InfoHub Logo

Sabaqtyń taqyryby: Kıeli aspap - qobyz

Maqsaty: Oqýshylardy qobyz aspabymen tanystyrý, kúı atasy - Qorqyt jaıly túsinik berý, qobyzǵa arnalǵan kúılerdi tyńdatý.
1.. Qobyz kúıleri arqyly oqýshylardyń sana sezimin, oı - órisin keńeıtý. Ótken zaman men qazirgi zamandy sabaqtastyra otyryp balanyń ómirge kózqarasyn qalyptastyrý.
2. Mýzykalyq qabiletterin odan ári damytý. Shyǵarmashylyq belsendilikterin arttyrý. Týǵan jerdiń tabıǵatyn súıýge, jan - janýarlarǵa qamqor bolýǵa baýlý.
3. Mýzyka arqyly adal, sezimtal, adamgershilikti, salaýatty, ınabatty bala tárbıeleý.
Kórnekilik: Qobyz, dombyra aspaptary, slaıd kórsetý, úntaspa, Qorqyttyń sýreti, qobyz aspaby
Sabaqtyń túri: Aralas sabaq
Sabaqtyń ádis - tásilderi: Suraq - jaýap, túsindirý, oıyn elementteri, mýzyka tyńdaý.
Sabaqtyń barysy: 1. Uıymdastyrý kezeńi:
Sálemetsizder me?
Sálem berdik sizge!
Án sabaǵy syılasyn,
Jarqyn kóńil bizge.
Sulý sazdy ánim,
Kúımen jyrlar sánim.
Ónerlige qurmetpen,
Qol soǵyńdar báriń!!!

Úı tapsyrmasyn suraý:(slaıd)
Neni bildik?
Kúıshi kompozıtor Qurmanǵazy
Batys Qazaqstan
Atasy Alqa
Ákesi Saǵyrbaı
Shákirti Dına
Kúıleri «Aqsaq kıik» «Adaı» «Balbyraýyn»
Erkindik, teńdik úshin kúresker

Jańa sabaq: İ. Jańa taqyryptyń aty «Qımyldy túsin» oıyny arqyly ashylady.
«Kıeli aspap - qobyz»
(Slaıd arqyly túsindiriledi)
a) Qobyz – kóneden kele jatqan qazaq halqynyń mýzykalyq aspaby. Skrıpka aspabynyń atasy sanalatyn qobyzdyń arǵy tegi sadaqtan shyqqany ǵylymı túrde dáleldengen.
Qazaq halqy úshin qobyz kıeli aspap bolyp sanalady. Sebebi, qobyz tartqan baqsy syndy jandardyń adam taǵdyryna áser etetin kúshi, boıynda úlken qabileti bar bolǵan. Qobyzdan shyqqan ún adam boıyndaǵy álsizdik ıa jaǵymsyz kúshterdi syrtqa shyǵaryp, oǵan kúsh - qýat beredi.
Qońyr úndi qobyz ǵasyrlar syryn jeteleıtin kıeli aspap. Qobyz dese bizdiń sanamyzǵa Qorqyt ata túsedi. Qorqyt babamyzdan qalǵan qasıetti qara qobyz ǵasyrdan - ǵasyrdy jalǵap, sazdy sarynyn úzbeı qazaq halqynyń qýanyshy men qaıǵysyn jetkizip keledi.
«Narqobyz», «Qylqobyz», «Prıma - qobyz» dep bólingen toptarǵa tapsyrma beriledi: «Alma aǵashyna» jaýap bergen saıyn alma ilinedi. (1alma - 10 upaı)
1) Qorqyt ata kim bolǵan
2) Qorqyttyń Qorqyt dep atanýy
3) Qobyz aspabynyń shyǵý tarıhy
á) «Qobyzdyń atasy» atanǵan Qorqyt baba VIII - IX ǵasyrda qazirgi Qyzylorda oblysy, Qarmaqshy aýdanyna qarasty Syrdarıa ózeniniń tómengi jaǵynda, Jankent qalasynda ómir súrgen. Qorqyt aldaǵy kúndi boljaǵan kóripkel, sheber
kúıshi jáne jyrshy bolǵan. Kishkentaı kúninen bastap kóptegen aspaptarda sheberlikpen oınaǵan. Ol qobyzdy tek baqsy - balger men kezbe dýanalardyń qolynda júretin jaı qural esebinde emes, naǵyz halyqtyq mýzyka aspaby retinde tanyta bildi.

Qorqyttyń Qorqyt dep atanýy
Qorqyt dúnıege keler kezde jer dúnıeni qara túnek basyp qatty daýyl soǵyp el jurttyń úreıin ushyrady... Bala anasynan týa til qatyp, sóıleı bastaıdy. Alǵashynda «bul jeti basty jalmaýyz bolar» dep qoryqqan jurt onyń adam násili ekenin kórgennen keıin ǵana kóńilderi jaılanady. Sodan, bul erekshe bolyp ómirge keldi, bárimizdi qorqytty dep, esimin Qorqyt dep qoıady.
Qorqyt jasynan óte uǵymtal, bolyp ósedi. Ol aspaptardyń bárinde keremet oınaıdy. Adam men janýarlardyń únin, tabıǵattaǵy qubylystar men dybystardy jetkizetin jańa bir aspap jasaǵysy keledi.