InfoHub Logo

Soqyr tyshqan (Ellobios) — sur tyshqan tuqymdasynyń bir týysy. Dene bitimi jumyrlaý, turqy 13 sm, túgi jumsaq, qylshyqsyz, túsi sarǵylt, qara qońyr. Kózi kishkene, qulaǵy shala damyǵan, kúrek tisteri jer qazýǵa ıkem, tirshilik áreketin topyraq arasynda ótkizip, jer betine sırek shyǵatyn kemirýshi. Evrazıanyń dala, shól aımaqtarynda taralǵan, taýda 4000 m bıiktikke deıin kezdesedi. Qazaqstanda keń taralǵan túri — kádimgi soqyr tyshqan (Ellobios talpinus). Bunyń dene turqy 94,0-115,5 mm, topyraq betinen 10-30 sm tereńdikte topyraqty qazyp, ósimdik tamyrymen qorektenedi. Qazyp bosatqan topyraǵyn anda-sanda jer betine shyǵarady jáne bul topyraq osy qorektik in jolynyń aýzyn jabady. İnin, uıasyn qorektik in jolyna jalǵastyra 1,5-2 m tereńdikke jasaıdy. Baý-baqsha, bede egistigine zıan keltiredi.

---