim de jetedi! Tek ýaqytty ornymen paıdalanyp, der kezinde,​ qajetti​ bilimdi oqyp,​ únemi damyp otyrsaq bolǵany. Mysaly,​ sońǵy bes jylda bıznes kýrstar qatty damyp, ony oqyǵandar kóp​ aqsha taba aldy! Al qazir ýaılbers,​ kaspıı sekildi platformalar damyp, burynǵydaı jarnama jazýdy úıretetin bıznes mektepter qajet bolmaı qaldy.

2-jigit:
Ras aıtasyń?! Odan da eshqashan suranystan qalmaıtyn,​ bir mamandyq tańdaý qajet?!

3-qyz:
Al meniń muǵalim bolǵym keledi.​ Biraq,​ bolashaqta muǵalimder azaıyp,​ tek jetekshi nemese baǵyttaýshy mamandar ǵana bolady-dep júr elder...?!

4-jigit:​
Ýaıymdama,​ muǵalimder únemi qajet bolady! Ásirese ońtústik pen soltústik óńirlerge aýadaı qajet bolýda!

5-jigit:
Kóp áńgimeni qaıtesińder?!​ Júrińder menimen birge Amerıkaǵa?! Biraz aqsha taýyp qaıtamyz?!

6-jigit:
Qaıda ketip barasyń,​ qaıran elim?!
Berekeniń bastaýy,​ qaınary ediń?!
Jastaryńa jat jurttar suqtanady,
Tegin bilim usynyp,​ nege seniń...?!

7-qyz:
Jatqa ketken arýlar azaımaı tur,
Keıde ashýym qaınaıdy, qazandaı bir.
Ózge ultty kóbeıtip kindigińnen,
Óz qolyńmen óshirdiń ulttyń rýhyn.

8-qyz:
Já,​ toqtańdar! Ne boldy qaıǵyrardaı?
Bul kúıimiz jaǵar-aý,​ jaýǵa maıdaı?
«Ǵylym» - degen ǵajaıyp turǵan kezde,
Órkendeımiz,​ ósemiz,​ kókke samǵaı!

(Osy jerde rýhty bir ánnen úzindi shyrqalady)

9-jigit:
Synyptastar, ne bolǵan búgin bizge?
Búgin sirá, qaıǵyrar kúnimiz be?!
Ustazdarǵa myń alǵys ánmen aıtyp,
Qońyraýdyń tyńdaıyq únin birge!

(«Sońǵy qońyraý» áni oryndalady.)

​ ​ ​10-qyz:
Qońyraý soǵyldy sońǵy ret,
Ustazdar qoshtasty móldirep!
Biz úshin eń qymbat jandarmen,
Qoshtastyq, et júrek eljirep!

2-jigit:
Aıaýly mektebim sen meniń!
Ózińnen nár aldym,​ kóktedim!
Úıretken bar syryn ǵalamnyń,
Dál sendeı danyshpan kórmedim!

3-qyz:
Myń alǵys aıtamyz ustazǵa,
Bilgenin úıretken ul-qyzǵa!
Ómirin ótkizgen biz úshin,
Tálimger aqyldy jandarǵa!

4-jigit:
Birge ósken dostardy qıa almaı,
Ár jaqqa ushamyz qıaldaı...!
Umytyp ketpeńder jan dostar,
Kezdesip turýǵa jıi alda!!!

Synyp jetekshileri sóıleıdi:

Alty jyl buryn qabyldap,
Jetekshi bolǵan synybym!
Ózderińmenen ótkizdim...,
Bir úzik ómir synyǵyn!

Ár shákirt týǵan balamdaı,
Ýaıym shektim kúni-tún...!
Árqaısyń meniń​ - jalǵyzym,
Aman júrińder ul-qyzym...!

Adasyp qalmaı armannan,
Bıikke qanat qaǵyńdar.
Bes kúndik mynaý jalǵanda,
Jaqsy adam bolyp qalyńdar!

Eńbek pen bilim qos qanat,
Samǵaı almaısyń birinsiz.
Aq jol tileımin árqashan,
Qalyp qoımańdar bilimsiz!

Uıadan ushqan jas túlek,
Tek jaqsy jolmen júrińder.
Tabysqa jetip tolaıym,
Aýylǵa jıi kelińder..!!!

17.05.2022

---