InfoHub Logo

2017 jyldyń 1 qańtarynan bastap, joǵary oqý oryndaryndaǵy jáne joǵary oqý oryndarynan keıingi bilim berý mamandyqtarynyń tizimine doktorantýra dájeresinde (PhD) «Sot saraptamasy» mamandyǵy engiziletin bolady. Al, magıstratýra deńgeıi boıynsha ol osydan bir jyl buryn engizilgen. Bul týraly QR Ádilet mınıstrliginiń Sot saraptamasy ortalyǵynyń dırektory Isıdor Borchashvılı men Sot medısınasy ortalyǵy dırektorynyń orynbasary Rýslan Satypaldıev Ortalyq komýnıkasıalar qyzmetinde Qazaqstanda zań ústemdigin qamtamasyz etý baǵytyndaǵy sot-saraptama qyzmetine baılanysty ótken baspasóz máslıhatynda aıtty.

Magıstratýra men doktorantýra dárejeleri boıynsha, jańa kadrlardy daıyndaý mindeti júktelgen ǵylymı kadrlarmen qamtamasyz etý jáne ustazdyq qyzmettiń satylyq deńgeıi týraly aıta kele Rýslan Satypaldıev: «Qazirgi tańda 4 ǵylym doktory jumys istep jatyr. Ekeýi Astanada, qalǵandary Almaty men Semeıde. Ǵylym kandıdaty dárejesi bar 26 maman bar. Sarapshy Astanadaǵy ýnıversıtetterdiń birinde Phd dárejesi boıynsha daıyndalýda»,-dedi.

Onyń sózinshe, qazirgi tańda QR bilim berý júıesi kandıdattyq dısertasıa qorǵaýǵa múmkindik bermeı otyr.

«Biz Reseıdiń sot medısınasy federaldy ortalyǵymen yntymaqtastyq ornatyp, mamandar daıarlaý jóninde memorandýmǵa qol qoıdyq. Bizde qazir bir sarapshy kandıdattyq dısertasıanyń taqyrybyn oılastyrýda. Kelesi jyly ol osy ortalyqtyń bazasynda ony qorǵaıdy»,-dedi Satypaldıev.

---