InfoHub Logo

Sabaqtyń taqyryby: «Sóıle, sheshen dombyra!» Ańyz kúı «Aqsaq qulan»
Maqsaty: Oqýshylarǵa «Aqsaq qulan» kúıiniń ańyzy arqyly dombyra aspabynyń qudiretin jetkizý. «Ágýgáı, dombyra» ánin úıretý.
Mindetter:
1. Oqýshylardyń tanymdyq qabiletin arttyrý, óz oıyn erkin jetkizýge jeteleý, eske saqtaý qabiletin qalyptastyrý, kúı tilin uǵyna bilýge úıretý.
2. Mýzykany túsinýge baýlý, ulttyq ónerdi qasterleýge, jan - janýarlarǵa qastandyq jasamaýǵa tárbıeleý.

Sabaqtyń túri: Jańa sabaq.
Oqytý ádisi: Suraq - jaýap, túsindirý, problemalyq
Sabaqtyń barysy:

I. Uıymdastyrý kezeńi
II. Úı tapsyrmasyn suraý
III. Bilimdi jan – jaqty tekserý
IV. Jańa sabaq
V. Án úıretý
VI. Bilimdi bekitý
VII. Qorytyndylaý
VIII. Úıge tapsyrma
IX. Baǵalaý

İ. Uıymdastyrý kezeńi: Amandasý. Oqýshylarmen amandasý. Olardyń nazaryn sabaqqa aýdarý. Balalar, búgingi sabaǵymyzdy jaqsy kóńil – kúımen ótkizeıik -. Bul sabaqta biz sendermen án de oryndaımyz, mýzyka da tyńdaımyz, dombyra da shertemiz. Eń aldymen balalar, daýys apparatyn shynyqtyryp, túrli jattyǵýlar jasap alaıyq.

İİ. Vokal: Daýys jattyǵýy. 1. «Jańǵyryq»
3. A - a - a, Jasa máńgi Qazaqstan!
(eń aldymen muǵalim, sodan keıin oqýshylar qaıtalaıdy) Dybystardy 2 - 3 ret aıtý, aýyzdy dóńgelete otyryp aıtýlaryn qadaǵalaý.

İİİ. Ótken sabaqta úırengen ándi qaıtalap bekitý. (Úzindi)
A)- Balalar biz sendermen ótken sabaqta qandaı án úırendik?
- Ol án ne týraly aıtylǵan?
- Al aldymyzda qandaı mereke kele jatyr? (Táýelsizdik merekesi)
- Sender óz týǵan jerlerińdi súıesińder me?
- Án qalaı oryndalady? Tempi qandaı?
- Ándi aıtpas buryn biz eń aldymen mýzykasyn qosqan kezde ne estımiz?
/Kirispe/
- Ol kirispe bizge ne úshin kerek?
Á) – Oqýshy shyǵyp, úzindisin oryndap eske túsiredi.

«Qazaqstan» áni B. Beısenova
1. Súıem seni, jasyl jaılaý, ata-mekenim,
Sulý Kókshe, Alataýdy jyrlap ótemin.
Q - sy: A - a - a, jasa, máńgi Qazaqstan!
A - a - a, Jaına sen de Astanam!
2. Kók baıraǵyń kúlimdesin árkez bıikten,
Týǵan jerdiń topyraǵyn, ótem súıip men.
3. Halqym meniń keshsin deımin ómir dáýletin,
Baqyt qonǵan shańyraǵyń bolsyn sáýletti

(Mýzykadan úindi qosyp, oqýshylardyń nazaryn kúıge aýdarý)
- Balalar, biz sendermen ne estip turmyz?
Iá, durys – kúı. Al qandaı aspappen oryndalyp tur?
Endeshe, búgingi bizdiń jańa taqyrybymyz,

İÚ. Jańa taqyryp:
«Sóıle, sheshen dombyra!» dep atalady. Al osy taqyrypqa biz maqsat qoıaıyqshy, biz bul sabaqta ne isteımiz dep oılaısyńdar?
- Iá, ıaǵnı biz bul sabaqta dombyranyń sóıleı alatynyna «Aqsaq qulan» kúıi arqyly kóz jetkizemiz. Al, olaı bolsa men senderdi «Aqsaq qulan» kúıiniń shyǵý tarıhymen tanystyryp alaıyn:
A) Ańyzyn aıtý
Á) Múltfılmnen úzindi kórsetip, kúıin tyńdatý. (Balalarǵa mýzyka tyńdaý erejelerine eske túsirip otyrý)
B) Suraq - jaýap:
- Al, balalar, bul kúıdi tyńdaǵanda qandaı áser aldyńdar?
- Bul kúıdi sender buryn estip pe ediń der, álde múltfılmdi kórgen bolarsyńdar?
- Balalar, jan - janýarlarǵa qastandyq jasaýǵa bola ma?
- Nege qulan hannyń balasyn teýip óltirdi?
- Sender taǵy qandaı tıisýge bolmaıtyn kıeli qusty bilesińder?
- Bul kúı arqyly biz dombyrany sóıleı alady dep aıta alamyz ba?
- Al endeshe qazir biz dombyranyń «Balań óldi, Joshy han...» dep aıtyp turǵan jerlerin dombyraǵa qosylyp aıtyp kóreıik.

BA - LAŃ ÓL - Dİ JO - SHY HAN, BA - LAŃ ÓL - Dİ JO - SHY HAN

V) Dombyraǵa qosyp oryndaý
G) 1 - 2 oqýshymen kórsetý

Ú. Jańa án: «Ágýgáı, dombyra» Áni: A. Qorazbaev
Sózi: T. Qajybaev
(Balalar, endeshe búgingi jańa taqyrybymyzǵa sáıkes,
A. Qorazbaevtyń ánine jazylǵan «Ágýgáı dombyra» ánin úıreneıik.
1. Ásem áýen dala kezip barady,
Arý balqyp jigit tómen qarady.
Selt eterlik sezim ketti sel bolyp,
Dombranyń, ágýgáı - aı, kúı tókkende shanaǵy

2. Perne qýǵan súırik saýsaq salaly,
Keıde jelip, keıde orǵyp shabady.
Sala qulash shanaǵynan syńsyǵan
Aqqý ushyp, ágýgáı - aı, qazdar qaıtyp barady.

3. Tulparlardyń dúbir qaqqan tuıaǵy,
Kókirekke syrly saryn quıady.
Syńǵyrlaǵan san myń áýen, ıapyr - aý
Shanaǵyna, ágýgáı - aı, qalaı ǵana syıady?

- Kitaptyń 91 betin ashamyz. Sózderin taldap, shýmaqtaryn oqyp shyǵý.
- Balalar, bul án qandaı yrǵaqpen oryndalady?.
- Durys, sebebi bir, eki, úsh - bir, eki, úsh dep sanalady.
- Shapalaqpen kórsetý
- Muǵalim kórsetip oryndaıdy, oqýshylar qaıtalaıdy. (1 - 2 jolyna kóp kóńil bólý kerek /2 - 3ret qaıtalap/)
- Ándi tolyq oryndaǵanda balalar váls ekpinin oryndarynda otyryp keltire bilý kerek.

Úİ. Qorytyndy:
- Sonymen balalar, búgingi sabaqty qorytyndylaıtyn kez de kelip jetti.
- Án aıtý úshin biz dybystardy qalaısha oryndaýymyz kerek?
- Taǵy ne kórdik, ne tyńdadyq?
- Jan - janýarlarǵa qorlyq jasamaý kerek ekendigin túsine bildik pe?
- Qazaqtyń qasıetti qara dombyrasy sóıleı alady degen sheshimge kele alamyz ba?
- Búgingi sabaq senderge unady ma? Nesimen unady?
Úİİ. Úı tapsyrmasy: 1. «Ágýgáı dombyra» ánin jattaý
2. «Aqsaq qulan» taqyrybyna arnap sýret salyp kelý.
Baǵalaý